^^ الأسهم لخالد 
و عليكم السلام اخوي الغالي صبحك الله بالنور حياك الله يالغالي , كلام بالفعل جميل منك اخوي و هالموضوع نوقش لين مل النقاش من نقاشنا 
ادارة ميلان ما تبي تدفع كثير , ادارة تبحث عن لاعبين خلاص انديتهم ما عاد تبيهم
يعني يبون الفكة منهم يجي ميلان بمفاوضات بسيطة يحسم الأمور بصفقة راس مالها بسيط على نادي مثل ميلان
المشكلة و انا اخوك كل المشكلة في الادارة اللي تشبعت من البطولات و فكرها ما تقدم ابد حتى الآن
و للحين و هم يتغنون بالبطولات الماضية , يعني " غالياني " عقب نهاية الموسم
الفايت و عدم تأهل ميلان لدوري الأبطال قال علينا ما ننسى أننا أبطال العالم 
يعني خلاص انت بطل العالم تبي تسكر النادي و تغني عند بابه أنا بطل العالم اوكي انت بطل العالم بس هذا ما يعني ان الكورة انتهت لا , هذا يعني ان الفريق حاليا بطل
العالم , يكون وضعه مشرف في أي بطولة يدخلها مو بالشكل اللي شفناه العام الفايت
و كان السبب هو التغني بالصيف بالبطولة الأوروبية و عدم جلب لاعبين جدد ذوي كفائات مميزة
يعني لاعبين من طينة " ايتو " و " توريس " و البقية , لاعبين سوبر ستار يبحثون عن الامجاد
و ما تشبعوا منها مثل لاعبنا الحالي " رونالدينيو " اللي يلعب و في راسه انه افضل
لاعب في العالم و فايز بجميع البطولات اللي يمكن لأي لاعب الفوز بها
يعني لاعبين اكتفوا من البطولات و النجومية , باختصار اقولك اياها ان الادارة صارت
بخيلة بشكل ما يتصور بالأخير , و الله العالم ان خزينة ميلان يمديها تكون ثلاثة فرق
لكن البخل للأسف مسيطر على " غالياني " و " بيرلسكوني " , أنا أتمنى ان هالاثنين يبيعون
النادي و يتوكلون على الله لأن التغيير سنة من الحياة و حان الآن وقت التغيير 
,,
و " أنشيلوتي " مدرب صاحب شخصية ضعيفة جدا و ما يقدر يواجه الادارة و يفرض رايه عليهم
و هو يعتبر سبب من اسباب عدم نجاح ميلان بالآونة الأخيرة بسبب عدم طلبه
للإدراة بإصرار على جلب نجوم شابة للفريق و الاكتفاء ببعض الصفقات الخشاش
و قليل جدا من الصفقات الناجحة اللي جت من الله و لا هوب من فطنة الإدارة يعني
صفقات أصلا تهيأت للميلان تلقائيا مثل صفقة " زامبروتا " و " أنشيلوتي " كل موسم نقول بيتغير لكن الادارة مصرة على الإبقاء على المدرب
المطيع لها و هو أعمى !! ,
,,
و خطط " أنشيلوتي " تنم على عدم ثقته بالفريق أبدا يعني خططه دفاعية بحتة حتى لو تلعب
قدام نجران ميلان يلعب بخطة دفاعية و انا عتبره خوف مبالغ من " أنشيلوتي " يعني قد يكون الفريق ضعيف دفاعيا و لذلك يحط خطة دفاعية لكن أنشيلوتي " يمسخها مرة
يعني يلعب بأربعة مدافعين و ثلاثة محاور و لا مهاجم مدافع 
و ان شاء الله الادارة على المدرب كلهم في خيشة وحدة برى السان سيرو في السنوات القليلة القادمة ,,
و السموحة ان كان بوه شي غير مفهوم لأني سهران و دايخ ,,
منور أخوي " خالد أثرك ميلاني و أنا توني أدري تشرفنا بزيارتك و ان شاء الله دوما هالزيرات ღ دمــتــم بـــ خ ـــيــر ღ
