| أنا من
عنيـــــــــــــــــــــــــــــــــــــــــــــــــــــــــــــــــــــــــزة
وعايش حاليا بالرياض عنيزة معروفه وما تحتاج تعريف لكن اكتفي بقصيدة قاله الشاعر الكبير علي العبد الرحمن أبو ماجد , رحمه الله حينما كان بمكه وتذكر عنيزة ديرته
أنا بأم القرى من حسبة الجيران والسـكان * مدام السعر غالي والله اني ماتعـداها
إلى شفت العنب والخوخ والتفاح والرمان*جزمت ان الله اول مارشى بالرزق مسعاها
علامك بالزعل والضيق من تدخل مع الريعان*عسى اليوم الاخير بوسطها وادفن بمعلاها
نهار يعبد الرحمن فيه ويدحر الشيطان*على آخر جمرة من حجة تحمد سجاياها
والى مني ذكرت عنيزةالفيحاءاستشنت بشان*بلاد فضله رب السماء بافضاها ورخاها
تمنيت ان لي سبق ولي ريش ولي جنـحان*احلق بالخضيراء ثم ادورها لما القاها
ترى حب الوطن يكتب على المسلم من الايمان*ومن له ديرةعقب المغيب ان عاش ينصاها
اناافخر في عنيزه والفخر ماهوب بالبنـيان*ولافي غرسها والابضاحيها ولاماها
ولكن الفخر في جملة الشيبان والشبـان*رجال يوصلون المرجله حده ومعـناها
نهارالحرب بالهيجاء تراهم نقوة الفرسان*الى من الوجيه استلبست وارخت شفاياها
لهم مايكفل التاريخ يوم مزاعم الشيـخان*قبل عبدالعزيز بن سعود يوحد اجزاها
حلايا مهرة ماهيب تستمرح لكل حصان*تعدي صقلته عند المزاعم عن قطاياهـا
ترى الماضي يسد اللي يبي يستنطق البرهـان*مخضبة على وضح النقى بالدم يمـناها
تسوق الطيب لاهل الطيب والعدوان للعـدوان*وتاخذ حقها وافي ولو كثرت ضحاياهـا
ولي بالمفخره فيهم مثل ترجيحة المــيزان*على خلق من احسن ما خلق ربي بدنياهـا
يحبون الغريب ويحسنون عناية الضيفان*من الف المرجله فيهم لما تاقف على ياها
صلاة الله وتسليمه على اللي من نـسل عدنان*نبيّ وضح الخطه من اولها لما اتلاهـا | 