نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

صِبآ نجّد · #2 21/02/2009, 05:43 AM

بسم الله الرحمن الرحيم ..

من الطبيعي انها تزداد الحصيله العلميه باليوم .. وممكن بالثانيه ليش لا

اليوم تعلمت شي وقد يكون المكان اللي متعلمه منه مو احسن وسيله لتعليم لكن انها اسرع وسيله للتعليم

تعلمت اليوم انه كل شي ممكن بإرادة الشخص ورضاه .. اليوم شفت مسلسل قصة مرره انسانيه

بنت عاديه سليمه تزوجة شخص اصم .. الغريب فالامر ان البنت ما تزوجة عشانها راحمته او عاطفه عليه

لا هي فعلا تحبه وتحمل له الكثير من المشاعر

طبعا الناس يحكمون عليهم وكأن هالشي غريب ..

اوكي الوضع صعب فالبدايه ولكن بعدين بيتغير الوضع

غير كذا كان اصعب معارضه من اهلها امها بالتحديد

المهم اي موقف يصير لهم يشيل بخاطره الرجال ويزعل وزوجته تحاول تخبي ولا تقوله بس ولو هو حاس بالوضع حتى لو انه ما يسمع

فبالاخير من كثر المشاكل اللي تحصل لهم وتعليق الناس عليهم

قرروا يتركون بعض

هذا اكثر جزئ حزني فالقصه . . وتطلقوا

وبعد خمس سنوات .. كانت راكبه السياره مع زوجها الجديد ولا هي تشوف هذاك مع بنته وزوجته

>> لا هو مكتوب لها ولا هي مكتوبه له وكلن راح في نصيبه <<

اسم الحلقه .. " صـدى الـصـمت "

ما يستفاد من الحلقه او الشي اللي تعلمته اليوم :

1- ابدا ما احكم على سعادة او تعاسة الناس من الخارج .. واصلا بأي صفه اجي واحكم على الناس

كل شخص له الحريه انه يعيش بالطريقه اللي يبغاها ويرتاح فيها ..

2- الحب لا يعرف لغه او لون ..

3- جمله قالتها الزوجه ايام ماكانوا متزوجين تعليقا على شخص.. قالها : انتي ما تطفشين بعض الاحيان من لغة الاشاره يعني ما ودك تتكلمين بعض الاحيان ؟؟؟؟ سؤال غبي زي وجهه

الزوجه ردت عليه قالت : الصمت بعض الاحيان احسن.. لانه لو كان فيه كلام بيصير فيه كذب ..

4- تعلمت ان الناس يحسدون لو على قطعة خبز .. اللي تمثل دور الزوجه انسانه اعطاها الله قدرا من الجمال

وكل الناس حاسدين زوجها عليها .. وهو سبب رئيسي بالطلاق ..

5- تعلمت اني لازم ما اعيش جو مع المسلسل

لان فعلا اكتئبت وجتني ضيقة صدر هههههههه

ختاما لما قلت .. كل شخص له الحق بأن يحب من يريد ويختار وان يعيش حياته بالطريقه اللتي يتمناها ويحلم فيها

وهذا كل ما تعلمته اليوم او بالاصح فيه هذا الوقت ..

اشكرك اخي على الموضوع الرائع ..

اتمنى من الكل ان يستفيدوا مما تعلمت اليوم ..