صـباح الـخـير ..


هـلا وغـلا بحبايبي .. ,





((هـلالي من أرض اليـمن ))

هلا بك كل مرة ..

إقتباس والأختلاف انك تحدثت عن امكانيات سواء مادية او قدرات مهارية للفرد .. اخيك تقدم بمشروعات تحتاج رأس مال من طرف آخر وهو الوالد يحفظه الله ومن حق الطرف الآخر طالما انه سيعطي ان يؤيد الافكار او يعترض عليها فالمال ماله وهو حر فيه

صحيح كلامك , وهذا اللي خلاني أطرح هالنقاش .. يعني فكرتي ماهي مُكلفة وحتى لو كان أخو وردة الهلال , أو اي ولد مارح تكلف صح
صراحة في كثير من الرجال وبعض من النساء "عصاميين" من جد لما تسمع قصصهم وكيف وقفوا على رجولهم تتمنى أن تكون لك نفس الهمة العالية ..

إقتباس الوضع بالنسبة للفتاه مختلف جذريا فأي قناعات للأخرين قد لا تسير عليها غسوف يكون عائقا اجتماعيا لها البقية الباقية من حياتها .. هذه وجهة نظر لذلك نصيحتي للفتاه تحديدا ان تتبع تعليمات اهلها بغض النظر عن قناعاتها الشخصية ومن ترى غير ذلك فعليها ان تتحمل النتائج والنتائج غالبا لن تكون ايجابية

والله بهالنقطة انت صدقت خصوصاً أن مجتمعنا حيل ما يرحم !!

إقتباس فحقيقة ليس هنالك بطولة او حالة استثنائية عقلية المجتمع لدينا تتحدث ان مدرسة الرجال هي : التجنيد " العسكرية " او الغربة وان لم يكن هنالك مساحة مبكرة لهذين العملين فيجب لكي تصقل شخصية الطفل لدينا ان تضعه في تحديات حقيقية ومنها العمل والذي غالبا ما يكون ضمن النشاط المهني للعائلة ،،، لذلك ساضيف معلومة عن اليمن ان سن الأهلية القانونية لدينا هو عمر ( 15 ) سنة وهي ادنى نسبة في العالم اذا ما قارناها بالدول العربيه في حدود ( 18 - 20 ) عاما وبعض الدول الاسكندنافية تصل الى ( 27 ) عاما وهذه الأخيرة اعتقد انها قلة ادب

أخي الكريم ..
واقعنا اليوم يُشير الى أن الشاب الي عمره 20 سنة ويشتغل , فهذا "وااااااو " يا سلام عليه شغيل الولد .. وشاطر !
وأنت تعتبر مزاولتك للعمل وعمرك 11 سنة لم يكن بطولة ودي أرسل اخواني عندك يتعلمون..


وبالنسبة للسن القانونية , صراحة أنا الى الآن مدري كم عمر السن القانونية في السعودية لكن أظن أنها 17 سنة
عموماً اتمنى أن يكونوا الشباب في هذا السن يستحقون رخصة القيادة و بطاقة الأحوال


يعطيك العافية أخوي ..,














((المـحبرة ))

يالله حي المحبرة ..

اذا على العواقب السليمة فـ ان شاءالله تكون فعلاً سليمة , لأن عندي كم اختبار حست فيهم حوس

إقتباس مثلاً ؛ لو افترضنا أني رغبت بعملٍ ما و رفضت أسرتي خوفاً من انتقاد أحد الأقارب, ثم بعد سنوات ابنتهم تتوظف نفس الوظيفة !! << بالله مو قهر ؟؟

اي من جد ..!! وهذي دايم تحصل !




يسلمو على المرور عزيزتي















(( أسطورة القرن ))

هلا بك اخوي ..

إقتباس بالنسبة لشغل نظرة المجتمع السعودي تغيرت خاصة مع الخير الموجود فصار الوظائف مثل هذي تعتبر عيب بالنسبة للمجمتع !!!

يا اخوك الظاهر انك ما فتشت بالموضوع زين كل همك ذيك الكلمة الظاهر أنك تحب الشماتة ..
حنا عارفين أن المجتمع نظرته "غبية" مع إحترامي لمجتمعي .., اتمنى تعود لقراءة الموضوع بروية وتأني ..

إقتباس ههههههههههههه يا شين السرج على البقر ألا بالقوة تبون تورون الناس أنكم تتكلمون انجليزي يعني يا انجليزي يا عربي أما مدخلين السالفة ببعض بعدين وشهو cofe ترى أول مرة بحياتي أسمعها هههههههههه أسمها coffee

عاد تصدق اني كنت حاسة انو في شيء غلط حسيت أني كاتبتها خطأ شكراً على التصحيح واعتبرها مبادرة جيدة
عموماً .. أني أغلط بكتابة كلمة انكليزية أهون بكثير من أني أغلط بكتابة كلمة من لغتي الأم "العربية " صح ولالا لأني اقرأ كثير من العالم يغلطون بالإملاء , يعني أتقن لي لغة أحسن من أني ما أتقن ولا لغة ..

يعطيك العافية ..











(( مواصل من عام 1413هـ))

هلا وسهلا..

إقتباس تغير الكثير من العادات والتقاليد والمفاهيم بالنسبة للمدن الكبرى بالمملكة على إثر الإختلاط والإندماج بين المواطنين والأجانب نظراً لحاجة سوق العمل ، فما كان بالسابق ( عيباً ) أصبح الآن جائز. بالسابق كان المجتمع ينظر للمرأة العاملة بنظرة غير إيجابية ( ما عدا المعلمة ) ، إلا الحالة الإقتصادية ( لمعظم المواطنين ) أدت إلى تغيير تلك النظرة ، مما جعل الكثير من الشباب يبحثون عن المرأة العاملة ، ليس إستغلالاً لراتبها ولكن لمساعدته على مواجهة مصاعب الحياة. بالنسبة لي وللكثير من الأفراد ( أوافق عمل المرأة ) بشرط عدم الإختلاط الصريح كالعمل ( كطبيبة ) فما زال المجتمع يرفض فكرة عمل المرأة في مجال الطب ، والكثير منهن عازبات ويتمنين الزواج حتى لو كان ( زواج مسيار ) !!. وربما ستتغير نظرة المجتمع للطبيبة ( بالسنوات القادمة ) !!.

اتمنى أن تتغير نظرة المجتمع لكثير من الأمور حولنا.. لأننا بحاجة الى تغييرات كثيرة واذا صار كذا , ستنتهي مشاكل لا حصر لها .

أما بالنسبة لعمل الطبيبة فهو فعلاً شيء متعب , وعلى كلامك تراني أعرف كذا دكتورة أعمارهم فوق 25 وللحين ما تزوجوا ..
لكن خالي زوجته طبيبة بس معاناة ..
ولكن أظن أن بعض منهن مقتنعة بأن العمل أولى من الإقتران بشريك حياة.! هذا شيء سمعته بنفسي .


مشكور على التواجد ..












(( الكلاسيكي))

هلا بك .. << المشرف الوحيد اللي يرد على مواضيعي


تستحق وسام التميز عن أفضل مشرف

إقتباس احد الدكاتره الله يجزاه خير يحب الشباب الطموح , ويحب ان يرى كله طلابه طموحين ويعملون ويجتهدون , لذلك قال اي طالب يحضر لي ورقه تثبت انه موظف لاحدى المحلات او الشركات واعطانا 10 اسامي من ضمنها العثيم والدانوب والسدحان وجرير والعبيكان ود/كيف وكذا اسم .. يقول له 7 درجات تضاف للاختبار وانا محتاجها .. ولكن الله فرجها

ياااااي ..شيء مرة حلو
أحترم فيه هـ الإبداع , من جد شيء مفيد .. أعتقد أن الطالب حتى لو أشتغل عشان الدرجات بيكسب أشياء ثانية غير الدرجات وهالشيء بيكون محفز له حتى يعمل .. يعني رح يذوق طعم العمل ويستفيد ..
يا ليت كل الدكاترة كذا

إقتباس ×× ماهو العمل اللي حبيته ولكن صدمك الآخرين بمنعك من الخوض فيه ؟ اني قررت ان افتح موقع للخدمات الالكترونيه , دعم فني , واستضافه , ولكن جاء الرفض بسبب انه لو حصل اي شر في احدى المواقع قد يكون لي ذنب .

اها... بس ممكن أنت تحط شروط معينة , أو تختار إستضافه المواقع الكويسة وخصوصاً الدينية وكذا أنت ممكن على العكس تماماً , رح تستفيد.. وتكسب أجر




يعطيك العافية أخوي ,











((مع الهلال الى الأبد ))

هلا وغلا ..

إقتباس ترا اهلي ما يختلفون كثير عن الشعب السعودي الشقيق نقطة الخلاف ان الروضة دوامها طول ايام الاسبوع من الصباح لين 10 الليل ودوام اليل محرم عندنا سوري على الرجعه بس شفت انه لازم اوضح النقطة هذي

غريبة ..

من الصباح الين الليل !! وش هالدوام والله المستشفيات ما عندهم هالدوام
لا عاد اذا كذا معهم حق , يعني من جدك تبين حياتك تروح كلها بهالروضة.. عز الله ما عشتي مثل العالم
بس بيني وبينك الأطفال شوي متعبين .. يا اختي أنا ما اتحمل بزران أختي نص يوم مع اني احبهم واحيان ترسلهم لي بس معليش يعني يطلعون الشيب في راسي
طب اذا انتي ملزمة على الروضة اشتغلي بروضة أطفال بـ مدرسة , يعني دوام مدرسي كذا يكون اوكي


مشكورة عزيزتي ,











(( الهنوووف))

وعليكم السلام ورحمة الله وبركاته ..
تصدقين توني اتذكر اني ما سلمت ببداية الموضوع

شكراً ع التذكير ..:$

واذا على حضورك المتأخر فـ أظن بأنه كذا .. بس ولا يهمك نخليه بدري

إقتباس اولا المعامله السيئه لـ البائعين يعني ماتخيل بنت بتصرخ علي تقول مو هذا طلبي

إقتباس

إقتباس وثانيا النظرهـ الدونيه او نظرهـ الشفقه وماحب اكون بهالموقف بصراحه وماراح اكون مثاليه صحيح العمل اتوقع بيكون ممتع بس يمكن الشي الي خلاك ترغبين فيه وخلاني وغيرنا كثير هو القدرهـ على التعامل مع الاخرين وكسر حاجز الخجل والخ وهالامور نقدر نتوظف باماكن أفضل ونحقق نفس الاهداف مثل البنوك المستشفيات الشركات الي يكون عندهم تدريب صيفي

صحيح رح تتعرضين لمواقف كثير.. لكن هالمواقف هي اللي بتزيد من رصيد ثقافتك في التعامل مع الآخرين .. صح ولالا ..
أما نظرة الشفقة ,فـهي موجود لكن بنسبة قليلة جداً .. محد فاضي يفكر بغيره كلن همه بطنه
لكن ثقتي بنفسي بتخليني اتجاهل اي تعرض لكرامتي !

إقتباس ××× عمل تتمنى مزاولته ولكن هناك ما يُعيقك ؟

إقتباس

إقتباس اممممممممم مهندسه معماريه واشتغل بـ شركه وادور بمخططاتي واشرف عليها بنفسي (حلم ابليس بالجنه ) وفيه عمل اتمناهـ وان شاء الله مافيه احد عائق الا عدم جرأتي الي هو العمل بدور المسنين او الايتام (الاطفال طبعا) هالفئات نفسي اقدم لهم شي

من جد حلم ابليس بالجنه
لأ عندي لك فكرة .. لا تزوجتي ان شاءالله وجيتوا انتي وابو عيالك تعمرون البيت استلمي انتي الشغل كله وطيحي اللي براسك ..

أما المسنين والأيتام وأضيفي اللقطاء , فئة تحتاج ليد المعونة .. من جد هم يعيشون بعالم آخر .. مارح اقولك اني عملت معهم , لكن كانت لي زيارات قليلة متفرقة لهم.. كنت أحمد ربي مليون مرة على النعم اللي عايشتها , وكنت بنفس الوقت أحس أني عملت لهم شيء أقلها رسم الإبتسامة على وجوه حزينة مكتأبة ..

يالله شدي حيلك واجمعي قواك , وخذي نفس عميق وتوجهي لهم مع صحباتك أو أهلك ..

إقتباس العنوان : المجلس العام , انا بالحارهـ الثانيه بالاستشاريه قبال بيت رائده

اها يعني بالجهة المقابلة تماماً ترى عشاك ليلة البارح وقبل البارح عندنا سمعتي .. لازم تجين

إقتباس تاريخ الميلاد : 2009

ايش معنى !

إقتباس الجنسية : سعوديه من اصول ايطاليه مختلطه بتركيه

الله الله .. كل هذا

إقتباس رقم الجوال : امي تقول لاتعطين جوالك احد

إقتباس

إقتباس البريد الالكتروني : ابوي يقول لاتعطين ايميلك احد

اي انتي مثلي اجل .. ابوي يقول لا تعطين رقم جوالك لأحد وامي تقول لا تعطيك ايميلك لأحد

بنات بارات


يسلمو هنو.. من جد حضور اسعدني ,











(( The end))

هلا بك عزيزتي ..

اجل التصوير هوايتك .. وش عندكم على التصوير يا بنات
يالله ان شاءالله ما يعوقك شيء في المستقبل وتفتحين لنا معرض لصورك ..


يعطيك العافية خيتو ,











((الفيروسه الزرقاء ))

هلا والله .. وغلا

تصدقي قبل كم يوم كنت افكر فيك :$

كيفك شو عامله بهالدنيا ..اجل تقولين مالك خلق نت .. ماعاش من ضايقك والله..

إقتباس يـ الله ع هـ العليشه الخاينه يوم طلعت قاموا وافتحوا ! شكل دعايتي لهم جابت نتيجه ---> ماتجي بأيام الاختبارات الا ومعها شي من د. كيف

إقتباس

لا وازيد من الشعر بيت .. حطوا لنا ماكينات حقت قهوة .. بس تحطين الفلوس وتختارين الكوفي اللي تبينه , وحطوا شيء جديد بعد .. آلات حقت مشروبات غازية .. كل يوم قبل لا اطلع من الجامعة آخذ لي شيء يبرد علي من الحر
اكمل ولا خلص

إقتباس هو في شي يفتح النفس بعليشه !! جد كل شي زين يخرب من الزحمه .. و الله دخلت وطلعت من عليشه ما أشتري الا بس جالكسي وبيبسي لا ومن أقرب كافتريا قدامي ، حتى اخر سميستر ماعاد صاروا يجيبون جالكسي يفتح النفس يجيبون أبو فستق عاد مايعجبني فـ اضطر ابدل واشتري تويكس .

شكيت انك نفسي والله نفس الحالة تصدقين ..
طب عندي سؤال .. تحبين كتكات الكبير اللي اصبع واحد انا ازعجت الكافتيريا كثير ما اطلبه منهم ..

إقتباس صدقيني إذا قدرتي تشتغلين فـ د. كيف وجدولك لـ السميستر الجاي يسمح لك بـ أنك تشتغلين ، تؤكلي ع ربك و أشتغلي ساعه وحده ماهي شينه ، هـ الساعه تستفيدي منها و تأخذي شهادة

إقتباس شي تضيفينه فـ سيرتك الذاتيه

اما آخذ شهادة كثري منها بس احطه بـ سيرتي الذاتية فهذا شيء صحيح ..

إقتباس الأسم: الفيروسه بنت الزعيم آل زرقاء .

هلا والله .. ونعم

إقتباس العنوان : في قلب شبكة الزعيم .

واثقة

إقتباس تاريخ الميلاد : Jun 2002

حركات اكبر مني اجل

إقتباس الحالة الإجتماعية : عانس وبكل فخر

إقتباس رقم الجوال : 13,651 قابل لـ الزيادة

يا ذا الجوال اللي كل يوم رقم غير

عقبال ما يوصل عشرة ارقام





مرسي مرسي على المرور حبي .. ,













وناسة