نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - هل قدم الشيخ اعتذاره للوطن ولأسر المطلوبين أمنياً؟؟

المـشـاكـس · #8 15/02/2009, 06:03 PM

هلا والله الهاوي

..
اجل كنت بتصير متطرف

..
خسارة انك عقلت بس .. لو انك بقيت على حالتك .. كان بلغت عنك واخذت من وراك كم مليون

..

تبي الصدق ..
قريت الين بديت توصف حال الطلاب اللي كانوا معك بالمكتبة وش صار بعدين ..

..
بعدين وقفت ..

والله العظيم ما يجوز هاللي يصير ..
احنا اكثر بلد بالعالم متمسكين بكتاب الله وسنة رسوله ..
ومع ذلك كل من قال له عقله انه يبي يطهر الارض .. يبدأ فينا ..
نعم لنا عيوبنا .. وتصير في بلدنا من الذنوب ما الله به عليم ..
بس نقدر نقول اننا البلد الوحيد اللي ما تعلن فيه المنكر والفاحشة ..
ولا منعنا منها .. الا كتاب الله وسنة رسوله ..

ما منعنا .. فقر ..
ما منعنا .. اننا شعب عملي ولا احنا لاقين وقت لهالتوافه ..
ما منعنا .. اننا ما نخطيء واننا ملائكة ..

ما منعنا منها الا انها حرااااااام ..

المشكلة ..
المشكلة تتركز في من يلبس نظارة سوداء .. وما يشوف الا السلبيات

..

تدري وش المفروض يعلمون الصغار ..
انهم ما يسلمون مخهم لأحد .. ولا يخلون احد يفكر بالنيابة عنهم ..
ولا يصدر قرارات تحدد حياتهم ..
واللي اهم من هذا .. نعلمهم انهم يقولون كلمة " لا " ..
سواء للي يبي يأخذهم لأقصى اليمين .. او لأقصى اليسار

..

نسأل الله لنا ولك ولجميع المسلمين الهداية ..
وان يردنا الى الطريق السوي المستقيم ..
وان يقبضنا اليه غير مفتونين .. غير ضالين ولا مضلين ..

شكرا لك الهاوي

..
في امان الكريم ..