|
شاعر هلالي داعب الحس بأبيات ** بسبة فريقٍ شاقني في غرامه
نادي الهلال يا زعيم البطولات **** من فيه غيرك يستحق الزعامه
يشهد لك التاريخ في كل الاوقات **** و ان غاب غيرك ما سألنا علامه
زعيم نصف الارض هيهات هيهات **** هيهات من حاول يوقف أمامه
رجال بالملعب صوله وجولات **** يرعب خصومه و فارض(ن) احترامه
يطرب جماهيره بلعبه و لمسات **** التايب وهامسون فريدي و اسامه
و ياسر القناص والله و ان جات **** أوقات حسم(ن) ما تجيه الملامه
و سيد الحرّاس كم له وقفات **** حطّم جماهير الفقر والعدامه
و أزين لهم اليوم يروحون مكشات **** ولا يبعدوا حدهم وسط الثمامة
و انت يابوفيصل ما توفيك الابيات **** شاعر و أمير وعالي(ن) في مقامه
و بإذن الله يتكرر لنا موسم(ن) فات **** و يعض الاتي أصابعهم ندامه
شاعر هلالي داعب الحس بأبيات **** بسبة فريق(ن) شاقني في غرامه
يموت قلبي وحبكم ما بعد مات **** و بأبقى أحبك الى يوم القيامه
و ســـــلامــــتـــــكــــم ,,,,
فارس الحربي - القصيم | 