ردود الصفحة الثالثة ..

(( عارف كل شيء))

هلا بك اخوي .. ومشكور على المرور ..











((رنــد ))

هلا وغلا ..

إقتباس اييه ذكرتيني انا اقول لأهلي خلآآص ابخلص ثالث ثانوي وافتح مشغل نسائي وانطق فيه

حلوة فكرة المشغل , وناجحة خصوصاً اذا كانت ادارتها صحيحة , بس انتي ما عليك حاولي معهم وان شاءالله يوافقون .. ومو مشكلة تشرفين على مشغلك بالمساء وتدرسين الصباح

إقتباس ××× عمل تتمنى مزاولته ولكن هناك ما يُعيقك ؟ اني اصير مضيفة طيآآره هو بصرأأحه انا ماتجرأت وقلت لأهلي تفاديآ لسلامة رقبتي بس والله ودي اصير مضيفه بالطياره اسافر اروح اجي افلها بالطياره <<فاهمه غلط

ههههههه
ذكرتيني بنفسي يوم كنت صغيرة كنت اقول كذا .. ما عليك مني ترى انا تمنيت اشتغل كل الشغلات اللي في الحياة




يعطيك العافية عزيزتي ,











((مواصل ))

هلا بك مرة ثانية ..
شكل اخونا هامور فاهم سالفة العوائل غلط ما عاش من يشطب اسمك << جت ذي



يسلمو مواصل











((الشانزليزيه ))

هلا حبيبتي

اخجلتيني بذوقـك :$ :$

إقتباس لكن بوقتنا الحالي كل شيء عيب فـ مثلا مهنة الطبيبة عند بعض البنات كانت تشكل حلم كبير ويحلمون فيها لكن بعضهم خافت من نظرة المجتمع عنها عشانها بتعمل بعمل اختلاط !وللأسف إن نظرة البعض غبية بقووة مثلا بيقولون بنت فلان تشتغل بمكان اختلاط ياعيباااه!

خالي زوجته طبيبة .. اسكتي بس انواع الحوادث آخر شيء طلعها من المستشفى قالها انا أفتح لك عيادة نسائية .. لا وفوق هذا قالها ما تداومين الا يومين بس بس تصدقين عجبتني غيرته

إقتباس مثلا أمس يوم قريت كلامك جلست أتناقش أنا وأختي تقريبَا كلامنا كان متقارب,اللي هو نفس الكلام اللي ذكرته آنفًا <ياذا الآنفًا اللي صجيت العالم بها ,, رحت لأمي قلت لها لو أشتغل بـ بالجامعة بأوقات البريكات عادي قالت لي مايخسى الا إنتي تشتغلين عند الناس

شوفي بقولك شيء .. من اللي لاحظته هنا أن غالبية الأصوات مع العمل ! لكن في ناس الظاهر يجلسون مع العجايز كثير فـ الى اللحين رافضين الفكرة

إقتباس يعني لو تدرون إن المشهور كنتاكي كان يشتغل موزع للبيبسي على سيكل بسيدني يعني شوفوا العيب كيف سوا نجاح وبرضو أوبرا من متبارية في ملكات الجمال إلى أفضل مذيعة على مستوى العالم (أقصد بالطرح الموضوعي لمواضيعها)

والله معك حق وامثلتك سليمة ..



يعطيك العافية خيتو .. مرة شكراً على مرورك حبيبتي












((ياسر نجد ))

هلا بك اخوي ..

إقتباس واناء يوم شفت الاعلان قلت جاب الله رزقك واتصل عليه وأعلمه وتجيني اجابته اللي حطمتني قالي أناء أشتغل سواق دنا قلت له ايوه تشتغل شو شهادتكـ اللي يسمعك يقول معاه شهاده من جامعه اكسفورد, <<لاتبحثون عن هالجامعه فمشكلته مشكله لاشهاده ويتشرط بالوظائف ياخي كل يفكر على قده.

الظاهر كان يبي مدير ادارة في وحدة من الشركات

طيب خله يكمل دراسته ونفس الوقت يشتغل دوام مسائي وان شاءالله تتحسن اموره ..

إقتباس رقم الجوال : أرسله على الخاص

ايه انت سوها بس ! ترى انا كتبت هالسؤال من باب المزح والفرفشة..

بعدين وش هالقلوب .. تراها مب جديدة .. من زمان المنتدى حاطها.



شكراً اخوي ..











((رسام ))

اهلاً وسهلاً ..


هو صح الواحد حر بحالووو .. بس المشكلة ان المجتمع ما يخليه حر عرفت وش المشكلة


شكراً لك










(( ريـ ـ ـان ))

هلا بك اخوي ..

إقتباس يعني لما نشوف الحجاز ماعندهم مشكله ان الوآحد يتوظف ويشتغل وخصوصا ً من ناحية الأهل عكس الوضع عندنا ..!!

اي صح الحجازيين يعجبوني بهالنقطة .. اتوقع لأن فيهم خليط كبير من الثقافات .

إقتباس بس لايتخانقون عليك الهلال والاتحاد واللي يقول ماله داعي تخلي كاكا يعتزل يعني أنواع الإستهزآء

إقتباس الجامعه تطور تفكيري ومستواي شوي و كنت ناوي ادرس بالرياض وادرس طب لكـن كالعاده اللي يقول : ترك تبي تفشل وترجع واللي يقول تراها صعبه ومستحيل تمشي ...إلخ , يعني مهما كانت ثقة الواحد بنفسه لكن غصب عليه يتأثر بالمجتمع اللي حولـه للأسف

الواحد لازم يكون واثق من نفسه ومن قدرته .. لو نبي نسمع كلام اللي حولنا والله مارح نعيش , وغير كذا لازم ما نطلع الآخرين- غير الأهل- على مشاريعنا والأشياء اللي نفكر فيها .. لأنهم ممكن يخربون علينا!

إقتباس صرآحه كما ذكرت مزاولة الكره << وللمعلوميه الكره تحولت الىن لعمـل لكـن يعيقني الخوف من الفشل أيضا ً

اذا صرت لاعب لازم تقولي .. طيب




يسلمو أخوي..










((مع الهلال الى الأبد ))

هلا بك عزيزتي ..

إقتباس شوفوا البنغالي يجي مو لاقي الي ياكله ويطلع مليونير

من جد .. والله احسهم هالعمالة اغنى مننا !

إقتباس طبعا الاهل ما عندهم اي سبب منطقي وكل كلامهم ليه انتي محتاجةعشان تشتغلين بوظيفة كذا؟ اتوقع اذا ترشحت كوزيرة فيه امل يوافقون

بعد هالموضوع .. اكتشفت ان في ناس في السعودية يفكرون بطريقة غريبة !!
مع احترامي اختي



مشكورة عزيزتي ..











((ولد عنزة ))

هلا بك اخوي ..

كلامك صحيح , لكن قال تعالى " ولا تيأسوا من روح الله انه لا ييأس من روح الله الا القوم الكافرون"




يعطيك العافية اخوي ,








انتهت الصفحة الثالثة بحمدالله ..