اهلاً وسهلاً فيكم "حبايبي" ..

أرحب بالتأكيد بتكرر الحضور والحوارات المفيدة , الموضوع ليس مجرد رأي يسرده العضو ثم يذهب بلا عودة .. بل هو نقاش وحوار حول الموضوع ..
أشكر كل من قام بالأخذ والرد مثل الأخوان " مواصل , هلالي اليمن " وأعتذر إن نسيتُ اسماً ..
دام عطاءكم لا حرمنا الله اياه ,,

((الزعيم Osams ))


هلا بك اخوي ..

إقتباس وآحد موكآ وزبطوووه يا معلم..!!

جيب اشرين ريال صدييييق

إقتباس لكن إذا أخوكي أو أمك أو حتى صاحباتك لم يوافقوا على الوظيفة فهذي أكيد من حبهم لك ولمصلحتك وليس كرهاً أو استحقار..!! بس بصراحة لو أختي قالت بتشتغل في قهوة أكيد حأرفض..مدري ليه؟طبعاً أكيد لمصلحتها والأفضل لها..!!

يحبوني غصبن عليهم بس كيف يعني لمصلحتي ؟! يعني لازم يكون العمل على مكتب والراتب فوق الـ خمسة ولا العشرة آلاف عشان يوافقون ! لا اخوي انا ضد كلامك تماماً العمل مافيه شيء ولا في سبب مقنع للرفض.

إقتباس ×× ماهو العمل اللي حبيته ولكن صدمك الآخرين بمنعك من الخوض فيه ؟ صراحة أتمنيت أكون لاعب كرة قدم بس الكل عآرض للأسف..!!

أي نوع من المعارضة ؟ هل هو معارضة للمهنة نفسها وطبيعتها ؟ ولا معارضة عشان السمعة وكلام الناس ..؟!
انا من يوم شفت نواف التمياط وهو من شيوخ قبيلة شمر , سكرت اذني عن هالحكي الفاضي .. وأكيد فيه لاعبين من عوائل محترمة

إقتباس ××× عمل تتمنى مزاولته ولكن هناك ما يُعيقك ؟ مجال الطبلكن النسبة إلي تعيقه..

يالله خيرة ان شاءالله , الخيرة فيما اختاره الله



يعطيك العافية اخوي













(( ابو طـــلال ))

هلا بك اخوي ..

إقتباس واتمنى من الشباب أن يعملوا في الوظائف المحببه لهم ( الشريفة ) ولكن بإقناع الأهل وليس بالتمرد عليهم ...!! لاأقبل بكلمة ( تمرد ) على الأهل .. اوكيه مواصل ..؟ وإلا ترى أعلم ابوك

كل عمل هو عمل شريف الا اللي ينافي الآداب .. ويتعارض مع الدين أوالقيم. يعني الكاشير عمل شريف
وصحيح التمرد شيء مب حلو .. بس احياناً تكون مجبور , الله لا يحوجنا لهالشيء. لكن انا مع حرية الرأي وحرية التصرف

إقتباس تراني كتبت ردي وانا جالس وبحجري ( فارس ) يعني سامحوني على التقصير وركاكة الأسلو ب

قل آمين .. ما يطلع ولدك مثلي ترى التربية وقتها تصير اصعب من الجهاد في سبيل الله الله يخلي لك اولادك ويقر عيونك فيهم يارب ..

إقتباس انا كان ودي اصير ( ممثل ) وبعدين عقلت .. وصار ودي أصير صحفي .. او مراسل .. بعدين تطور شوي طموحي وصار ودي اصير ( غني ) >>> يقالها وظيفة هعهع

يعني مب انا لحالي اللي تحلم كذا

مشكور ويعطيك العافية ..









(( الغدير الأزرق ))

إقتباس والله ياوخيتي بالنسبة لي أنا أشوف إن الشاب لو اشتغل أي شغلة شريفة ماعابه شي لأن ورااه مصارييف اد الدنيا وأنا سبق لي واشتغلت بالصيفيه وكنت ادرس ترم صيفي واشتغل بنفس الوقت وماشية الأحوال ولله الحمد ,, لكن البنت مو أي شغلة تصلح لها .. إن جينا للواقع شغلة دكتور كيف شغلة شريفة ومافيها عييب لكن مااتخيل وحده من خواتي تشتغلها طالما ماينقصها شي يعني وش اللي يخليها تشتغل هالشغلة طالما مو محتاجه ,, صحيح إنها تحت إطار ومظلة الجامعة بس صصعبه

يا اخوي ما اختلفنا في نقطة الولد , لكن اذا اختك تبي تشتغل تسلية ! وتضييع وقت .. وبنفس الوقت اكتساب خبرة ومهارة في التعامل مع الزبائن والآخرين .. انا ما قلت اني محتاجة شفيييييكم ماتقرأون عربي وأنا عموماً اتكلم عن كل الحالات اللي تبي تشتغل مو بس اللي تبي التسلية و الخبرة , كمان اللي يبون فلوس ..
عموماً نقدر هنا نتفق على أن البنت "اذا احتاجت ممكن تشتغل" صح ولالا..
عاد لا تقولي لأ وتنرفزني

<<< لا للديموقراطية حتى في النت هذي قوانين شعوب وش فيك انت

إقتباس وأنا منيب ضد فكرة عمل البنت بالعكس اشجعه لكن إذا كانت الشغلة مقبولة

طيب .. وش رأيك بـ هالأعمال شريفة ولالأ يا استاذ غدير باشا :
* الكوفيرة
*موظفة ريسبشين
*ممرضة
*مفتشات المطار "الأمن"

والخ...
هذي كلها اعمال المجتمع هنا يعارضها وعلى الرغم أني شاهدت بنات ناس ويشتغلونها سواءً للحاجة أو لتضيع الوقت ..

عموماً قبل انسى لازم اثني على اختك الله يحفظها ويبارك في جهدها , وهالعمل أكيد حلو وشفت ماشاءالله متطوعات في المراكز الإسلامية مثل دور التحفيظ أو مكتب الدعوة والإرشاد للجاليات أو مؤسسات خيرية مثل مؤسسة مكة .. والحمدالله شاركت معاهم وهذا الشيء اللي شجعني على تشمير ساعديّ والتفكير في العمل .



مشكور اخوي ويعطيك الف عافية ..











((وردة الهلال ))

هلابك عزيزتي ..

إقتباس هو مو على النقص لكن تغيير واعتماد على النفس وماحد يدري عن الظروف

كلام سليم ..

إقتباس الشغل ماهو عيب لكن النآس خلته عيب لبعض العآدآت والتقآليد . والبرستيج اهم شي شكرا. وبخاطري سؤال وش معنى اسمك!

يلعن امه هالبريستيج ما استفدنا منه شيء

اسمي يا طويلة العمر ..معناه ( عقد الياسمين ) باللغة اليونانية
لأني احب الياسمين والفل ادور عليهم حتى باللغات الثانية

يسلمو حبيبتي ..













((^العنود^ ))

إقتباس لان اهلي مو راضين تمردت على قولة مواصل وقدمت اوراقي واقبلوا وحطيتهم تحت الامر الواقع بس اهم شي نفذت الي براسي ,,

شجــاعة ..

ذكرتيني بوحدة من البنات صجت اهلها تبي تدرس "جينات وراثية" بأمريكا .. وعيوا اهلها قامت قدمت اوراقها عن طريق النت لجامعات في امريكا وقبلوها في جامعتين وحدة في كنتاكي والثانية نسيت وين .. بعدين راحت لأبوها ..قالت شف ترى قدمت اوراقي كلها وقبلوني يالله امش للسفارة نكمل الأوراق
بس الي سهل الموضوع ان اخوها يدرس هناك ..عموماً هالبنت مو نموذج طبعاً لكن هي اصلاً من عائلة مُنفتحة نقدر نقول تميل الى الليبرالية بس البنت بالعكس ماشية مع الدين صح .. الله يوفقها وتكمل دراستها وتجي تنفعنا هنا ..
على الرغم أن مجال العمل في قسم الجينات الوراثية عندنا يقتصر على فحوصات ما قبل الزواج ! يعني الي يدرس ويتعب مارح يستفيد اذا اشتغل هنا

إقتباس ×× ماهو العمل اللي حبيته ولكن صدمك الآخرين بمنعك من الخوض فيه ؟ كان عجبني قسم بشركة اعمار الي هو علاقات عامه ,, بس الي منعني ان الي طالبين الوظيفه من اهم شروطهم انها ماتتغطى

خيـر! وش اللي ما تتغطى !
ذكرتيني بـ أحد الوزراء عندنا لما رفض أن الحريم المنقبات يسلمون على الملك ! أو يمثلون الدولة في الخارج ! ما اقول غير اللهم لا تؤاخذنا بما فعل السفهاء منا ..

إقتباس شكرا عفوا خيتو

حلوة شكراً عفواً

يعطيك العافية عزيزتي ..












((هامور البورصة ))

هلا بك ..

إقتباس أجل تكسرين الشنطه فوق راس خويتك تحسسيني انك تداومين بالشناط الحديد القديمه هذيك ودي افهم اشلون شنطه تنكسر المهم

ههههههههه

لا يا سيدي الشنطة مب حديد بس اللي جوتها اثقل منه والله تجيب الهم احس عظامي تروح من شنطتي اشوى ما عندكم معاناتنا

إقتباس انا اشوف انها عيب انك تتوظف بياع لخلق الله ولا تسويلهم القهوه لا تقولين لي تخلف هذي عادات وتقاليد تربينا عليها فيه ناس متخصصين بهالشي الي هم القهوجيه عاد يا حلاتي وانا معلق الفطوه على صدري واقول سم أخوي وش تبي ولا عاد اجيبه له بدون سكر ويقعد ينافخ علي ومن ابيع له على اخوياي عشان كل ماجاني وااحد قلت له والله ماتدفع شي واخرت الشهر ادفعها على حسابي صح برا أوك على قولتهم ديرتن مافيها خوالك لوح ******

شكل القهوجية معبين مجلس الوالد
الشغل شغل اخوي هامور , يعني بأي وظيفة المفروض ما تجامل فيها احد صح ولا لأ..

إقتباس الحمدالله مافكر اني اشتغل هالشغلات اني اكون بياع بمحل ولا قهوجي اولاً لاني مو مقتنع وثانياً لاني مو محتاج وثالثاً اني بنذبح ولا بينشطب اسمي من القبيله كلها

اولاً .. انت مو مقتنع اوكي ..
ثانياً مو محتاج : الله لا يحوجك ولا يحوجنا لأننا نشتغل بشيء بسيط .
وثالثاً: مارح تنذبح ولا ينشطب اسمك ولا ما يحزنون .. الموضوع ابسط من كذا بكثير , يا اخي يا كثر اللي يعملون "عمايل" العقل ما يستوعبها ولكن محد يتكلم !!

إقتباس ××× عمل تتمنى مزاولته ولكن هناك ما يُعيقك ؟ لاعب كورة

من يوم ما شفت عيال التمياط -ونعم فيهم- و لاعب المنتخب القديم نسيت اسمه يلعبون كورة .. قلت خلاص فتحوها باب لعيال الشيوخ..


يسلمو ..










(( best_01 ))

وعليكم السلام ورحمة الله وبركاته ,,

هلا بك اخوي ..والله يبارك بعمرك .

إقتباس بس موضوعك كله اسئلة .. شكلك تبين تحطين حرت الاختبارات فينا ... بس ما عليه تساهلين من يجاوب لك

حرام عليك والله انها سالفة كتبتها .. شكل سواليفي اسألة

إقتباس من ناحية موضوعك انتي شخصيا والبنات عموما , اشوف انها تعتمد على تفهم العائلة ما اعتقد ان فيها ظلم والعياذ بالله زي ماقلتي ... انا ما ادري ليه قلتي كذا اذا كنتي تقصدين اهلك الظلم اللي حرم بناته من الدراسة ... واللي ما زوج بناته عشان يجلسون عنده ... هذا هو الظلم اما من ناحية الوظائف خصوصا الوظائف الثانوية ... فهي ترجع للعائلة فمن كلامك احس ان ما عليك قصور ولله الحمد .... واصلا من رد الوالدة عليك باين انها ما كانت فاهمه الموضوع اصلا ... لانها فرحة لك يوم قلتي بتتوظفين ... وضاق صدرها يوم درت وش الوظيفة والله ضحكت كثير على ردها ... اجل صبابة والفرد يقع ضحية ظلم المجتمع في كل محل ... ولكن يجب تفهم الموضوع ... اذا كنت تبي حله مو تمشيه وتقول انا مظلوم

لا لأ .. انا مظلووووومة

امزح

ليه انت ما تسميه ظلم لما الأهل أو المجتمع يمنعون الواحد من شيء عادي ومب حرام ولا عيب !
بعمل بحث دقيق على كلمة الظلم

إقتباس ان كنت اتنمى اكون مهندس ... ولكن الناس ما خلوني في حالي يوم دروا اني انقبلت في الجوية وانا اصلا ما طقيت له خبر ... وكنت ناوي اكمل في الجامعة بس الوالدة لمحت لي انها تبيني اكون طيار ... ولا رديتها في خاطرها ودخلت الجوية بس ولله الحمد ... احمد الله كل يوم اني دخلت الجوية اخوياي اللي الهندسة والطب ... اذا جلسنا مع بعض يتمنون انهم كانوا معي صحيح اني متعب جسديا .. بس ولله الحمد مرتاح نفسيا وكله من توفيق رب العالمين ... ثم رضا الوالدة عني يعني افهميها ... واسمعي كلام امك

طبعاً الأهل لهم مشورة ورأي .. ما اختلفنا فيها لكن مب كل مرة يكون معهم الحق ويعرفون مصلحة الواحد .. انا من جد أقولها ومن اللي شفته وسمعته بعد . احياناً الأهل ما يكون عندهم تصور كامل للموضوع , واحياناً ما يفهمون مقصدك الحقيقي أو يمكن ما ودهم يفهمونه ..
عموماً الله يوفقك في دراستك واكيد الخيرة فيما اختاره الله .

إقتباس اتمنى الدخول في التجارة والاعمال المكتبية .... بس ما اقدر نظام الدولة ما يسمح لي

تقدر تحطها بإسم زوجتك اذا تزوجت , كثير رجال من بينهم ابوي سووا كذا ..

إقتباس هاذي هي الاستمارة الا على فكرة تبينها في ملف اخضر والصور ما جبتي طاريها .... كم صورة تبين ... وبطاقة الاحوال تبينها جديدة ولا تمشي القديمة

لا نسيت اقولك وين التوقيع !!
انت مطررررررود
والصور موجودة عندي .. هذاني اشوفها تحت اسمك "شعار الهلال"
وبطاقة الأحوال تنازلت عنها .. يؤ شكلي ما قلت لك

إقتباس المجلس العام , صيد النترنت على طول هناك متكي

كم جمعت صيدة حتى اللحين

إقتباس عزوبي 100% الين تحصل الوالدة الزوجة.. << ما تحسون انه ازعجكم بامه

لا تكون امك هي اللي خطبتني ذيك المرة .. "الله يخليها لك"

إقتباس رقم جواز السفر : وللاسف ما فكرة حتى احفظه ... اصلا ما ادري وينه ... ذكرتيني خلني ادوره

لو غيرك يضيعه اقول عادي .. بس المشكلة طيار !
الظاهر مافي رحلات هاليومين



يعطيك العافية اخوي ..











((وجــدان ))

هلا عزيزتي ..

إقتباس ..لم نعد نعيش في مجتمعنا بقدر مانحاول (التعايش) معه !! لو كل فرد قدم قناعة مجتمعه على قناعاته الشخصيه الصحيحه فـ لن نتطور ابداً !! الانجازات اللتي نراها الآن هي في الغالب اعمال لم تكن مألوفه لحظة ظهورها .. ( غريبه) على المجتمع وأفراده ..

صدقتِ والله ..

إقتباس ولنا في قصة الياباني ( تاكيو اوساهيرا ) البرهان ,,

اعتقد أنه ما قال .. أنا من القبيلة هذي ما يصير اسافر واقلل من قيمتي عند العالم .. لأن ما احد يعرفه ولا يعرف اصله , لكن بالفعل كان انسان عظيم
وعلى فكرة الساموراي من أعرق الأصول والقبائل في العالم ولهم قيمة وهيبة كبيرة.
واللي ما شاف فيلم توم كروز "الساموراي الأخير" يشوفه ترى خطير بس قديم



يسلمو حبيبتي ..











(( أحلا هلاليه ))

هلا وغلا أختي ..

الله يوفقنا جميعاً لما نتخرج , بابا يقولي بوظفك في البنك بس قلت له ما ابي بنك ربوي قالي ان شاءالله .. بس ماما تقول بنتي ما تشتغل بمكان اختلاط
مدري شلون يجي بنك بدون اختلاط ..

إقتباس اذا بيت رائدة على اليمين فانا بيتي على اليسار زاوية قولي لهم

يؤ يؤ .. قلت ما يحتاج اقول هذا شيء معروف وبديهي اصلاً
لا تنسي اليوم السهرة عندي



يسلمو حبيبتي











(( المشـاغـب ))

اهلاً وسهلاً ..

إقتباس هلا سولديرة << مشوار أطلع فوق أتأكد من اسمك بس ان شاء الله يكون صح ..! موضوعك كويس جداً .. وأسلوبك رووعة يا وخيّة ..!

حسافة الإستمارة بس .. صار اسمي سولديرة!
اسمع اخوي.. هذي كلمة يونانية "سول" يعني ياسمين , "ديره" يعني عقد .. وش صارت ؟
سولديره= عقد الياسمين

إقتباس تدرين ما ضيّع عيال الناس وغرّقهم بالفقر إلا هالنظرة الغلط؟؟! كل شخص يشوف انه ولد ناس ويتشرف بأهله وأصله .. ومهما كان أصلنا ما راح نكون خير من الرسول صلى الله عليه وسلم اللي رعى الغنم ..!

اي والله كلامك سليم ..

إقتباس ليتهم يهجمون على يهود أو كفار ويتفيّدون منهم ..! لكن للأسف حيلهم بينهم ..!!!!!

تصدق ابوي لما يقعد يسولف لي .. القبيلة الفلانية غزت القبيلة العلانية .. وصار وماصار ...الخ اقعد اضحك .. لأن وقتنا هذا مختلف تماماً عن اول , اللحين اصلا ما عاد يهمنا هالشيء بس اكيد رح يكون محل فخر واعتزاز
بس طبعاً مو يجلس الواحد يقول انا ابن فلان ! على قولة الشاعر
إن الفتى من يقول ها أنا ذا *** ليس الفتى من يقول كان ابي

إقتباس × رأيك تجاه الموضوع , هل الفرد يقع ضحية ظلم المجتمع ؟ صعب انك تعارضين أهلك .. ودامهم رافضين فلا تعاندينهم .. وأكيد ان الفرد يقع ضحية المجتمع سواء في هالموضوع أو غيره ..!

ان شاءالله <<< حسيته مدرس

إقتباس ××× عمل تتمنى مزاولته ولكن هناك ما يُعيقك ؟ أن أكسّر سوق توم كروز في التمثيل

لا يا شيخ
هههههههههه
ما قلنا لك .. هوليود تنتظرك ومقدمة عروض مغرية بعد بس انت اقبل .. تكفى اقبل..

إقتباس تاريخ الميلاد : والله العظيم ما أذكر .. لأني يوم انولدت كنت أصيح ومنب مركز لذلك نسيت لكن العام 1985

احلف .. احس انك خفيف دم بس مو دايم

العمر كله قبل انسى ..

إقتباس الحالة الإجتماعية : عازب في انتظار المكرمة الملكية من حضرة جنابي للموافقة على عروض الزواج

تكفى تكفى .. وتراها تهز الرجاجيل "اقبل " حرام تكسر خواطرهن ..

إقتباس الجنسية : سعودي بالتجنس .. الأصل إيطالي

دام الأصل ايطالي .. وانت من الناس اللي فوق أجل اكيد ان أبوك رئيس المافيا

إقتباس رقم الجوال : لا يوجد .. اللي يبيني يتصل على السنترال ماجد مقبل وهو يحوّل لي المكالمة

وأنا بضيف لكم معلومة من مصادري .. أن اللي ما يلقى ماجد "واكيد مارح يلقاه مب فاضي لكم سكرتير المشاغب " يتصل بـ مدير مكتب ماجد اللي هو فياض .. وبذلك تتحول المكالمات واحدة تلو الأخرى , بس يمكن تجلس اسبوع او اكثر عشان يرد عليكم المشاغب .. لذلك طولوا بالكم

إقتباس البريد الالكتروني : للبالغين فقط من سن +20 فما فوق ..!

يؤ يا المشاغب ..! نسيت انك ما تدخل ع ايميلك عفواً .. الايميل يدخل فيه ماجد ما عليكم من كلام ذا ترى ما يدري عن شغله شيء



يعطيك العافية اخوي ..











(( بنت العـز ))

منورة عزيزتي ..

إقتباس على فكرة شكلتس معي بنفس الجامعة من انتي اعترفيييي

اجل تبيني اعترف من انا .. شوفي حبي دوري المكان اللي تحسينه حلو تلاقيني وسطه <<< ثقة عمياء

إقتباس للافس مابعد فكرت اتوظف وحتى لو فكرت عسانيي القى وقت احك راسي فيه اذا خلصت من جامعتي ذيك الساعه يحلها الف حلال

من جد الواحد ما يخلص من هم الا يطلع له هم ثاني ... اول شيء تقول متى بخلص دراسة ! بعدين تقول وش بدرس ! بعدين تقول وش اتوظف ..؟!
يالله كذا الدنيا ..

إقتباس عمل تتمنى مزاولته ولكن هناك ما يُعيقك ؟ كثير والله وترى خيتو شغلة القرصونه حلوة اذكر في فترة المراهقه من كثر ماشفت افلام حبيت هالوظيفه وصارت اقصى طموحي بس يوم كبرت حبتين عقلت وقلت يا بنت صيري حرمة وخليتس حرمة اعمال احسن لتس يعطيتس العافيه على الموضوع الزيز

((كتالوني الهلال ))

هلا بك اخوي ..

كلامك سليم ,


يعطيك الف عافية..











((فديتني هلالية ))

هلا وغلا اختي ..

إقتباس يومني صـغيره كنت ابي اصـير ممثلة صوتيه لـ افلام كرتون < --- متأثره بـ سالي ما اذكر الصـراحة كان فيه شغله محددهـ .. لكن كنت اتمنى اني ادخل كلية الطب لكِ اصبح طبيبة اسنان لكن نسبة الثانوية العامة ما ساعدتني كثير ..

سالي ..
سالي ..
سااااالي..


يؤ يؤ ذكرتيني فيها تحسين مُضطهدة ومظلومة .. اذكر اني كنت اشوف هالمسلسل الكرتوني كل يوم ولا اطفش

إقتباس وزيرة خارجية < -- كوندليزا رايس والله ما فيه .. الحمد لله كل طموحاتي تحققت ومقتنعه بها ..

ما لقيتي الا ذي !
الحمدالله وان شاءالله تحققين كل اللي ببالك ..




يسلمو حبيبتي ..











(( وليد القحطاني ))

هلا بك اخوي .. صباحك ورد ..


حلو انك لقيت على عمل تقضي فيه وقتك وتستفيد ..

إقتباس والله العظيم اني ارتحت وحسيت بأني اخدم وطني بكل ما أملك من قوة ..

هههههههههههه اجل خدمت الوطن ولا المستهلكين

إقتباس تاريخ الميلاد : عمري 19 وداخل في العشرين

العمر كله ان شاءالله ..

إقتباس الجنس : عيب

وش اللي عيب !! ما العيب الا تفكيرك!!
يعني انت منت بولد ولا بنت اجل وشو كائن فضائي





يسلمو اخوي ..












تم بحمدالله الرد على الصفحة الثانية ..
بس الصدق ان عيوني راحت فيها .. يالله بروح استراحة محارب