قسم بالله موضوع ما ادري وش يبي !!

اولا :- العنصرية الواضحة (( محمد ظلام واحمد القريدي )) !!!

ليش تسيئين لهم شخصيا !! موب عاجبك لعبهم تكلمي عن المستوى لكن الاساءة الشخصية لا !!

بعدين الفريدي قبيلة كبيرة ولا انتي ولا اشكالك اللي يقدرون يفتحون فمهم عليها ,,, ياليت تحترمي نفسك وتحترمي المنتدى اللي قاعدة تكتبين فيه !!

ثانيا مسوية مدني رحيمي ولا خالد الشنيف على غفلة !!

محمد نور ماف راسه كورة !!!

خير ! كلنا هلاليين ومتعصبين للهلال لكن الحق حق !! الرجال كان افضل السيئين امس !!

اصلا اخطر كورتين لمنتخبنا واللي كانت بالشوط الثاني كانت من صناعة نور !!!

الاولى بالصدر عطاها ياسر وشاتها ياسر ومرت بمحاذاة القايم , والثاني تمريرته لياسر اللي لعبها حللللللللوة لكن الحارس الكوري ردها بصعوبة !!

الجوهر ملعب 5 في النص ولا واحد منهم بمركزه غير النمري بس !!

احمد عطيف + تيسير الجاسم (( بالاساس يلعبو محاور هجومية مساندة للهجوم )) ملعبهم محاور ارتكاز دفاعية !!

نور ملعبه وسط ايمن !! الفريدي ملعبه خلف ياسر القحطاني !!

4 لعيبة وسط ولا واحد بمركزه !!

الدوري السعودي كللللللللللله مافيه محاور ارتكاز دفاعية عليهم القيمة غير 2 بس :-

خالد عزيز + سعود كريري !!! والبقية اما محاور مساندة للهجوم او ماهم بالمستوى المأمول !!

ثالثا موضوع غياب ياسر والشهيل ,,, ياسر الكل متفق انه غيابه بيكون له تأثير كبير جدا على هجوم المنتخب ,,, لكن مانقول غير ان شاء الله يارب عودة مالك معاذ وسعد الحارثي ونايف هزازي تفيدنا قدام ايران ,,,

اما بالنسبة لغياب الشهيل , شهيل لاعب ممتاز ! بس ما اعتقد انه لدرجة اذا غاب ما راح نفوز مثل ماتقولين !!!

فيه راشد الرهيب وفيه حسن معاذ ما شاء الله عليهم يكفووووو ويوفوووو بعد !!

بعدين نجي لحكاية الشلهوب والفريدي !

الفريدي مستواه حاليا افضل من الشلهوب ,,, الشلهوب كللللللنا نحبه ونتمنى يرجع لمستواه , بس الرجال مستواه طايح ! وش نسوي بعد !!

الفريدي ممتاز , ومبدع مع الهلال في الدوري وبشدة ! يكفي صناعته لهدف ياسر ضد الاتحاد نهائي الدوري الموسم الماضي !

تكفين اتركي التحليل ياخذ مجراه الطبيعي !!

قسم بالله انه في وادي وانتي بوادي ثاني تماما !!!