ماتعبتوا؟؟
والله من جد ماتعبوا؟!!!

وش بلاكم ياجماهير الغفلة

يايفوز فريقكم كل مبارة ب3 أو 4 أو 5 أهداف بدون مقابل يا تنتقدون كل النادي

مابقى أحد المدرب على مساعده على اللاعبين على مدير الفريق وصلت فيكم تنتقدون الرئيس (ياساتر)

ولكم عين وانتو حتى الحضور ماتحضرون للمعلب
الدعم الوحيد اللي يطلبه منكم النادي الحضور ومساندة الفريق في الملعب..

يمكن أنا ماافهم كورة يمكن مااشوف زييكم إن المدرب فاشل
بس الشي الوحيد اللي متاكدة منه
ان لا أنا ولا انتم نحب ونخاف على الهلال زي الأمير عبدالله بن مساعد

لا والقهر يجيك واحد يقول إذا ماخذوا راي الجمهور ياخذون راي مين

واحد يقول الشيحان ليه بالاحتياط
والثاني يقول لا مايقدر يلعب مباراة كاملة
الثاني يقول مين احسن تراوري والا حسين العلي ( مع انكم ماقلتوها هاليومين عشان ثلاثية تراوري أشوفكم حبيتوه)
وواحد يقول العنزي أساسي كيف؟؟
والثاني يقول لا العنزي لعب والله
وواحد يقول المجرشي ملعبينه وين الصويلح والنزهان
والثاني يقول لا المجرشي غطا
وواحد يقول يطلع الشلهوووووب
والثاني يقول ايه لازم يطلعه
وواحد يقول المفروض الدوسري اساسي
والثاني يقول لا ماينفع
وواحد يقول المطيري بيعوه ببلاش ( كذا ماتصير بيعه كذا تصير عطيه )
والثاني يقول بالعكس المطيري اعطى وقدم ورجله قوية
وواحد يقول المسعري وشلون يلعب للهلال
والثاني يقول لا المسعري احسن لاعب في الهلال ( قوية شوي)
وواحد التمياااااااط ليييييييه احتياط
والثاني يقول ....... الخ

وأنا أقول ليه ما نوخر المدرب ونخلي الجمهور هو اللي يدرب الفريق كذا أوفر والا ليه نخسر ملاين ونجيب مدرب ونخليه زينه وكل ماسوا شي قلنا غبي مايفهم مايعرف


والللللللللللللله ودي ومنى عيني يلعب الشيحان أساسي والدوسري والشلهوب مايطلعه وأحمد الدوخي وسامي ونواف التمياط والعامودي وبدر الخراشي والجمعان وكللللللللللللهم
بس المشكله هل هذا لمصلحة الهلال ولا لا

المدرب والرئس أفهم مني ومنكم لمصلحة الفريق
المدرب يعرف اللعيبة كويس من قادر يعطي ومين لا
مين يجلس احتياطي ومن اساسي
مين يطلع ومين يدخل
مين مهاجم ومين مدافع..

ياناس هذا مدرب يشوفهم كل يوم ويدربهم كل يوم عارف قدرة كل لاعب
بغض النظر عن تاريخه المعروف..

فرررررررررريق ناقص فوق الاربعة لاعبين اساسين ومؤثرين ومو على ارضه ( وماابي اقول مو بين جمهوره لان جمهور الهلال في الرياض يفشل) وتعادل وكان قادر يفوز وبرضو مو عاجبكم

هذي والله الذبحة


وهذا الكللم مو موجه للجميع

أخيرا.. أهم شي الأخلاق وحب الهلال