نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

Blue Sun · #10 11/02/2009, 07:25 AM

من حقهم يقسون عليك مالقيت الا ابو نورة تكتب عنه ..

إقتباس


	ولكن ما أزعجني بعض الردود من المنافقين

ليتك ما استخدمت الكلمة هذي .. !!
لان النفاق اشد من الكفر .. !!

إقتباس


	ولكن ما أزعجني بعض الردود من المنافقين .. حسيت من ردودهم إني مو مسلم وكأنهم كفروني .. كـ ( مجنون بن سعيد ) اللي ما يعرف يركب حرف على حرف يعني بالله عليك هل هذا معرف ؟؟؟ أليس هذا المعرف مجاهرة بالمعصية ؟؟ ما تستحي وأنت تكتب في توقيعك ( الله يرحم وتر الشرارة يابن سعيد ) وش اللي يدريك أن ابن سعيد ربي تاب عليه ولا ما تاب ..؟؟؟ ما احد يدري إذا ربي تاب على فهد بن سعيد ولا لا .. وبعدين تتكلم عن محمد عبده وتقول إنه قال الرسول سعودي , ياخي الله أعلم بالنيات , لا أنا ولا أنت ولا غيرنا يدري وش كان بخاطره .. ولعلمكم والله العظيم واللي خلقني وخلقكم من عدم إن محمد عبده هذا اللي تتكلمون عنه وتقولون عنه عاصي إنه يحفظ أجزاء كثيرة بالقرآن أكثر مني ومنكم وعارف أمور دينه ويحب شيوخنا الأفاضل , وبالذات الشيخ - ابن عثيمين - رحمة الله عليه.. " انا مو محامي عن محمد عبده " أو ادافع عنه ويوم القيامة لا بينفعني ولا بأنفعه ولا أغانيه بتنفعني ولا حبي له بينفعه .. .. ولا ( المشاكس ) اللي يقول ( وقف ترا لي مع شفايفك ميعاد ) والله شكل هالأغنية توب عندك ومن أحب أغاني أبو نورة لكن على قولتك الله يغفر ذنوبنا .. لكن الأغاني الواطية هاذي كانت غلطة بالنسبة لأبو نورة .. ولا lba your heart بغيت أسألك وش آخر حفلة رقص حضرتها ؟؟ سواء لفيفي ولا غيرها ؟؟

ياحبيبي هم من حرصهم عليك تكلموا ..
واعذرهم اذا كانوا قاسين بردهم ..
ولا تنسى ان كلنا بنموت انا وانت وكل ابو الناس لكن كتاباتنا ماراح تموت ورح تستمر وحنا بقبورنا ..
فلو تكتب مواضيع تفيدك باخرتك قبل دنياك احسن من المواضيع اللي تزيدك ذنوب على ذنوبك ..

إقتباس


	خلاصة الموضوع :- لا يجي الواحد ينافق وعشان يعجب الأعضاء والمشرفين وياخذ لقب التميز في المنتدى -يعني بسألكم سؤال ياللي ردوا بردود منافقة , أسألكم بالله ما عمركم فوتوا الصلاة عشان مباراة للهلال أو نادي غيره ؟؟؟ نعم فوتوا الصلاة لغرض المباريات ,,, أليس هذه معصية .. - عمركم سمعتوا أغنية لمحمد عبده أو غيره وما أثنيتوا على الأغنية اللي سمعتوها ؟؟ نعم أثنيتوا ومدحتوا وقلتوا هذا الأغنية رهييييبة وكلماتها وألحانها قوية ..

كل شخص له زلاته ..
ومافي احد ينكر ان له معاصي ..
لكن الستر زين وانا اخوك .. والمجاهرة بالمعصية ما يجوز ..
والله تعالى يقول بالحديث القدسي كل امتى معافى الا المجاهرون ,,
وكل واحد بقبره ما ينفعه لا محمد عبده ولا مشرف كل واحد له عمله ,,
ونسال الله الهداية ..

إقتباس


	عذراً على الإطالة لكن لا أحد ينصح إلا وهو متأكد من نفسه , ويعرف وش يسوي , وهل هو يؤدي دينه على أكمل وجه ولا لا ..

لو النصيحة مقتصرة على اللي يودون دينهم على اكمل وجه كان مافي نصيحة اصلا ,,
لان مافي شخص مؤدي دينه على وجه الكمال ,,

اسال الله لي ولك ولجميع المسلمين العفو والعافية ..
وان يغفر ذنوبنا ..
ويستر علينا دنيا واخره ..
اتمنى تتقبل ردي بصدر رحب ,,