نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

الضحى · #43 09/02/2009, 04:23 AM

إقتباس

الرسالة الأصلية كتبت بواسطة ابو طـــــلال


	كنت متأثر بالأفلام والمسلسلات .. واحسبني مثلهم وغصب ( مدلع نفسي ) أيام الطفولة وقبل المراهقه بشوي كنت اكتب ( مذكرات ) بدفتر خاص واحطه تحت سريري .. كل مامر علي موقف سجلته واتفلسف فيه .. بصراحة وناسه .. حتى انصب فيه .. يعني معطي نفسي جو ان شخص ( راقي ) ومره الوالد الله يطول بعمره عطاني ( كف ) بسبب موضوع خاص بالمدرسه .. كانت مشكله مع مدرس والمدرس طلع صديق عمي وعمي ( برباره ) علم أبوي .. وابوي سيدا على خدي الأيمن وهات ياصطره للحين تون أذني ... المهم فرحت بهالموقف .. دفتر المذكرات مافيه ذكريات مايصير ؟! وأسجل هالموقف بالتاريخ والساعه والاحداث ... بعدها بفتره أبوي عطانا انا وأخواني فلوس نشتري ساعه للعيد .. اخذت الفلوس ورحت لدفتر ( مذكراتي ) وكتبت : في يوم ال .. ( ) الساعه : ( .. ) أعطاني أبي مبلغ وقدره ( .. ) لشراء ساعه وذلك رضاوه وإعتذار عن ماقام به من صفعي أمام الجميع .. وقد إشتريت الساعه وقبل الإعتذار ... طبعا هو مادرى عن صطرتي ولاجاب خبري .. بس عطاني مثل ماعطا اخواني .. بس انا حطيت الموضوع إنه ر ضواوه بالقوه ... بعدها بكم شهر .. كانوا ينظفون الغرفه والسرير .. يوم لقوا دفتر ( مذكراتي ) وطاح بيد الوالد !! وقراه .. وانا ماادري وين دفتري ؟؟ مذكراتي مفقوده ياإلاهي ؟؟ سالتهم وكلن يقول مااندري !!.. ؟؟ بعدها بسنه .. أبوي عطاني فلوس وقالي رح اشتر مع اخوك لبس للعيد .. وتراها مهيب رضاوه مثل الساعه !! وهو يظحك ظحكة صفراء وكنه يبي يقول .. تبي كف ثاني ؟ عرفت انه ( كافشني ) ومن هالدرس نستفيد انه بالسعوديه لاتكتب مذكراتك لانها لو طاحت بيدين أهلك تبي تصير ( مضحكة ) لهم بالرايحة والجايه ... خصوصا وانت مألف في المذكرات لين ماقلت آمين .. ومن يومها وانا كل ورقة أخلص منها اشقها شكرا لك اختي ... اخوك الصغير ابو طلال

حياك الله وبياك ......العيب ليس في كتابتك للمذكرات هذا شيء جيد .

ولكن يجب أن تكون واقعية ويرمز لها برموز لا يعرفها إلا كاتبها .حتى يأتي وقتها .مشاركة جميلة .