مرآحب شباب
أول شي مبروك الفوز اللي ما جاء إلا بعد شق الأنفس
وكان والله عندي إحساس كبير إننا نبي نفوز
والحمدلله تحقق الفوز المستحق
وكانت النتيجه راح تكون أكبر لولا الطرد المبكر والمفاجئ
مامداني أغير القناة بعد الهدف بشوف نتايج المباريات الثانيه إلا كرت أحمر
عموما بجلس أحلل شوي إذا ماعندكم مانع ..

ببدى بالحارس ..
اليوم بوفون قدم مباراه حلوه ولو أنه ما جاه ضغط كبير
بس الأسد خلص كذا انفراده قدام الباب وكذا كورة خطرة
والهدف الأول ما يسأل عليه أبو لويجي الله يعافيه


جريجيرا ..
يكفي قولة الكعبي فيه يوم قال فيه لاعبين الفريق ماتدري وشلون جايبهم
والفريق أكبر من اللاعب ..
والحق يقال الرجال اجتهد وقدم اللي عنده بس مشكلته إنه إذا صار هجومي نسى الدفاع وإذا دافع نسى الهجوم ..


ميلبرغ + ليقرو
ما عليهم بس مشكلتهم يخلونك طول المباراة على قلبك وتخاف من غلطه يرتكبونها
ودفاعنا بدون كليني يخوف ..

مولينارو ..
الأسطوره ما يحتاج نحتسي عنه يوم أوكي وعشره ودك تكرشه
طبعا هو عنده لياقه بنت كلب لو يعطيها لأي لاعب ثاني أبرك
مشكلة مولينارو مايعرف وشي طبيعة عمله إيش !
يعني هو ظهير يسار المفروض عنده شق دفاعي وشق هجومي
هو في كل هالشقين يخوفك ويضيق صدرك ..
ناهيك عن الأوفرات اللي ماتنفع إلا ليأجوج ومأجوج
حسبي الله ونعم الوكيل عليك يالأسطوره القادمه


سيسوكو + تياغو
اليوم هذولي نجمين ولا أحلى وتجانس كبير مابينهم وتحس أنهم ماسكين الوسط صح
كوراتهم سلسله حلوه سهله بسيطه متقنه تجي على رجل اللاعب
حرثوا الملعب حرث واللياقه ما شاء الله عليهم ..
بصراحه هالثنائي أتمنى يكونون أساسيين في كل مباراة

كامو + نيدفد
كامو اليوم ماقدم إلا تمريرة الهدف وماقصر بصراحه على الأقل سوى شي وجبنا منه قول..
طبعا كامو اليوم بدا يرجع لمستواه بعد الإصابه وشفنا إنه سريع ومهاراته بدت ترجع
يعني يبي له 3 مباريات بدون إصابات ويرجع توب بإذن الله..
أما نيدفد ما يحتاج مدح مني لاعب بـ 36 سنه ويلعب كذا ما تلاقي أبدا بس يعيب نيدفد هالأيام عدم الدقة في التمرير وعدم التركيز في الشوت ..
ياليت يراجع نفسه ..!

ماركيوني ..
مره عال العال ومره ودك تلحقه النعال
شات له أكثر من كورة بدون تركيز
بغى يورطنا في بلنتي بس ربك ستر
يعني بالعربي ليته ما لعب ..


ياكونتا
ياشيخ والله انك بطل بس عربجي
مآدري ليه تفصخ فنيلتك والدقيقه توها 12
لا ومن زود الحماس راح يكسر
طرد مستحق لكن قراسيا ياكونتا


أماوري
والله أتمنى ينضم للأزوري مثل ما قالت له أمه ست الحبايب
اليوم هو من أفضل لاعبي المباراة إذا ماكن أفضلهم
كل شي سواه حتى صناعة الأهداف سواها
بس ناقصه التسجيل لكن يكفينا الصناعة يابو خصل تخقخق


بولسن ..
أحسن شي سواه رانييري أنه دخل واحد فيه لياقة بنت كلب
ولاعبين الفريق الثاني منهكين شوفوا اول ماطب بولسن شعلل الوسط
واستحوذ اليوفي على المباراه ,,
والهدف اللي سجله راح يكون غالي في تاريخ بولسن



اتمنى يكون التحليل زين << تكفى يالشنيف