ازعجتونا جمهور الرياض جمهور الرياض
أنا من الرياض ..
ومع كذا والله ماراح أحضر مبارايات الهلال لين اموت
تبي تقول ليه ؟
اقولك .. ياكثر الهمج الي جايين لغرض غيـــر المبارايات
إما جايين يسرقون او جايين يسوون مشاكل والي جاي يدور [ حلوين ] وياكثر النوعية الاخيرة
أنا تعرضت لموقف أتوقع لو يتعرض له واحد منكم يترك حتى التشجيع وساعته
أنا أحد الأشخاص الي تعرضت لضرب من 7 أشخاص داخل المدرج
ونقلت لسيارة الاسعاف ..
بكسر بالخشم ولولا لطف ربك سبحانة كنت فقدت البصر بسبب الي الضرب الي جاني
لو صار الي صار وفقدت البصر .. ماحد راح يفيدني ويرجع لي البصر لاهلال ولا غيره
والكلام هذا بطولة الدوري الي خسرناها قبل موسمين قدام الإتحاد
وللعلم .. يوم المباراة انضميت لشباب المتطوعين لتنظيم الجمهور بالنهائي
ومع كل الي حصل .. ماحد نفعني لامجلس جمهور ولا غيرة
وتبي تقنعني أرجع للمدرج ؟
إسمحلي ..
مدرج الجمهور مع السلامة إلى أبد الآبدين
