السلام عليكم ورحمة الله وبركاته
اخواني كلنا شفنا لعب زعيمنا الهلالي في مباراته مع الشباب الصراحه المستوى متوسط او اقل وليس هو المطلوب والسؤال اللي يجي ببالي اذا شفت المحترف الكوري سيؤول اقول هذا اللي شفت له مقاطع باليوتيوب والا يشبه له !
اشوف مقاطعك يا سيؤول باليوتيوب تعجبني اشوف لعبك بالهلال استغرب !!
قالو لنا يمكن ما انسجم يبي له وقت عشان يتأقلم ويعطينا اللعب اللي نبيه .
وناس قالو الكتاب باين من عنوانه .
وناس مره يقولون اللاعب ليس باللاعب الذي يستحق ان يأتي به الهلال للبطوله الآسيويه ومره يقولون ما يطلع الا بالمباريات الصعبه .
شفناه صلح الهدف الحلو للاعب الروماني رادوي وسجل منها هدف على النصر .
وشفناه في مباراة الشباب يخرج الكره أكثر من مره برجله خارج الملعب في محاوله للسيطره على الكره .
شفناه يحاول ينقل الكره داخل منطقة الجزاء وهذا شي حلو .
وشفناه يحاول يفتح خانات وهذا حلو.
وشفناه يتباطأ في نقل الكره وهذا شي مو حلو .
وشفناه يشوف الكره مع الاعب الخصم ولا يتجه لمه وهو قريب وهذا شي مو حلو .
وشفنا الهلاليين يقولون اصبرو عليه .
وانا أقول لأجلك يازعيم أصبر وليه ما أصبر
أحبك يا هلال والله أحبك
