قبل ابدأ في الدرس الجامد اللي تعلمته ..
اشكرك اختي الضحى 
طارق . الله يجزاك خير .. انت سويت اكثر واكثر مما هو مطلوب منك 
الله لا يحرمك الاجر . مواصل . بعض هـ الناس يعتقد انك اذا تنازلت له عن حق من حقوقك انك ضعيف .. مثل اللي ذكرته يبي له درس في فن الاحترام .
الدرس :: قبل العيد كنت اداوم في الدمام من السبت الى الاربعاء .. لمدة شهر كامل .. تعرفت على واحد هناك في نفس العمل .. واهله في الرياض .. المهم انا كنت ناوي اسكن مع اخوي .. اول 4 ايام كنت عند اخوي .. بعدها اقنعني الرجال اني اسكن معه .." وانا اخذتها من باب الفزعه " .. الرجال صار يطلع من الدوام متأخر جداً عكسي انا .. اخذت الموضوع من حسن ظن .. اسبوعين وانا اللي اتكفل بـ قيمة الغداء .. موب مشكله كلها 30 ريال .. .. اذا جيت ارجع للرياض نشب لي 
.. ويرجع معاي .. اذا دخلنا الرياض قال وصلني للبيت .. " بيته في الروضه " وانا في غرب الرياض 
.. واتحمل التعب والقهر واسكت .. اذا جاء يوم الجمعه دق علي يبي يروح معي .. ونفس القصه .. ويوم من الايام ما كنت مشتهي اطلع للرياض .. وقلت له " مع ان معه سياره " الا انه قال كلم لي اخوك بروح معه ..!! صرفته هنا . ما استمريت معه في الشقه .. طلعت من ثاني اسبوع .. جاء اخر الشهر والمفروض يسدد الايجار .. دق علي وقال الايجار جاء وقته .. عطيته الفلوس طبعاً من حركاته اللي طافت اخذت فكره عنه .. قلت له هذا ايجار الايام اللي قعدتها في الشقه .. وزعل الرجال .. الى اليوم هذا ما دق علي .. واذا شافني ما يسلم .. انا والله اللي افتكيت منه ومن غثاهـ .
الخلاصه :: فيه فرق بين كلمة " صديق " و "زميل " .. قبل كنت اخلط بينها .
# احنا لو نتعامل مع بعض بدون ما نخبي اشياء في صدورنا ما كان احسن ؟!! .. اذا ما تحب ( س او ص ) منت مجبور تصاحبه او تختلط معه .. فيه صفة اسأل الله ان يبعدني وإياكم عنها .. هي انك تحمل لـ شخص مشاعر سلبيه .. سواء كانت مشاعر حقد او حسد او كررهـ .. او غيرها .. ومجبر نفسك انك تجامله وكان ما فيه شي .. واذا ابعد عنك قلت عنه كذا وكذا .. لو كل واحد حاول يشتري راحته كان ريح عمرهـ .. للاسف احنا اكثر ناس تجامل .. .
الان :: صرت احاول ما اجامل على حساب نفسي .. اسعى لـ راحة غيري واتعب انا !! .. لا والله ابطى جرح يشكي
