نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

Hictar · #5 03/02/2009, 08:03 PM

إقتباس

الرسالة الأصلية كتبت بواسطة هلالي من ارض اليمن


	منحته وظيفته التي كان يجيدها .. وبعد ان تم تثبيته بدأت سلسة المتاعب التي لا تحصى بدء برفض اي توجيهات وختاما باتهامي انني شخص صغير بالسن مقارنة به وليس لدي مؤهلات

يا طارق بعض الناس تخليك تفكر ( ألف مره بعمل الخير )
بعطيك سالفه صارت لي قبل أمس بالتحديد :
بدوامي مواقف مظلله للموظفين ، وكل موظف له موقف مسجل بإسمه عند الأمن
أنا أول ما توظفت كان فيه موقف ( فاضي ) لكني ما سجلت الموقف هذا بإسمي ويومياً أوقف فيه ( والجميع يعرف إن هذا موقف سيارتي )
توظف بعدي بسنه موظف جديد ( ملتزم ) الرجال ما شاء الله عليه ( ترتاح له ) حتى لو ما تعرفه.
أخونا في الله كان كل يوم يوقف بأماكن الموظفين وما يدري إن كل موقف مسجل بأسماء الموظفين عند الأمن.
على دخول موسم الشتاء أنا لقيته وسمعته يتشكى إنه ما لقى له موقف.
أنا فزيت من مكاني وناديته.
قلت له إنت وقف مكاني الثلاث أو الأربع شهور ، لحد ما ينتهي الشتاء لأني مو محتاج للمظله وراح أوقف سيارتي قريب للباب.
مرت الأيام والشهور ومالت الأجواء ( للحراره )
يوم الإربعاء الماضي كلمته وقلت له ( من يوم السبت ) لازم تفضي الموقف ، لأني فصل الصيف قرب.
داومت يوم السبت ( ولقيته موقف بمكاني )

قلت بنفسي يمكن ناسي.
يوم الأحد جيت للدوام ( إلا الحبيب ) موقف بموققي

تنرفزت ودخلت عليه المكتب
قلت له ( أنا ما قلت لك فض الموقف من يوم السبت ) ؟
رد علي وقالي : الأمن قالوا لي إن الموقف هذا مو مسجل بإسم أحد

قلت له : يا عزيز أنا ما جيتك بالبدايه وقلت لك أنا بعطيك موقفي لحد ما ينتهي البرد وأرجع أخذ موقفي.
سكت ورد علي إن الموقف مو مسجل بإسم أحد.
قلت له : إنت ياناسي أو تتناسى!!.
رد علي : بنفس الإجابه ( بمعنى ما راح أطلع من الموقف )

قلت له : شوف عزيزي أنا ما راح أنزل نفسي وأروح أشتكي علشان موقف سياره ، وأنت تعرف من أنا ووش أقدر أسوي ، وتدري إن أقدر أخذ الموقف حتى لو كان مسجل بإسمك وأحطه بإسمي.
لكني ما أنزل نفسي للأمور هذي ، وخذ الموقف
لكن هذا درّس لي إني ما أسوي خير ( للناس )
وتركته وطلعت
الكلمه حزت بنفسه ، وجلس يطاردني علشان يراضيني
وأمس جاء لمكتبي وقالي خلاص وقف بموقفك وأنا بدور مكاني ثاني!!.

________________
ناس عجيبه ، غريبه !!.