ياخي ما شاء الله عليك ، إنسان بالك طويل بالمواضيع والردود  أنا إذا كتبت بدايه موضوع أكنسله علشان الردود وإنت ما شاء الله عليك ( مدهر ) الله لا يضرك بخصوص الكبده ( أنا ما أفطر عند الدوار ) أنا طال عمرك يوميا عند محل بآخر شارع خريص بعد إشاره ( كوفي كريم ) على اليسار ( المعلم ) جنسيته تركيه ، وكل يوم أنا وإياها هواش  الملعون رافع ضغطي أنا إنسان ما أحب الطماط مع الأكل وأخليه يسوي لي ( كبده ) مخصوص لحضره جنابي وإذا صلح لي الطلب ( أقوله أنا قايلك بدون طماط ) ويجحد الملعون  ومن زود اللعانه اللي فيه من كثر هواشي معه ( يدحى السندويش شطه فوق ما تتخيل ) لدرجه إني إذا أكلت الساندويش تّدمع عيوني من الحراره بس ولو أطعم بالحراره __________________ أما بخصوص رائد الغفله عندي سؤال ( وش إسمها المذيعه اللي تطلع الصباح مع عبدالعزيز القحطاني ) المذيعه هذي أقل ما يقال عنها ( يا صبر الأرض ) مصاله - مصاله ( وتصنّع ) لا مثيل له ( تكرهني بالسعوديات إذا سمعت صوتها ). أما رائد الغفله فلا تعليق أنا ذكرت بتعليق سابق إنه مصّور ( تقرير المرور 30 صوره ) ويكرر التقرير يومياً ، وما يضيف عليه إلا عدد الإتصالات ومستعد أسمعه لكم والمشكله المذيعين اللي كل يوم يقابلونه ( ما أحد منهم سأله السؤال اللي ببالي ) إلى متى هذه الزحمه ، وش هي الخطط ( المدروسة ) لحل أزمه المرور بالرياض !!.؟
اخر تعديل كان بواسطة » Hictar في يوم » 02/02/2009 عند الساعة » 10:30 PM | 