|
(( بشرى طقم الهلال الأصلي بجميع فروع المملكه لدى الفالح )) .
السلام عليكم ورحمة الله ..
وش أخبار الزعماء .. 
الله يوفقنا قدام الشباب يارب 
بقولكم سالفه يوم الخميس العصر شغلت موتري ورحت لم المملكه مسكت معي اشتري فنيلة الهلال اللون الأبيض 
لأن عندي اللون الأزرق قلت ابغير ومنها ادعم الزعيم ومير الله يسلمكم اروح لم محل اتلس فوت قلتله فنيلة الهلال الأصليه عندكم قال مهيب عندنا  
ومير يضيق صدري وأتحطم
الظاهر انها خلصت 
خبركم جمهور الزعيم ماشاء الله داعم كبير للهلال ..
الزبده رحت لم بيت الرياضه الفالح الفرع الرئيسي شارع الستين وسألتهم عنها .. توقعون وش قال !!؟
قالي موجوده  
قلتله لبى قلبك حبيت الصعايده لعيونك مصري الي قابلته 
وافرحني بخبر ثاني بغيت اخمه من الفرحه قالي متوفره الفنيله بجميع الأعمار
لبى أدارتنا والله موفره كل شي لنا
قمة الأحتراف
قالي نازله اليوم الي هو اليوم الأحد
والإثين بإذن الله في جميع فروع الرياض .. والاسبوع هاذا يقول إن شاء الله بيكمل التوزيع في فروع المملكه كلها
قلتله هات ثنتين وحده لي وحده لأخوي الصغير
يعني لا أحد يشيل هم الي موجود بالشمال بيحصلها والي بالغرب برضوه والي بالشرق أكيد بيحصلها لبى أهل الشرقيه أحبهم وأموت فيهم وبجمهورهم
تراني أموت بكل هلالي بالشمال ولا جنوب ولا غرب ولا شرق كلهم أموت فيهم لبى قلوبكم يالهلاليين الله يوفقكم يارب
أنا داري اني غثيتكم 
بس حبيت أبشركم لا أكثر .. 
بالتوفيق للهلال يارب بجميع البطولات ياكريم ..  | 