نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

محمد ابولما · #26 01/12/2003, 03:29 AM

[ALIGN=CENTER]بعد أذن الشباب ودي أرد على أخوي المعصب ( العطيب الهلالي ) ...

من الواضح أن التفاهم بيننا معدوم لعدة أسباب فأنا أتحدث في جهة وأنت تتحدث في آخرى !!

لذلك ما أدري وشلون بنتفاهم !!!

إقتباس


	إقتباس من مشاركة محمد ابولما كنك داري كل خلفيات الجهاز آد دي موس

وأنت تقول الله يرعاك :

إقتباس


	إقتباس من مشاركة العطيب الهلالي مدري وش هالخلفيات اللي له ياشيخ والله ما عنده من الخلفيات ماعند جدتي .. أجل واحد يقول الهلال ازداد قوة بعد عودة الشريدة والشريدة ما وقف الا مباراة القادسية ومع ذلك ما لعبه قدام الاتفاق هذا عاد عنده خلفية .

فمن الواضح أنني أتكلم في جهة وأنت في آخرى !!!

هذه واحده ...

الثانية الله يسلمك من الشر .. قل آمين ...

إقتباس


	إقتباس من مشاركة العطيب الهلالي وبعد مو لازم نصير على رايك والا ترانا مانعرف مصلحة الهلال والا مانعرف وش الفايدة من جلب المدربين . ياخوي ابغى واحد يقنعني بشي سواه هالمدرب الداهية نعتبره عمل فني رائع.

ومن يقول أن رأي محمد ابولما صح 100% !!!!
وش الفرق بيني وبينك الله يرعاك ؟؟

كلنا من الجمهور وكل واحد يقول رأيه لا أنا أفرض عليك ( تهز رأسك ) على قول لك .. و أنت بعد .. لا تعصب علي الله يهديك غصب عنك .

يا أخي يمكن مصلحة الهلال في كلامك وكلامك هو اللي بيحقق المصلحة للهلال ...

لكن مع كل كلامك ما شفت لك ولا كلمة توضح أن المدرب سيء !!!!

يعني معليش بالعقل لو جبنا ثلاثة خبراء وقالوا لنا بتشيلون مدربكم ليه ؟؟ وش راح يكون الجواب ؟؟

من كلامك لو سمحت لي راح نقول :
أننا غير مقتنعين فيه وبس دون أي شيء واضح !!!
يعني أنت لو تذكر أسباب عدم قناعتك في المدرب يكون أحسن ونتناقش فيها أما بس هالعصبية الزايدة ما لها سنع ...

وصدقني لا قناعتني بتخلي المدرب ولا عصبيتك راح ( تسفره ) ... صح والا أنا غلطان .

إقتباس


	إقتباس من مشاركة العطيب الهلالي ياشيخ الهلالي اللي يشجع الهلال من صدق ويعرفه زين يستحي يتعذر بهالاعذار . من متى الهلال يتعذر بغياب فلان وفلنتان وعودة فلان وعلان .

صح أتفق معك ...

لكن هذا الكلام كان له وقته وحنا نعيش وقت مختلف تماماً عن الوضع اللي أنت تقول ...
الفريق في مرحلة أنتقالية وضع غير اللي انت تقول من المفروض الواحد يستحي ...

يعني معليش وأنا أخوك لا راح الدوخي من عندك مثله أو أزين منه خلك واقعي لو شوي وتكلم بالواقع مهوب بالأماني !!!

حنا ودنا يكون في الهلال في كل خانه ثلاثة لاعبين كل واحد أزين من الأساسي والوضع الآن في الطريق لكذا .... لذلك لازم نصبر ونتحمل صدقني وما راح نصبر واجد وخلال هذا الصبر برضه راح نجيب بطولات بحول الله ...

الثالثة ... ما أقول الا الله يهديك بس ...

شف وش أنا قايل وشف أنت وش فهمت :

إقتباس


	إقتباس من مشاركة محمد ابولما ** مـاذا لـو تــعــادل الــنــصــر مـع الـهـلال والـنـصـر نـاقـص لاعـبـيـن والـهـلال مـتـقـدم بـهـدف ؟!

شف ردك :

إقتباس


	إقتباس من مشاركة العطيب الهلالي مع هالمدرب يمكن تجي بس مع غيره ما اظن حتى لو كان الحلاق كامبوس ابو قصيصة .

أنا هنا أتحدث عن مباراة الأتحاد والأهلي عندما تعادل الأهلي مع الأتحاد وهو ناقصين لاعبين أثنين مطرودين .. وكان الأتحاد متقدم بهدف ...

وأنت تقول :

إقتباس


	إقتباس من مشاركة العطيب الهلالي مع هالمدرب يمكن تجي بس مع غيره ما اظن حتى لو كان الحلاق كامبوس ابو قصيصة .

وش دخل هالمدرب !!!!

هي حصلت مع المدرب المتصدر للدوري ... لكن لو لا قدر الله حصلت مع الهلال لقال الجماهير وش فايدة الصدارة وحنا متعادلين مع النصر وهم ناقصين أثنين وبعدين وش الفرق بين الرابع والأول ؟؟؟

هذا هو الكلام اللي راح يقال ... وقد كنت أتسأل عن ردة فعل جماهير الهلال لو حصل هذا معهم .

ويوم قلت لك :

إقتباس


	إقتباس من مشاركة محمد ابولما واضح أنك ضعيف جداً في المتابعة

واضح أني أقصد أنك ضعيف جداً في متابعة غير الهلال ...

تجي تقول هولندا وما هولندا ...

وأنك من المفروض تهز رأسك !!!!

أتصور من المفروض نكون أكبر من كذا .

وأقول لك ولغيرك ...

قناعتي هذه شخصية بحته بنيتها لشيء رأيته بعيني من عمل هذا الرجل .....
وكل من هو قريب ويشاهد تمارين الفريق يتمنى بقاءه سنين طويلة مع الفريق ...

ورغم كل هذا ... لا يعني كلامي عدم وجود أخطاء بل هناك أخطاء تفسد العمل الذي يقوم به المدرب خلف الكواليس لتجهيز الفريق ...

فياليت ننقاش الأخطاء بواقعية وبكلام عملي بعيد عن .. مايصلح .. وغير مقنع ...

ومرة أخرى أعتذر للأخوة الذين تجاوزت ردودهم .... [/ALIGN]