أقول، ليه ما نجيب الحسن اليامي لأنه شايل ناديه شيل وكان ينافس على صدارة الهدافين الموسم اللي راح؟
يا ناس، يا بشر، افهموا ... المحياني لاعب كبير على العين والراس، ودامه مبدع في ناديه أكيد بيبدع في الهلال، العنبر وهو العنبر صاير ابراهيموفيتش والتايب وراه، لكن هل إذا كان في نادي ثاني بآخذه بمبالغ ما يستحقها (مقارنة بأسعار بقية اللعيبة) بس عشاني قادر على أدفع هالمبلغ؟
بيرباتوف اندفع فيه مبلغ من أعلى المبالغ في تاريخ كرة القدم (وتفرق بشيء بسيط عن سعر انتقال روبينيو للمان سيتي)، والناس كلها طبلت له "هذا كانتونا الجديد، هذا اللي بينقل المان يونايتد للمستقبل!"، وآخرتها يوم قارنوا آداءه بالمبلغ المدفوع فيه (علماً أنه ما كان يبي غير المان يونايتد!) لقوه ما يستاهل، مع أنه لاعب كبير (شف وش صار على توتنهام يوم تركهم) وسجل للمان هالموسم أهداف وفي أوقات حاسمة، لكن مرة ثانية،
آداءه مقارنة بالمبلغ المدفوع فيه غير واقعي، مع أن معاه كرستيانو وروني وتيفيز!
عموماً، الله يوفق الزعيم وإدارته في كل قراراتهم، واللي كاتبه الله بيصير.
