نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - مقالة الكاتب العربي القشطيني: حنا السعوديين احسن العرب و المسلمين!!! مارايكم!

alhawey · #9 25/11/2003, 04:35 AM

السلام عليكم

سواء كتب هذا المقال القشطيني أو غيره , أنا أبرد على بعض كلامه الغبي والحقير...

يقول الكاتب :

إقتباس


	حنا السعوديين أكثر شعب في العالم يمتلك بترول

وانا اقول نحن أكثر دولة تمتلك بترول وليس شعب مثل ماقلت , لان الفرق كبيـــــــــــــــــــــــــر جدا..

إقتباس


	وحنا اللي تبرعنا لأغلب دول العالم

وحنا بعد اللي علينا ديون لبعض الدول العالم ان كنت ما تدري...

إقتباس


	وحنا اللي إكتفينا من القمح وصدرناه للعالم

صحيح , مثل ما دول شرق آسيا الفقيره اكتفت من الارز وأصبحت تصدره للعالم...

إقتباس


	وحنا اللي هزمنا العراق في حرب الخليج . وحنا اللي فجرنا مركز التجارة والبنتاجون

اسمحولي ردي هنا راح يكون سخيف مثل الكلام اللي مكتوب , وهذا هو الرد

هههههههههه

إقتباس


	وحنا أكثر شعب في الشرق ا لأوسط عنده ستالايت .

وحنا أكثر شعب عندهم مســـــــــــــــــاجد وبينهم ناس صالحين...

إقتباس


	وحنا أكثر من يتصل على القنوات الفضائية ونلعب مع المذيعات الحلوات ونمزح معاهم .

وحنا من أكثر دول العالم في عدد الشباب المراهقين ( وباحصائياتك بعد

) , يعني ما نلومهم اذا كانوا مراهقين ولقوا من يلعبون معهم

إقتباس


	حنا اللي أرسلنا أكثر المجاهدين لأفغانستان والبوسنة والشيشان

وهذا هو أكبر فخر لنا ولله الحمد

إقتباس


	وحنا اللي ماأحد يغار على الدين مثلنا

من حقنا ان نقول هذا , لاننا مهما ابتعدنا عن الدين نظل من أكثر الشعوب تمسكا فيه...

إقتباس


	حنا أكثر من يطارد بنات العالم في الخارج

قمة السخافة ان كاتب يكتب في جريده يوميه ويقول هالكلام

ياحبيبي كل دول العالم المتطوره والمتخلفه عندهم هذا الشي ويمكن أكثر منا , ولكن الفرق اننا شعب يستنكر مثل هذه الامور , أما بقية الشعوب الامر عندهم Free ...

إقتباس


	حنا اللي نشوف البنت مخلوق ناقص ومالها رأي . ماهي مسؤولة عن نفسها ، لكن مسؤولة عن أفعالها . ماتأكل في العزايم إلا من بقايا أكلنا . محجوزة عندنا في البيت مثل الغنم .. ماتطلع إلا لزيارة الجارة أول للعمل . حتى زاد عليها الهم والغم . وحتى صارت في الوزن مثل الجمل .. وبعد هذا نمنعها من ممارسة الرياضة لأن الرياضة بس للولد ..!! حنا اللي الحرمة عندنا ماتكشف حجابها لنا وتكشفه للأجنبي . وحنا اللي نمنع الحرمة في المدينة من السواقه لأنها فتنة . حتى لو كانت قبيحة وغير مغرية . ونتركها تركب السيارة لوحدها مع السواق الأجنبي . رغم إن بنات البدو يسوقون السيارة في الصحراء من زمن . من دون خوف ولا وجل . ومن دون إعتراض الأهل .

اخواني كل من يقرأ هذا الرد , لاحظ كيف أطال الكاتب بالحديث عن المرأة , وكيف أختصر جميع كلامه السابق , ومن هذه الملاحظه يتضح لنا هدف الكاتب وماذا يريد , وان كلمة حقير قليلة في حق من كتب هذا الكلام...

من هنا نشم رائحة العلمانيه

, كذبت لانه حنا اللي عطينا المرأة قدرها واحترامها , وديننا حفظ لها جيع حقوقها سواء كانت أم أو زوجة أوبنت أو أخت , ولله الحمد ان المرأة عندنا تعرف حقوقها جيدا , وفي نفس الوقت تعرف ماذا يريد منها العلمانيون!! وباذن الله لن تتحقق أهدافكم القذره...

إقتباس


	وإذا شفنا بنت راكبة السيارة مع سواقها تجمعنا بسياراتنا حولها مثل الغنم . نبغا منها كلمة حتى لو تتفل في وجيهنا أو ترمينا بحجر.

يبي يقنعنا الغبي بان قيادة المرأة هي الحل

بدليل انه جاب هذا الكلام حتى يبرر كلامه السابق...

إقتباس


	ومانشوف ولا نعرف العروس إلا بعد الزفاف (شختك بختك)

يالحبيب

حنا مسلمين أنت نسيت؟!! يعني كل مايخص حياتنا نأخذه من شرعنا , والشرع ماقال جرّب قبل الزواج

الا اذا كان عندك شرع ثاني يمكن!!!

إقتباس


	رغم الحقيقة والألم ..

حقيقه!!! انت تعرف معنى الحقيقه وكلامك كله كذب ودسائس...

إقتباس


	حنا السعوديين من أحسن المسلمين والعرب..!!

اذا كنا سننظر للموضوع مثلما رأيت أنت واحصائياتك, نعم حنا السعوديين من أحسن المسلمين والعرب بدليل عدد المساجد , عدد العلماء السنه , عدد مجاهدينا في الخارج عدد الجمعيات الخيريه والدعويه .... وغيرها , ولكن الواقع اننا لانقول مثلما قلت بل نقول الحمد لله الذي جعلنا كذلك...

أسأل الله العلي العظيم أن يشل يد كل من جعل قلمه لمحاربة الدين , وكل من يضع السم في العسل ليغش الناس بكتاباته...

تحياتي للجميع