نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - ★★.. رابطة عشاق اليوفي .. ][ زعيم إيطاليا ][ :: 2008/2009 :: ..★★

سامي (188) · #5793 19/01/2009, 01:55 PM

هارد لكم يا شباب !!

بصراحه انا صارت لي ظروف وماقدرت أشوف المباراة ... رغم ان قلبي يتقطع عليها !! لكن الله أقوى !!

بس من كلام الشباب حسيت ان اليوفي ماقدم مستواه المأمول وأن التعادل كان جيد !!

صحيح كنا نتمنى تقليص الفارق مع الإنتر لنقطة واحدة ... لكن ثلاث نقاط سهل تجاوزها إن شاء الله !!

لأن الدوري باقي فيه النص تقريباً !!

المهم الان اننا نفكر في مباراة الفيولا خصوصاً واننا بنلعب من دون سيسوكو

ولا مولينارو (المتطور) !!

وإن شاء الله يوفق رانيري في ايجاد البديل المناسب واللي اعتقد انه ماركيزيو و دتشيلي !!

اما بالنسبة لموضوع بيع بوفون !!

انا مع احترامي لجميع الاراء المعارضة ... فأنا مع الحزب المؤيد !!

إذا كان بيجيب سعر فوق 100 مليون يورو !!

لعدة أسباب راح ألخصها في النقاط التالية:

أولاً:
الفريق يعاني من نقص في العوائد المالية بسبب احداث الهبوط الى السريا B والأحداث اللي صاحبتها مما يستدعي توفير مبالغ كبيرة للتعاقد مع اللاعبين ... وهذ أحد الفرص !!

ثانياً:
خلونا نكون واقعيين ... صحيح ماننجر مو مثل بوفون ... لكن من بداية الموسم الى الان لم نحس بفقدان بوفون للأمانه !!
وهذا دليل ان مانينجر قادر على تغطية جزء كبير من الفراغ اللي راح يتركه بوفون !!

ثالثاً:
المبلغ اللي راح تبيع فيه بوفون ممكن تجيب فيه ثلاث لاعبين سوبر ستار ... بالإضافه إلى حارس ممتاز أيضاً وهم كثر !!
مثل (بالوب) حارس اشبيلية ... (فري) حارس الفيولا ..... وغيرهم من الحراس الممتازين !!

رابعاً:
وش راح يصي إذا بعنا بوفون !! كثير من الأنديه الكبيرة فازت ببطولات رغم ان حراسهم مثل مستوى من مانينجر أو أقل !!
والأمثله كثيره مثل ميلان (كلتش + ديدا) وأيضاً إنتر ميلان (سيزار) وأيضاً برشلونه (فالديز) والأخير كل جمهور البرشا يشكي منه !!
وحقيقة مافيه حارس سوبر ستار في العالم حالياً غير (بوفون + كاسيس) وممكن نضم معهم (فاندر فارت) !!
ومع ذلك ما اثر هالشي في هالفرق ... تدرون ليش ؟؟ لأن عندها من اللاعبين من يغطي عيوب الحراس !!

خامساً (وهي أهم نقطه):
متى تلقى واحد خبل مثل الفهيم هذا ينطل الفلوس في كل مكان

لذلك أتمنى من إدارة اليوفي اذا جاها عرض فوق 100 مليون !! اتمنى انها توافق !!

وبالنسبه للي يقول وفاء ماوفاء !!

هل بوفون راح يروح لمانشستر ستي بدون مايستفيد !!

بالعكس هو راح يستفيد راتب دبل اللي ياخذه في اليوفي لو بغى !!

لذلك من صالح الطرفين رحيل بوفون !!

وبالنسبه للجمهور العاشق للعنكبوت ... نسوي له حفلة توديعيه في اخر مباراة يلعبها مع اليوفي ونودعه بكل الحب

وإن بغى نزفه من تورينو لمانشستر ماعندنا مانع

إقتباس


	لــــؤي :/ تسلم ياحـبي وماتقصر وعطني المقطع ولا عليك آمـر .. عواافي

أبو خلود ... الله يسلمك يا حبي

... بس ترى مو انا اللي معي المقطع

تأكد من الأسم الله يهديك

هذا اخونا (عاشق اليوفي) !!

انت شفت الصورة الرمزيه نيدفيد ... على طووول قلت لؤي !!

هذا دليل اني على قلبك دوووم يالغلا كله

<<< براااااا