نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - انـا.. وفتاة المستشفى الغشيمة... وحكايتي مع الفلوس

عريب عبدالله · #10 19/01/2009, 04:11 AM

إقتباس

الرسالة الأصلية كتبت بواسطة النــــــ 15ــــــر


	هلا اختي رئده انا اوافقك في اكثر ارائك لاكن من ناحيه الطبخ والنفخ فهذي وضيفة المرأه الاساسيه والمفروض المفروض ان المرأه ماتتعدي بيتها حتي في الصلاه فيه حديث للرسول بقول معناه عشاني ما اعرف نصه ان المرأه تصلي في اخر البيت يعني البعيد عن الناس ولاختلاط شكرا اخوي الصخره عالموضوع الجميل

هلا أخوي النمر بما أن الحديث موجه لي أسمح لي أخوي الصخرة بالعودة مرة أخرى

تدري ندرس في كتب الفقة أن من حق المرأة أن يحضر لها زوجها خادم إذا كان في بيت أهلها خادم

هذا أكثر شي عجبني في الكتاب

وحتى الرسول صلى الله علية وسلم كان يساعد أهل بيته<<يعني أفهمو ترى ماهو واجب أن أحنا نطبخ لكن كرم منا

فعلا ديننا منصف ولكن مين اللي يطبق

بأخرب بنات المنتدى

المهم أنا أتفق معك أن المرأة تتقن الطبخ والنفخ وتثقف نفسها في جميع المجالات

مع وجود القنوات الفضائية أكيد أن الشاب يبي وحدة مثل هاللي يشوفهم في التلفزيون

مثقفة وفاهمه ومدبرة للمنزل بشكل متميز

أنا ما قلت الثقافة مثل بنات هاليومين الدوجان في الأسواق <<عن نفسي أكرة السوق وما حب أطلع واجد

أقصد بالثقافة تكون عارفة في كل الأمور يعني تعرف شي في كل شي

وتشارك زوجها في إهتماماته حتى عينة ما تروح منا والا منا لين صارت اللي قدامة ماهمها الا المطبخ

أنا الحين كل النصائح اللي تجيني للأسف تقليدية طبخ ونفخ

بينما نقدر نحل مسألة الطبخ بكتاب الطبخ المشهور ما ابي اسوي لصاحبتة دعاية
وفية كل الطبخات المميزة وبطريقة سهلة

وتدبير البيت أكيد وقت الفراغ بيكون طويل وقت روحة الزوج للدوام يمدي يخلص شغل البيت
بما أن الشقة صغيرة وما فيها الا أنا وهو

من وين بتجي الحوسة

لكن فن التعامل مع المشكلات وحتى صدمة الإنتقال من بيئة لبيئة ما احد يتطرق لها

المفروض تتعلم كل بنت تنظيم وقتها وهذا اللي ما سمعته من احد لين الحين

وثقافتها قبل الزواج تساعدها بعدة في تنظيم أمورها

<<وكتب ودورات التخطيط يا كثرها

ما أتوقع أنك تبي تتزوج وحدة ما تعرف تتصرف في أقل الأمور تفاهه مثل الصرف بالبطاقة

طيب لو واجهت أي طارئ وهي إعتمادية وتفكيرها سطحي ما يتعدى المطبخ وش بتسوي

للأسف أكثر البنات ماتبي تتعلم وتبي تبقى غبية همهما المطبخ والمكياج لا أكثر

وفي النهاية يطلع لنا زواج المسيار وبرود العلاقة بعد مرور فترة من الزواج ويصير نسخة مكررة عن الآخرين

بسبب أمرأة ما تنظر أبعد من قدميها وشاب فكر أن وحدة مثل هذي راح تسعدة مادرى أنها بتنكبة

مقولة الطريق لقلب الرجل معدته صارت دقة قديمة لأن الرجل الحين شاف شي ما أطلع علية السابقون

المهم حتسيت واجد ولا زلت أصر أن الثقافة مهمه للبنت ولا زم هي اللي تطور نفسها وتكون أكثر إستقلالية

ما أتكلم عن الطلعات لكن أتكلم عن شي قليل ما نلاقية في مجتمعنا وهو الوعي
بعيد عن فئة المكياج والعزايم والأسواق والمطبخ

بالحب والإشراق