16/01/2009, 02:59 AM
|
 | عضو استشاري بمنتدى الرياضة العالمية | | تاريخ التسجيل: 07/07/2005 المكان: هلالـــ الجنوب ـــي
مشاركات: 4,205
| |
كتابة جيدة 
لكن شكل موضوعك نقاشي .. ولا ؟
لأن إذا كان نقاشي بنناقشك
الحين مورينيو جاب لاعبين كثير من يوم جاء لتشيلسي .. لكن تعال نفكر شوي من جاب ؟!
ديديه دروجبا .. مهاجم ممتاز .. بس مهوب اللاعب الـ 5 نجوم على قولك .. وكان يلعب في مرسيليا
بيتر تشيك .. جاب من نادي فرنسي اسمه رينيه إذا ماخاب ظني .. مهوب 5 نجوم
اريين روبن .. جناح ممتاز .. ماكان ذيك المعرفة في ايندهوفين
كارفاليو .. مدافع في بورتو صنعه مورينيو وجابه معه
فيريرا .. ظهير عادي جابه معه من بورتو
تياجو .. وسط عادي جابه مورينيو
كيزمان .. مهاجم عادي من ايندهوفين
طبعاً مبني كلامي عليهم من 2004 مهوب هالحين .. الحين كل واحد مبدع اكثر من اول بكثير
أساطير الفريق الكبار .. كانوا بالنادي من الاساس .. مثل لامبارد وتيري
هذي الصفقات زي صفقات توتنهام هالسنة .. وش خواندي راموس ؟ ولا شيء .. ووش سوا مورينيو ؟ علمهم السنع وجابوا الدوري
يمكن اقدر اقولك في صفقات كبيرة سواها تشيلسي مع مورينيو وهذا شيء أكيد .. وهم ثلاثة في رأيي بالاك و إيسيان و آشلي كول .. أما شيفا فجاء غصباً عن مورينيو لأنه ماطلبه وبس
هذي صفقات أي فريق يسويها .. الحين فنجر من جاب .. روزيسكي .. ؟!.. طيب سمير نصري ؟! وبعد جالاس من تشيلسي ؟!
لما تشوف مورينيو أيضاً من صنع وأظهرهم للعالم .. كارفاليو , أوبي ميكيل , ديكو , مكارثي , تشيك .. وكلهم يدينون بالفضل لمورينيو
وأقدر أضيف لهم ديديه اللي ظهر للعالم مع مورينيو .. ودروجبا نفسه معترف بهالكلام
يعني دعم الفريق مافيه شيء أبد.. والكل لايختلف على ان مورينيو مدرب درجة أولى .. وأفضل مدرب على الساحة في الـ 5 سنوات الأخيرة إجمالاً ( في رأيي على أقل تقدير )
فنجر .. مايهمني انه هيرو ولا بطل ولا اياً كان .. مادام نسى كيف يجيب بطولة .. أجل مايتقارن بمورينيو أبداً .. وإذا أذهلكم كيف يقنص الشباب ويطور مواهبهم كما اذهلنا احنا بعد .. فافضل له يشتغل كشاف مواهب .. ومدرب فرق سنية ؟!
اهم مايلزمني علي في المدرب هو المدرب اللي يجيب بطولات للفريق .. بذكاءه وبدهاءه .. وبالروح اللي في لاعبيه
الحين فنجر قاعد يبيع في اللي قاعد يطورهم .. ؟! وش عنده ماتدري ؟!
إذا فنجر بيقعد كذا مايلزمنيش صراحة .. أبغى واحد يجيب لي بطولة .. مو قاعد يطور من هنا ويبيع من هنا !!
شكراً لك
اخر تعديل كان بواسطة » أبــو غــامــد في يوم » 16/01/2009 عند الساعة » 04:18 AM |
