الموضوع: رسالة باللغة الـ( هيروغليفية )... من يقدر يترجمها ؟؟
مشاهدة مشاركة بصفحة مستقلة
  #26  
قديم 15/01/2009, 09:44 PM
فتاه هلاليه فتاه هلاليه غير متواجد حالياً
زعيــم متألــق
تاريخ التسجيل: 07/09/2007
المكان: الرياض
مشاركات: 1,004
ياهلا بالصخرة ,,
مطمطة الحكي مثل كذا { لآآآ} تهوون عن اللي تكتب كذا hla wallah
تشوفون عذاب بالمسن ما افهم لهم
اذكر مرة أختي الصغيرة جتني تبي جهازي
طبعًا أول شيء عييت بس بعدين حسيتها شوي وبتصيح رحمتها وعطيتها قلت بس لاتطولين قالت طيب
طبعًا جهازي حالته حالة
إذا جيتي بتغيرين الخط من اليمين لليسار
وإذا جيتي تغيرين من العربي للإنقلش
يعني سالفته سالفة طبعًا ماطولت ولا نص ساعة
وهي جاية وذابته بوجهي
قالت خذيه مالت عليك وعليه
قلت لها خير إنشاء الله احمدي ربك إني عطيتك
قالت لا يحووس اذا جيت بحول من عربي لإنجليزي
قلت ماشاء الله
والله ما خبرتك إنتي وصديقاتك فلتات زمانكم بالإنقلش
قالت لا نكتب انقليزي معرب ..!
قلت وليه إنشاء الله اكتبي عربي يامال الصلاح
قالت لا والله تبينهم يقولون عني متخلفه أنا وجهي صار كذا
يعني الحين صارت اللي تكتب عربي متخلفه إنتِ ووجهك
واللي تكتب بهالطريقة الهمجية الغبيه مو متخلفة
عالم غريبة والله !

يعطيك العافية الصخرة
اضافة رد مع اقتباس