نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - رئيس جمهورية إيران اللإسلامية يدعو ملكنا الخروج عن صمته..؟!

الـمـشـاغـب · #16 15/01/2009, 09:07 PM

إقتباس


	حياك الله أخونا سلطان

هالجملة الظاهر انك ناسختها من قبل أمس وللحين تلصقينها كل ما جاء طاريي

أختي رائدة .. حنا نتكلم في السياسة والمصالح .. ما نتكلم عن المذاهب والدين ..!

إذا بتقولين لي انهم يكرهون السعودية .. فأقول لك صح .. يكرهوننا ويكرهون اهل السنة .. وحنا نكرههم بعد

إقتباس


	لو إيران صادقة تسان أستخدمت النوووي حقها خصوصا أن مثل ما تقول أنها أقوى قوة عسكرية

من قال أن عندهم نووي أصلاً عشان يستخدمونه او ما يستخدمونه ؟

ولو افترضنا جدلاً أن عندهم نووي .. ليش يطلقونه وهم ما دخلوا أي حرب ؟

ما فيه أي دولة في العالم بتستخدم النووي كذا عباطة ..!
ولو كان سهل استخدام النووي كان استخدمته أمريكا واسرائيل في حروبها

إقتباس


	ودخولنا للحرب شي مهم بالنسبة لهم عشان يدخلون علينا

تتكلمين عن أمر مستقبلي هو في علم الغيب ..!
بالعقل والمنطق .. لو دخلوا علينا راح يقضى عليهم من أمريكا ..!

يعني اللي صار للعراق لما دخلوا الكويت راح يصير لإيران لو كان تفكيرهم مثل ما قلتي ..!
لأن إيران من ضمن محاور الشر اللي تهدف أمريكا للقضاء عليها ..!
امريكا واسرائيل ما عندهم سنة وشيعة .. عندهم ( دولة اسلامية ) وأي دولة اسلامية قوية سيقضون عليها ..!

إقتباس


	أحنا كلنا نحب السعودية لكن أحيانا حماستنا على القضايا الإسلامية تجعلنا نتحمس أكثر الحرب تحتاج خطة وإعداد ووقوف مع الدولة ومساندتها في كل خياراتها

الكلام اللي قلتيه عن المملكة .. ممكن نقوله عن إيران .. رغم أن موقف إيران أقوى بحكم عداوتها الظاهرة مع أمريكا واسرائيل ..!

وبرضه ممكن أحد يقول نفس الكلام اللي قلتيه عن ايران ولكن بطريقة معاكسة : دام المملكة معها جيش وصواريخ ليه ما تدعم الفلسطينيين بالأسلحة بدال الكلام ؟

هل معنى ان الدولة ما دعمت الفلسطينيين بالأسلحة والصواريخ أنها تكرههم وتنتظر هزيمتهم؟!!
قطعاً لا ..! << بغيت أقول (طبعاً لا) .. بس نبي نظهر المواهب المدفونة شوي

مع العلم ان ايران عن طريق حزب الله تساند حماس بالأسلحة باعتراف حماس بدعم إيران وحزب الله ..!
يا أختي شوفي حماس وش تقول : تقول ان حزب الله وإيران دعموها أكثر من الدول العربية مجتمعة

طبعاً مصالح مشتركة مو لسواد عيون حماس .. لكن الحق حق ما ننكر دعمهم ..!

خلصت ردي .. وآسف ع الإطالة