[ALIGN=CENTER][ALIGN=JUSTIFY]استاذي ابو سعد تعجبني كتاباتك انت والكبار في المنتدى مثل الاستاذ يا قاهرهم
هذا الموضوع تابعته كثير وتابعت الردود بينك وبين يا قاهرهم لانها فيها كل شي بس والله يا هي طويله
كلكم كبار وكنت ابي ما ارد بس اتفرج خاصة انكم حيرتوني واكيد حيرتو الاعضاء بعد
الحين غيرت رايي يوم قريت ردك اللي فوق يا ابو سعد
لان شكلك ما تبي توصل لنتيجة مع انها تهمنا كثير مثل ما تهمنا انت وياقاهرهم بعد
ابي اقول ان النقاش حلو ومؤدب والله يقويكم انتم الكبار;) نبيكم تقنعونا حنا الصغار
لهذا قررت يعني انا قررت الخص موضوعك وردود يا قاهرهم مثل ما اسوي اوقات الاختبارات حتى اقدر اركز و اوصل لنتيجه وابشرك وصلت لنتيجه;) بس لن اكتبها وبكتب الملخص وكل واحد يتوصل للنتيجه من ناحيته هو

الملخص حقي بعد التمحيص والتنقيح والمراجع والمشاور طلع معي كذا ومابي احد يزعل هذا كلامي انا ومحد مجبور عليه

ابوسعد يقول :

اعضاء الشرف وجايب مشكلة الوليد مثال ويقول ان عبدالله ابن مساعد ما يشاور


ياقاهرهم يرد :

ابوسعد فاهم غلط والصح غير المكتوب في موضوع ابوسعد


النتيجة :

ابو سعد يتكلم قبل ما يتاكد وقاعد يقول شي يلوم فيه عبدالله ابن مساعد ويظلمه وهو ما يعرف القصة الصحيحه



ابوسعد يقول :

الاعلام الهلالي فيه مشاكل مع النادي


ياقاهرهم يرد :

وين الاعلام الهلالي الجزيره الهلاليه وسعود عبدالعزيز او الرياض وسامي الكلام الاخير من عندي بس احس ان ياقاهرهم يبي يقوله ;) وزيد من عندي ومن قدي جنب ابو سعد وياقاهرهم شف كيف عبدالله مهتم حتى بالنت الهلالي


النتيجة :

ابوسعد قاعد يظلم عبدالله ابن مساعد مع انه كل يوم تصاريح ومقابلات وحتى بالنت الرئيس موجود



ابوسعد يقول :

ماله داعي المصيبيح في التشكيل الاداري


ياقاهرهم يرد :

لجه وصجه وعند الجد ما فيه احد ;) ويقول بعد اعضاء الشرف اكبر من المصيبيح يعني يقدرون يطيرونه طيب ليه مخلينه لو كان فيه سبب مقنع ومن يقدر يوقف ضد هذلول وابن سعيد وبندر ومن عندي الرئيس حر يختار على كيفه واعضاء الشرف معطينه الصلاحيه


النتيجة :

شكلك ناوي الرئيس مع المصيبيح بس كلامك غير مقنع :sad:


ابوسعد يقول :

المادة ويبينا نبيع لاعبين او بالاصح مصلحة موقتة مقابل مصلحة النادي :sad:


ياقاهرهم يرد :

رجعت تفتري على الرئيس وتقول عنه انه بيجيب دخل كافي وثابت وهذا ليس صحيح وبعدين ابن مساعد ما قصر احسن رئيس استثمر وفي نفس الوقت راضى الجمهور يوم ما بغوا الحرام


النتيجة :

احسن دخل جا للنادي عن طريق ادراتنا الموجوده الآن


ابوسعد يقول :

اللجنة الفنية


ياقاهرهم يرد :

مرة ثالثة تظلم الادارة وتقول انهم يصرفون مئات الاف وهذا غير صحيح


النتيجة :

اللجنة الفنية مثل ما قال الرئيس قدمت عمل ممتاز اذا قارناه بصلاحياته



ابوسعد يقول :

معسكر هولندا :sad:


ياقاهرهم يرد :

رد ابولما اقرب بس ياقاهرهم قال لك الهلال يعسكر في الطايف عند الرمان و البرادات وهذا جو غير الرياض او نسيت جو الرياض ;) وتراك هنا افتريت عليهم وقلت مباراتين وهي اكثر من كذا


النتيجة :

معسكر هولندا كان جيد وحكمك انت اعتبره غير دقيق لان معلوماتك غير دقيقة


ابوسعد يقول :

الشفافية


ياقاهرهم يرد :

ابو سعد تكلم في اي شي الا الشفافية ابوسعد من فيه زي عبدالله ابن مساعد
بس انت تبي يعلمونك كل ما في روسهم حتى لو ما يهم الجمهور او اقتراح


النتيجة :

ابوسعد اقل شائعات هلاليه زي ما يقولون كبار السن الهلاليين في الفتره ذي


ابوسعد يقول :

الدعم المعنوي


ياقاهرهم يرد :

الله يرحم عبدالله ابن سعد بس عبدالله ما قصر ابد


النتيجة :

من هو الرئيس الوحيد نام مع اللاعبين في النادي ;)



ابوسعد يقول :

الاستقالة :sad: كل المشاكل ذي ويبي الرئيس يقعد


ياقاهرهم يرد :

اذا الناس واعدوه واخلفو كيف يستمر ويثق :sad:


النتيجة :

الرئيس يقعد اذا بيصرف ويوفر فلوس او نشوف غيره وكويس انه قايل كذا من زمان :sad:


غريبه منك تهرب من الموضوع
يمكن عرفت النتيجه التي وصلت لها ;)
شكرا ابوسعد واستفدت من موضوعك هذا في نقاشات سابقة كنت متاثر فيها برايك قبل ما تتضح لي الامور واعرف الحقيقه
:sad:
بعدين تراي مزبرق الرد لا تفشلني ابوسعد
تسلم والله يخليك لنا

[/ALIGN][/ALIGN]