نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

مَاهِينُورْ · #7 11/01/2009, 11:37 AM

^
^
يمديني أرحب فيك الحين

حيــــــاك الله ماجد

إن شاء الله تفيد وتستفيد

/

يا هلآ والله غلا بالوردة

وعليكم السلام ورحمة الله وبركاته
صباحك كراث

خابرتتس الكرز كيف تشابكتوا مع بعض ؟

..
بصراحة مادري وش أرد عليه على أي فقره ,, تدروخت

..
لكن أتمنى يُدمج هذا الموضوع مع موضوع شروط المجلس العام

~> وش عندها ماجد مقبل

ـــــــــــــــــــــــــــــــــ
بالنسبة لمواضيع الترحيب
أنا صراحة أأيد فكرتك ان الواحد اذا يبينا نرحب فيه يجيب لنا إضافة للموضوع

بس بصراحة أنا من اللي أول موضوع لهم كان ترحيب
وعليها إلى الان مانزلي أي موضوع بعده

لكن والله أحياناً من فرحتنا بالتفعيل خاصة اذا تنتظرين التفعيل من 8 شهور

مو اللي هاليومين ما شاء الله أمس مسجل واليوم مفعل

ماندري وش نسوي وأسهل شي اضافة موضوع جديد و " أخت جديدة انضمت لك فهل من مرحب ؟ "

إقتباس


	على طآري التصبيح . من فيكم يآكل تمر الصبآح!! لو 3 أتحدى!

أنــا أحياناً

بس إذا صرت جوعانه والتمر يشهي

لكن لازم آكل عدد فردي لو وحدة

..
ياكثر استطراداتك تذكريننْ بشيبة الحمد العلامة اللي بالحرم

ما شاء الله من موضوع بوسط موضوع وقصة ببوسط قصة

وما شاء الله على انه كبير بالسن لكن ماينسى " الله يحفظه "

..
المبدعين

اي والله ما شاء الله عليهم

بس والله مقصرين بردودنا عليهم

..
> ولو اني عارفة اني ماني بضايفة شي يستاهل

بصراحة أحينا نقرأ الموضوع ويعجبنا لكن تحتارين ماتدرين وش تقولين

تحسين ان ردك بيخرب الموضوع لو رديتي لذلك أكتفي بشكره بيني وبين نفسي

لكن فكرتك زينه إني أدخل واحط وردة

طيب بسويها إن شاء الله

واذا مااعجب صاحب الموضوع ولا حرروه المشرفين فـ انت السبب

..

إقتباس


	ابو الذبآنآت. مختفي ومسوي ثقل.. مع انه مازلت عمته واكاد اجزم انه ماتغير إلا من الغلقه إلي يشوفها.. ياقليل الخاتمه تجي عمتك ماترحب فيها بموضوع<من الاستطرآد

ما فهمت !!

يعني أنت عمة الذبان ولا ايش ؟

ههههههههههـ ذكرتيني باخوي اذا شافني بعصبة على ذبانة يقول وش عليك منه جاي لعمته

يعني الذبان عياله

..

إقتباس


	على فكـرة.. سهـل إنسآن مزوحي جداً.. بس وقت الجـد ابن امه يكلمه

إي ما شاء الله عليه

..
أنت خابرته زماان على وقتك لكن حنا نادراً مانشوفه

..

إقتباس


	الزبدة الي مابعـد طلعـت لأني للحين أخـض اللبن بالقـربه.. تقطعت يدي وانا اخـض أخـض بمعـنى أرج..بمعـنى أهـز القربه وليس الخصر

..

إقتباس


	وش المواضيع الي تستهوي الطبقة المجلسيه؟

كل شي الا الخواطر أحيانا ماأفهمها

لكن أكثر شي الاجتماعية والترفيهية

لأننا أكثر ماندخل النت عشان ندور اللي ينسينا همومنا ويوسع صدورنا

..
على فكرة أبي حلاو مصاص وياليت يكون غندور أبو علك

..

إقتباس


	اخيرآً.. فتحوا منتدى حـق الترحيب وفكونا من زحمة ذا الموآضيع المآصله.. وقرشعـوا كل ترحيب فيه

منتدى !!

متى ؟ خابرته موضوع مثبت

..

إقتباس


	*مآجد مقبل.. كثر الله امثالك..

آآمين ..
لكن وراه بس ماجد والقاضي و سهل والكلاسيكي
كلهم كثر الله من امثالهم

يا ربِّ لك الحمد ربي رزقنا بمشرفين سنعين بمجلسنا
~~> الحكومة لازم نمدحهم يستاهلون

..

إقتباس


	بس هذرت وآجد صح؟

اي صح

بس كلام مفيد والله ونصايح حلوة بأسلوب ظريف

وينتس من زمان ؟
تشعلل المجلس بجيتس

على الطاري موضوع قبل مدة جازلي بصراحة

~> بمعنى أعجبني

بس مارديت مادري ليش يمكن عجز

لكن بحط لك وردة ألحين تستاهلينه

سمي {

}

..

وردة الهلال

مشششكورة يالغلا على هالموضوع السنع

والله يبارك بالأعضاء الجدد الي خلوك تكتبينه

..