إقتباس الرسالة الأصلية كتبت بواسطة F.C.H ياعزيزي ياغاوي مو معقولة عشان ياسر ما باص زين ولا ماسوا اللى نبيه نهاجم ونزعل عليه الكل ينزل مستواه والذيب اللى يرجع احسن من ماكان , ,ياسر اذا هبط مستواه يرجع ويسكت الجميع بهدف او سوبر هاترك . انا آسف على بعض الكلام اللى قلته لكن موضوعك مو وقته ابد ولا تنسى مباراة اليمن كانت مناورة اكثر من ان تكون مباراة .

يحق لك تهاجمني عشان لاعب غالي علي المشكلة اني ما الومك لاني من كثر حبي له صرت انتقده واهاجمه

مثل ما هاجمت نواف التمياط سابقاً ومحمد الشلهوب بعده ولأني احبهم

بس ابيك تشوف موضوعي وراح تشوف الهجوم على ياسر بعد كذا شهر لاني الحمد لله دائماً ما استبق الحدث

هوجمت لما كتبت عن نواف وبعدها بشهور شبو فيه

هوجمت لما انتقدت الشلهوب وبعده بشهور طالب المنتدى بأبعاد الشلهوب

مدحت الغنام وهاجموني وقالو ان الغنام ما يسوي شيء والحين يمدحون فية ويقولون احسن لاعب

يأخي انا ما امدح نفسي بس انا لعبت مع ناشيء الهلال وشباب الشباب ودربت ناشئين واشوف شيء من وجهة نظري الخاصة مختلف ومتقدم قليلاً عن ما يراه المشاهد العادي

بس ارجع واقول لك لن نختلف ولك وجهة نظرك وانا احترمها ومادمت تمدح فياسر ولا يهمك شب فيني ورد فأنت تمدح معشوقي.....