جربت مره اصير غرنوق واشوف قدري عند بنات حواء .. وكنت ماسك سرى طويل عريض ومزدحم بالنساء وإستحيت اوقف بينهن .. قلت لوحده من النساء ( تسمحين لي ياخالة اتعداك .. تخبرين رجال والسرى كله حريم وعيب اصير بينكم ) قالت لا مااسمح لك ..!!! زيي زييك !! ( أفاااا ) قلت لها خير إن شاء الله ... شكرا ..

عاد تحسب المره سكتت .. كنها ماصدقت على الله تذلّني !! وقامت تقول .. إحمد ربك ان عندك سيارة .. انا الحين يبيلي ساعة اوقف تاكسي يوديني ...!! برضه سكت وماقلت شي .. ( متى بس يجي دوري وأخلص ) ويوم جت تحاسب باقي في قلبها كلمة ماقالتها وحست انه جاء الوقت المناسب ... وقالت ( ماتشوف هالأغراض وش كثرهن ) ؟؟؟ وانا اقول بيني وبين نفسي ( لاعادت على هالإستئذان .. خلصنا يامدااااام )

غرانيق مين والناس نايمين .. الغرنوق والله انا وانت ( الضعيفين )

تحياتي لجمالك ...

وربي يسعدك