س1 \ رآيك بـ مستوى الفريق ؟! و هل هو مآشي على الطريق الصحيح و لآ فيه مطبات ؟!

في البدايه ماكنا متفائلين خصوصا إن الفريق مر بطروف صعبه منها حملة حجب الثقه + مدرب جديد وأول مره يدرب فريق كبير + إنتداب خمسة عناصر جديده + خروج لاعبين كبار بحجم روني وديكو + البداية المتعثره في الليغا أمام أنديه تعتبر صغيره أو متوسطة المستوى .. إنظر إلى وضعنا في بداية الليغا وقارنها مع وضعنا الآن .. متصدر بفارق كبير .. أفضل هجوم في أوروبا .. أفضل دفاع .. أفضل بدايه في تاريخ الليغا .. كل هالاشياء تخليني أقول إن مستوى الفريق أكثر من ممتاز وأحلى من كذا مافيه ..

المطبات كانت في بداية الدوري .. مباراة نومانثيا + الراسينغ اللي تعثرنا فيها.. أيضا مباراة بيتس وإسبانيول .. صحيح إنتصرنا لكن بشق الأنفس مع وجود أخطاء كثيره خصوصا مباراة بيتس ..

مباراة بازل في الكامب نو .. كانت أهم وأفضل مطب تعرضنا له .. وقتها كان الكل يتكلم عن مواصلة الإنتصارات وما إلى ذلك .. لكن السقوط أمام فريق صغير أعطى درس قوي للاعبين ..

حاليا الحمدلله الفريق ماشي على الطريق الصحيح ونتمنى يستمر هالشي ..



س2 \ رآيك بـ مدربنا الغير تكتيكي بيب غورديولآ ؟ و هل هو نجم الفريق كما قالت الصحآفة ؟!

جوارديولا أول ما استلم النادي كان الكل خايف .. مدرب مغمور أول مره يمسك فريق كبير .. الخ .. بيب عمل شغل كبير مع الفريق .. حتى تكون مدرب ناجح لازم تكون صاحب شخصيه قويه .. بيب استغنى عن أهم العناصر في النادي .. نظف غرفة الملابس .. بث الروح والحماس في اللاعبين .. استطاع التغلب على كل المشاكل اللي كانت تواجه النادي ..

أكثر مايعجبني فيه هو إحترامه للخصوم وعدم التقليل من أي نادي سواء كان كبير أو صغير .. وهالشي هو ماجعله ينجح في أغلب المباريات ..

بيب نجم البرسا الأول

س3 \ الهجوم عندنا كاسح ( ميسي ، ايتو ، هنري ) ، وفرق بينه و بين آهداف ريال مدريد هدف وآحد بس ، رآيك فيه ؟

ممتاز جدا ومازلنا نطمح بالمزيد <_ طماع .. الهجوم قوه ضاربه .. إكتسح أقوى الدفاعات .. طالما عندك هالثلاثي أتحدى أي فريق يفتح ملعبه قدام البرسا

هنري تطور مستواه في الفتره الأخيره وأصبح يقدم مستويات رائعه .. لكن الشي اللي يعيبه أحياناً إنه يتعامل مع الفرص السهله برعونه ..


س4 \ آفضل تشكيلة لـ البرشا شفتها في المباريات ؟

فالديز

أبيدال بويول ماركيز ألفيس

توريه

بوسكيتس ( كيتا) تشافي

هنري ( حاليا) إيتو ميسي


س5 \ آفضل لآعب ، آسوء لآعب ؟

صراحة صعب أقولك من أفضل لاعب .. لإن الكل يقدم مستويات رائعه .. ومن الظلم حصر الأفضليه على لاعب واحد .. لكن اذا كان لابد من تحديد لاعب في إعتقادي أن الأفضليه يستاهلها ألفيس لإن مستواه ثابت في كل المباريات ..

وبالنسبه للأسوء .. صراحة ما أشوف أحد مستواه سيء جدا .. صحيح بعض اللاعبين ينخفظ مستواهم أحياناً لكن ماهو على طول يعني مباراة أو مباراتين بالكثير إلا وتلاقيه رجع لمستواهـ .. لذلك من الظلم أن تحكم على لاعب بإنه سيء بسبب مستواه في مباراة واحدهـ ..


س6 \ آفضل مباراة ، آلعن مباراة ؟

الأفضل : المباريات اللي سوينا فيها إكتساح 4 .. 5 .. 6 وفيه كمان مباراة اشبيليه ..

آلعن: اللي تعثرنا فيها بالتعادل أو الخساره وخصوصا مباراة نومانثيا .. كمان مباراة الجار إسبانيول


س7 \ آجمل هدف ؟

هدفين ميسي في اشبيليه الثاني والثالث


س8 \ تبي لآعبين في فترة الآنتقالات الشتوية ، ولآ في نظرك الفريق مكتمل ؟!

حاليا الحمدلله الفريق مكتمل ولو نسلم من الإصابات راح نكون بأحسن حال .. ودي ندعم صفوفنا بلاعبين اثنين .. ظهير أيمن وأيسر .. هي المراكز الوحيده اللي ما أشوف فيها بدلاء لو حصلنا ايقافات أو إصابات لاسمح الله .. ماودي يكون بويول هو البديل .. بويول مكانه قلب الدفاع


بندر تسلم يالغالي ع الأسئله النقاشيه الرائعه

عزوز تسلم ع ترحيبك يالغالي هذا واجبنا