نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - ★★.. رابطة عشاق اليوفي .. ][ زعيم إيطاليا ][ :: 2008/2009 :: ..★★

skroo · #5258 25/12/2008, 01:45 AM

السلام عليكم ورحمة الله وبركاته

][.. تقديم موعد مباراة يوفنتوس وكالياري في الجولة 22 ..][

كودها خيرة ان شاء الله

:: اليوفي يقابل موناكو في 6 كانون يناير ::

موناكو من بقى يلعب فيهم
كل نجومهم هجو ( موريانتس وجيولي ودرينثي ... الخ )

:: اليوفي وروما يتنافسون على Giuseppe Rossi ::

يالبى هاللاعب بس ودي يصبرون عليه شوي هل بيكون فقاعة صابون والا لا
رغم انه مبدع الى الان بس غويلي شوي

:: Zhirkov قريب جدا من اليوفي ::

يالبى الحراثات كلهم

:: كانافارو يتغزل في الملك وابرا ::

خلاص رحت فيها يا كن كن ماعاد انت زي أول
الاحظ ان مستواه نزل بعد ماراح لليقا

:: نجوم صنعهم اليوفي وانتقلوا ::

بدر اسمح لي انا اعارضك بهالنقطة
كانافارو نجم قبل اليوفي من ايام بارما
وانا خقيت معه بكأس العالم 1998 , بس اندمر بعد ما انتقل للانتر ورجع مستواه يوم انتقل لليوفي
يعني اليوفي اعاد اكتشافة ماصنعه

[]:: الظاهرة الكروية: متفائل بتحقيق الاسكديتو ::[]

هههههههههههههههههه ياخي هالكائن الحي عليه صور مدري وش تبي

حتى هالصورة بعد :

حتى رسمة الرقم سقيمة زيه

تبي الدكة اتصلت بك وإلا بسلامتك

دونجا خلك مع مطاريسك واترك اماوري للازوري

اليوفي قد يؤجل المقاضي للصيف

الله يعينا على هيكـ اخبار

كوبولي يحث أماوري لتمثيل المنتخب

كوبولي صار لسان ويتكلم واجد هالايام وبرضة اغلب كلامه عن اماوري ماله شغلة الا يتغنى فيه

إقتباس

الرسالة الأصلية كتبت بواسطة 10بيانكونيري10


	السلام عليكم يعطيك العافيه اخوي ولد الزعيم البار :: Zhirkov قريب جدا من اليوفي :: لاعب بطل وخيار مناسب فيه مميزات حلوة مثل: التسديد من بعيد + قوة جسمه + يرفع + لياقه الاعب عمره 25 سنه وش رايكم بلاعب ؟؟؟ فوجيا لاعب كان مبدع الموسم الماضي مع كالياري واتوقع انكم تذكرون وش سوى قدام اليوفي الموسم الماضي بس رجع هذا الموسم للاتسيو فاختفى وصرنا نشوفه قليل انا مادري وش الاسباب فيه احصائيه الموسم الماضي جاء فيه ان فوجيا من اكثر الاعبين يرفعون بالدوري والفريق بحاجه له بحكم ان عندنا هجوم مميز بالكرات الهوائيه + ان مافيه اظهرة تساند الهجمه وان ساندت الهجمه فالفائدة تكون قليلة + ان نيدفيد هذي اخر سنه له ومستواه قل بحكم كبر السن والتنكر كارفه كرف وكثرة اصابات كامو معلومات عن الاعب الاسم/باسكوالي فوجيا العمر/25 الطول/172 النادي/لاتسيو مركز الاعب/وسط

والله على كلامك اللاعب مبدع ( لاني ماتابعته زين )
بس هالامور من تخصص ليبي
طلع كامورانيزي من نادي سياحي
وطلع زامبروتا بعد من نادي سياحي وشفهم مهبلين بالخلق
رانييري ما اتوقع عنده خاصية تنتيق لاعبين غامضين وتحويلهم لنجوم

لاهنت يالغالي ورده

===

الله يعطيكم العافية شباب
بدر & العسيماوي للمرة المليون لاهنتو