هلا والله ابو طـــــلال ..

إقتباس للأسف موضوع دون المستوى ولايليق بحضوري كأول شخص يرد على هذه الخزعبلات !! اعتذر عن الحضور انا إنخدعت وليتني ماقريت موضوعك ... وإلا ليتك كاتبه بالحبر السري أبرك بصراحة موضوعك سخيف >>>>> أدري تحسبني بقولك أمزح موضوعك حلو وزين ومن هالكلام !! هع هع هع هع يعني اعطيك 6.5 من عشرة >>> مهوب عاقل عبدالرحمن الزيد الف شكر على هالموضوع ( التافة )

من قال اني طلبت رأيك والا احتريه والا مهتم في رأيك انت وخشتك << اخس يالعصبي

إقتباس والله لااطلع ريحتك لين ماتعطيني موعد قريب في اللى انت خابر ومعك الرجال ولاتنسى المحفظة زي كل مرة

الموعد وتم بس انت اللي ساحب علينا صح والا لا

حياك الله ابو طلال ..






هلا والله رائدة الزعيم ..

إقتباس موضوعك بتاع كله

احسن شي انك تنتقد شي وتسويه

إقتباس يقولون أنه من الأفضل أنك تعرف شي في كل شي وكل شي في شي فلا تستغرب خويكم اللي يحتسي فكل شي اللي يعرفة واللي ما يعرفة المهم يحتسي

المشكلة قسم بالله ما فيه سالفة نقولها الا يدخل فيها ويحتسي فيها ولو انه ما يدري وش الطبخه وهذا اللي قاهرني !!

إقتباس وأنت تتكلم عن منو ودودي حسبتك تتكلم عن منو ودودي اللي أنا أعرفهم بس منو اللي أعرفها عمرها 16 سنه ودودي عمرة 21 سنه بس الشبه كبير بينهم هم يا عمي يحسبون التطور في المخالفات الشرعية الشخص المحترم عندهم معقد ما دروا أن الحضارة بوادي وهم بوادي <<الله يهديهم ويفتح على قلوبهم

بس خل عنتس فرق العمر مهوب تسايد بالحيل بين منو ودودي اللي جبت طاريهم واللي تعرفينهم

الله يهديهم ويفتح على قلوووبهم لان من جد الوضع محيوووس ومايسر ابد !!

إقتباس ذكرتني هالقصة بواحد يعتبر داعية معروف بس ما بقول اسمه عشان ما أغتابه مانع زوجته تزور أختها الوحيده لأن الثنتين أيتام ومالهم الابعض من الطفوله وسبب منعه أنها تزور أختها فوق الشهر أن ولدها يشتغل في بنك ويشوف أنهم ياكلون حرام .... صاحبنا كان في سنه من السنين متزوج يهوديه أمريكيه لكن طلقها بضغوط من أهله بالرغم أن اليهود أكبر مرابين في العالم <<حلال علي حرام على غيري والله ما حشيت فيه الا من القهر لأني أشوفه معقد ما أشوفه متدين وبلاوية واجد بس يقهروني الشخاص اللي يغطون عقدهم بأسم الدين

هذا مهوب بعيد عن عبدالله اللي ذكرته (طبعاً ابو عابد اللي ذكرته من خيال الكاتب ) ..!
بس من جد مشكلة بعضهم فاهم الدين خطأ !!
للناس اخطائهم ولكن فيه رب يحاسبهم !!
ما يعني هذا اننا ما ننصح ونوجه .. لكن عمره ما كانت النصيحه وتصحيح الخطأ بقطع صلة الرحم فرضاً !!
بعض الناس يرون انفسهم هم الصح وتصرفاتهم هي الصحيحه وغيرهم من الناس خطأ !! وهذي اكبر مشكلة !!
الله يهدينا جميعاً .!!

إقتباس باروح لا أخور أكثر ما بقى شي ما قلته والتهديدات علي واجد من كثر ما أحش

افا وراتس رحتي !! كملي حش وما عليتس من احد ..!


حياتس الله رائدة الزعيم ..





هلا والله الموسيقار توتي ..
حياك ربي .. زين انه جاز لك الموضوع .!!







هلا واله بيرت بلس ..

إقتباس يعطيك العافية اخوي عبدالله مواضيع جميلة وممتعة وشاملة .

هلا بك عبدالله .. الاجمل مرورك

إقتباس بس ذبحتنا بالفواصل الاعلانية

هذي متطلبات البرنامج ولازم نمشي سوقنا

إقتباس خاله زنديق هههههههههههههههه للاسف واقع نعاني منه وشر البلية ما يضحك. عندما تنقلب الاولويات ينتكس الانسان ولا يعرف حق من باطل.

ليتها وقفت على الزندقه الامور اكثر من كذا عند البعض الله يهدينا ويهديهم !!
بس مثل ما ذكرت هذا واقع نعاني منه !! وشي يقهر بكل صراحه !!
لكن وش نقول الا الله يهدي الجميع !!



حياك الله بيرت بلس ..







هلا والله ماجد مقبل ..

إقتباس اعتقد ان السفير يتحمل المسؤلية كامله لهذه التصرفات الغريبة >>> هو اللي بيقروا ماتو والا ايه

ههههههههههههههههههههههههههههههههههههههه
هههههههههههههههههههههههههههههههههههههههههههههههههه
يعجبني اللي يجيك مطفي النووووور

إقتباس أقول صدى وش تحس به انت ووجهك

إقتباس طيب وش حرق رزك يا صديقي الم تسمع بتعدد الثقافات >>> جاب العيد من جد في ناس جوكر تجد ثقافته عاليه والله معطيه القدرة انه يتكلم في اكثر من موضوع بإنصاف وعن درايه لاوم يكون البارادايم عندنا كبير يستوعب جميع الاشياء ليه حنا كذا ليه

الله يلعن ابليس هالبارادايم اللي غثيتنا فيه ههههههههههههههههههههههههه !!
اي بارادايم واي خرابيط .. يابن الحلال فيه ناس تحب تحتسي وبس !!
جعله ما يغثك اللي غاثني عشان تعرف ليش محترف رزي !!

إقتباس ما ودي اقول شي اجيب العيد صدى ليه دايما تحب تلعب في منطقة الجزاء

هههههههههههههههههههههههههههههههه
اما منطقة الجزاء ههههههههههههههههههههههههههه !!
ياخي وش اسوي هنا تظهر ابداعاتي !!
وغير كذا هذا من ضمن مجال التخصص وانا اخوك !!
ولاتنسى ان المونتاج حذف اشياء واجد والا كان تصرفت مع الموضوع بشكل ثاني << ما يعرف يمسك نفسه

إقتباس خلهم يعيشون جوهم قبل كم يوم عندي عم مهستر شوي في الاربعين من عمره دقيت عليه قلت وينك قال في هجوله أثر ابو الشباب موديه واحد من اخواني " مراهق" لشارع ...!! الله يستر بس

هههههههههههههههههههههههههههههههههههههههههههههههههه
ههههههههههههههههههههههههههههههههههههههههههههههههههههههههه
والله ياهو منسم وش ذا مسكت على مراهقه عقب ما كبر !!

إقتباس مشكله حقيقة نجدها من البعض هداهم الله ... يروى ان احد الصحابة رأى رجال يشتمون ويضربون رجل فسأل فقالوا انه يشرب الخمر فقال انه اخي ! فقالوا الا تكره ؟ فقال لا .. إنما أكره عمله .. وكما في الحديث الشريف : لاتعينوا الشيطان على اخيكم .. اللهم صلي وسلم على محمد ..

صلى الله وسلم على اشرف الخلق ..!
هنا المشكلة حنا ما نكره اعمال الشخص .. نكره الشخص نفسه بسبب اعماله !!

إقتباس شكرا صدى هذا الموضوع والحضور الجميل ون شاء الله تنفك العقدة وها الموضوع بداية الاقلاع

الله يسمع منك وتنفك العقدة اللي قاهرتني !! ادع لنا وانا اخوك !!

إقتباس تم الثبيت وذلك دعماً للوجوه الصاعدة

ابو مقبل ارجع شيك على تاريخ التسجيل لا يكون تسجيلي عام 2008 ؟؟!!
تراني شايب الله يرحمنا برحمته بس تراني اصغر من شيابنا الاثنين اللي انت خابرهم !!

حياك الله ماجد مقبل ..







هلا والله alhawey ..

إقتباس كفشتك يا عمده، الحين أنت تقول هاك اليوم وبشهادة أبومقبل إنك ما تميل للمواضيع الاجتماعية ! بينما موضوعك هذا طب في حوض المجتمع بل وشرشحه، فهل كيف هذا التناقض؟!

وللآن صامل على كلامي !! اكره ما اشوف المواضيع الاجتماعية !!
بس وش نسوي الواحد اذا بغى يسجل حضور ماله الا طقة هالمواضيع هي اسرع طريقة في دقيقتين حتى اسرع من الاندومي !! وهي من طقة سلق البيض اللي ذكرتها قبل ( خشة تغمز وتضحك ) !!

إقتباس يا أخي قل إنك تكرهن وإني مستهدف بتصريحك السابق! وأبشر بذبيحه مهوب كودو بس وضح لي أين الخلل؟؟

انا اكرهك ؟؟!! ومستهدفك ؟!!
ما عاش والله من يكرهك بس انا بكل صراحه ما اطيقك << يقاله فيه فرق !!

إقتباس ذكرتني بواحد من الشباب ماله بالكورة ورغم كذا يتفلسف ويحلل، مره بعد مباراة السعودية والإمارات في بطولة الخليج اللي انهزمنا فيها قال حسب نظرته الفنية " باكيتا تغييراته دمار " فصرخ بوجه 3 أو 4 من العيال وقالوا بصوت واحد " أصلاً باكتيا ما غير ولا تغيير"

هههههههههههههههههههههههههههههههههههههههههه
هههههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههههههههههه

هذا قسم بالله مهوب بعيد عن خوينا قبل فترة اثنين من العيال يحتسون عن مباراة النصر والاتفاق الاخيرة ..!
طبعاً انا مستمع لاني ما شفت المباراة ولا شي ..! وهو بنفسه يقول انه ما شاف المباراة ولا درى عنها !!
المهم شوي واحد منهم قال ان المباراة اسخف من السخيفه وحتى عواد العنزي كان دمار ( على كلامهم ) !! وينقز خوينا يقول ياخي لا بالعكس المباراة كانت حلوه وحتى لا تظلم عواد العنزي .. نقص النصر سبب ضياع مستوى عواد هههههههههههههههههههههههههههههههههههههههه !!
بالله وش رأيك ؟؟! مهوب العن من خويكم ابو تغيرات هههههههههههههههههههههههه !!

إقتباس بعض الناس تكون شخصيته مهزوزة ويتأثر باللي حوله ويحاول يجاريهم في ميولهم ليكون ظاهراً أمامهم ويثبت وجوده، بينما لو ركز في اهتماماته وميوله لبرزت شخصيته بشكل أكبر ووقتها راح يكسب احترام الآخرين لرأيه وحديثه..

يا سلام عليك .. تختصر موضوع كامل بسطرين !!
هذي هي المشكلة ضعف الشخصية عند البعض يحاول يبرزها بمجاراة الاخرين بكل موضوع يطرحووونه !!
حتى لو كان لا ناقة له فيه ولا جمل !!

إقتباس بالفعل هذا منتشر عندنا بين بعض الشباب المتحمس والمندفع، ولو أنهم ركدوا الرمي وأحسنوا التمعن بسيرة الرسول صلى الله عليه وسلم وصحبه الكرام رضوان الله عليهم لما أساء أحدهم معاملة الكافر فما بالك بمسلم حاد عن الطريق السوي..

هنا المشكلة لو كل شخص تمعن وحط امامه سيرة الرسول صلى الله عليه وسلم .. واصحابه الكرام رضي الله عنهم ..
كان فيه اشياء كثيرة تغيرت من تصرفات اشخاص يشوفون انفسهم انهم اقرب الناس واحسن الناس فهماً للدين وتمسكاً فيه !!
الله يهدينا ويهديهم يارب يا كريم !!

إقتباس أخيراً، يوم قريت عنوان موضوعك على طول تذكرت " رزاق " هما طلال الرشيد يقول إن لاعبهم صديق السفير البينيني

هو دا الكلام هههههههههههههههههههههههههههههه !!
عنوان الموضوع هو خلاصة حلقة خط الستة ذاك اليوم !!

إقتباس اكتفي بهالنقطتين وشكراً بالحيل على طرحك الخفيف والوسيع الصدر والمفيد والهادف في نفس الوقت.

هههههههههههههههههههههههههههههههههههههههههههه
ودي اقول انك صادق بس قووووويه قوووووووووووويه قوووووووووووووووووووووويه !!

إقتباس قدم الغشيم وإلحقه والخيل الأصيل تلحق تالي، هذي كلها خرابيط شياب الغشيم وطار بالذهب وخيلكم تكرفس وانكسر حوضه

اي ذهب يا ابو ذهب ؟؟!!
طرنا بالذهب والفضة وتركنا لكم الحسرة والقهر !!


حياك الله alhawey ..








هلا والله رنـــــد ..

إقتباس حجز حجز حجز

على طاري الحجز هذا رقم الخطوط السعودية للحجز 920022222

إقتباس خخخ ياكثرهم هالأشكال عندنا اعرف وحده كبيره بالسن كان فيه مسابقه من احسن طبخه بالعايله وكانو يناقشون ويقولون ام محمد احسن نطت و قالت لاا من قال انا اشوف ان ام عبد الله احسن قالو لها انتي اصلن كنتي عندنا يوم كان الدور عليها قالت لا بس انا احس ان ام عبد الله احسن من ام محمد تناقش ومتحمسه وهي اصلن ماذاقت اي طبخه من الثنتين يازين من شاتها لبيتهم

هههههههههههههههههههههههههههههههههههههههههههه
اجل تحس هههههههههههههههههههههههههههههههههههههههههههههه !!
مهوب هالاحساس هو اللي مودينا بدااااهيه ههههههههههههههههههههههههه !!

إقتباس مشكووره اخووي ع هالموضوع الرائع

وشلون مشكووره اخووي ؟؟!!
بالله اشرحي لي وشلون تجي مشكووره وعقبها اخووي ؟!! هههههههههههههههههههههه !!
دنا تهزأت يا رجااااله (( خشة سعيد صالح وهو يقولها ) خخخخخخخخخخخخخخخخخخخخخ !!


حياتس الله رنـــــد ..







هلا والله كان هنا ..

إقتباس ولو .. لازم نعطي الخباز خبزه .. لان لو ماعطيته بتصير تاكل عجين .. وش احسن تشم ريحة خبز .. ولا تاكل عجين ؟

لو كان خباز صدزي قلت لك ميخالف .. بس المشكلة انه مسوي نفسه خباز والا هو سباك !!
اكل عجين من يد خباز صدزي ولا اكل خبز من يدين سباك هنا الفرق !!

إقتباس المشكلة يشطح ، وتحجر له .. ويشطح ، وتحجر له .. والله المستعان ^.& ..

هذا اللي يبط تسبدي .. انك تحجره وكل شي ومع كذا ولا تسنه سمعك يبتل يشطح ويحتسي !!

إقتباس ماجد وين معه وجيه صاعدة .. الرجال رجل بالقبر .. والرجل الثانية بالقبر بعد وتقول وجوه صاعدة تباً للواسطة .. تباً للممسك

جرب نار الغيرة ههههههههههههههههههههههه !!



حياك الله كان هنا ..








هلا والله السمسار الهلالــي ..

إقتباس من قال لا أعلم فقد أفتى

المشكلة يقولك لا أعلم ويرجع عقبها بشوي يفتي ويصكك بفتوووة جديدة وحاااره !!

إقتباس واللي يتكلم في كل شي ومسسسوي فاهم يسمى ( مغفل ) <-- اروح وطي على هالكلمة

مغفل ونص !!


حياك الله السمسار الهلالــي ..







هلا والله مواصل من عام 1413هـ ..

إقتباس المشرفين يا يسبحون على كل المواضيع أو يثبتون كل المواضيع <--- إنذار من المشرفين + حقد من صدى الأمس

اما يسبحووون ههههههههههههههههههههه !!
تخيلت شكل ابو مقبل وهو طاق الشورت ويطب محيفره على الموضوع !!
اما احقد عليك ؟؟!! وش دعوه ترى والله ما طقيت لك خبر ههههههههههههههههه !!

إقتباس أول ما قريت الموضوع قلت أكيد إنه يحتسي عن ( رزاق لاعب النصر ) موضوعك مثل كلام ( طلال الرشيد ببرنامج خط السته ) سألوه وين سافر رزاق قال بالحج وتراه صديق السفير وموضوعك مثل إجابه طلال الرشيد ( العنوان ماله دخل بالسالفه )

يا سلام عليك يا مواصل .. هنا مكمن ابداااع الكاتب !!
انه يختار عنوان ويكتب موضوع ماله دخل بعنوان الموضوع ههههههههههه !!
منها يكشف اللي يجيك مدرعم ويرد وهو ما قرأ الموضوع !!

إقتباس ذكرتني بكثيرين الهرج هذا واحد الله يسلمك ملقب بـ ( فقشه ) ما شاء الله عليه يعرف كل شئ ، ويحتسي بكل شئ ، واللي يصير لك قد صار له يمكن لو تقول اليوم وأنا أتغدى طاحت مني الملعقه ، يقولك حتى أنا

ههههههههههههههههههههههههههههههههههههههههههه !1
هذا اللي من جد ودك تعرف وش يحس فيه !!

إقتباس وخلاصه الفواصل اللي بعدها أختصر بجمله وحده علشان ما أغثك خلك وسط

غث يا بعد الردود اللي تغث الناس فيها !!

إقتباس قريت الردود لقيت الهاوي مجيب على التساؤل بس مشوار أعدل بردي دمت بود

ابوووووووووووك يالكسل


حياك الله مواصل من عام 1413هـ ..



لي عودة ان شاء الله ..