نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

عريب عبدالله · #15 23/12/2008, 05:03 PM

يعطيك العافية أخوي عبدالله

بالنسبة لي مريت بتجربة مشابهه لشعورك

فإحساسك بالمفاجأة طبيعي لأنك ككل شخص تحمل هم هداية الناس للحق

أنا مرة كان عندنا خدامة مسيحية وعاد أنا ملقوفة شوي أيام الثانوي

وكنت ناشبة لها أجيب لها كتب عن الإسلام وأطلب منها تسألني في اللي ما تفهمه

عشان اشوف هي قرته والا لاء

المهم كان يدور بيني وبينها نقاشات حول ديانتها هي كانت كاثوليكية وكنت أعرف عن دينهم أكثر مما تعرف

ودايم اتفلسف عليها وأناقشها بأدلتهم واللخبطة اللي عندهم بالإنجيل والتناقظ

وأوريها أن القرآن مافيه تناقظ وكانت تشتكي من الأرق وعطيتها شريط قرآن تشغله قبل لاتنام

طبعا الكلام هذا كله وهي مسيحيه ولا عمري طلبت منها تسلم

لأني أبيها تسلم عن قناعة مش عشاني

الين جا يوم من الأيام وكنت مريضة وما قمت من الفراش ثلاثة ايام

وكانت كل يوم تجي تشوفني وتبي تتكلم وماقدرت

يوم شافتني طولت ما طبت

قالت أنا يبي كلم أنتي

وقالت أنها تبي تصلي وتسلم عاد آثار أدوية الأنفلونزا مأثرة على مخي

جتني روعة ما كنت مفكرة أنها تبي تسلم أبد أنا كنت أتسلى ذيك الأيام وما كنت جادة

قلت لها أنا مسلمة من زمان ما ادري وشلون الناس يسلمون الحين

المهم وأنزل لأهلي وأقول لهم يمة شغالتكم وهقتني تبي تسلم وش اسوي بها

عاد جلسو شوي يضحكون علي وودونا لمكتب الجاليات يعلمونها الإسلام لاتهون عقب كلامي

اللي أبي أوصلة وأتكلم عن خبرة

بما أنهم عندهم رغبة في الإطلاع على الإسلام أعرض عليهم اشياء جيده في الإسلام

وراح تلاقي في المكتبات كتب تقارن بين المسيحية والإسلام وأعرضها عليهم يقرونها

بالنسبة لمس المصحف أعتقد أنه بإمكانك توضح أنه عندنا في الإسلام اللي يجي يمسك القرآن لازم يكون طاهر

ووضح لهم كيفية الوضوء والحكمة منه وفيه كلام حلو عليه أن الوضوء يطفئ الغضب

لأن الماء مصدر للطاقة ويهدي الأعصاب بس لاتطلب منهم أنهم ما عاد يلمسونة أنت وضح
بس رأي الدين الإسلامي كرأي

وتفلسف عليهم شوي أنك لمن تتوضاء قبل تقراء قرآن يكون ذهنك متفتح لأستقبال مافيه من حكم ومعاني

بالعكس أنا أشوف إهتمامهم في المصحف أمر إيجابي ويساعدك كثير على إقناعهم

بس أهم شي لاتطلب منهم الإسلام بشكل مباشر لكن تدرج معهم

وإذا ماعندك خلفية كبيرة عن الدين الإسلامي والمسيحي بإمكانك تكلم أحد المكاتب الإسلامية هناك وهم يناقشونها

وتقدر تقول لها أن مثل هالنقاشات ممتعه لو تكلمت فيها مع شخص يفهم بهالأمور وإن شاء الله تكون سبب لإسلامهم

لأن عادة مثل هالأشخاص يسألون أسئلة دقيقة شوي عن جمع المصحف وترتيبة وما الى ذلك

فأنها تعرف إسلام أهل السنة أفضل من الإطلاع على مذهب آخر يمنعها من الإسلام

بالحب والإشراق