| بالنسبه لي بقولها بصراحه
انا من الرياض
امتناعي عن الحضور للأسباب التاليه :
1- وجود عينه من الجمهور اللي تحوم التسبد واللي يجلسون يستخفون دمهم ويحاولون لفت الانتباه .. هالشي بالنسبه لي شي ينرفز
2- الفرق الشاسع بين المتعه من ناحية متابعة المباراة عبر التلفزيون والحضور بالتلفزيون فيه فرق كبير وطبعا افضل
3- رحت الملعب لمباراة الهلال والحزم ... كنت صاف سرا عشان اشتري التذكره .. وبصراحه قهرني التنظيم .. العالم صافين سرا ومحترمين انفسهم ويجون ناس عند الشباك يوصون القريبين يشترون لهم .. قفلت الاخلاق ورحت ركبت السياره واتجهت للبيت
احب اضيف ان الجمهور الهلالي بالمناطق الاخرى غير الرياض .. احرج جمهور الهلال بالرياض .. لكن بنفس الوقت جمهور الرياض صار عنده شوي تشيع من حضور المباريات ماعدا الحاسمه والجماهيريه | 