|
الموضوع الشامل لمشاكل الافلام وحلولها
بسم الله الرحمن الرحيم لاحظت في الفترة الأخيرة كثرة الاستفسارات عن مشاكل الأفلام من تحميل وترجمة وتحويل .. الخ ، فـ حبيت أسوي موضوع شامل لطريقة تحميل الأفلام وترجمتها ونسخها على ديفيدي مدعوم بالبرامج اللازمة والصور اللي تسهل على الأعضاء فهم الخطوات..
فأتمنى انه هالموضوع يكون فيه جواب لكل الاستفسارات .. ويصير موضوع طلبات الأفلام يتفرغ لطلبات روابط الأفلام والمسلسلات والترجمات فقط .. وهذا الموضوع خاص بالمشاكل ..
<><><><><><><><><><>
التورنت
فيه عدة طرق لتحميل الأفلام .. لكن هنا بتكلم عن أفضلهم وهي التورنت .. بالمرفق برنامج Utorrent .. الإصدار 1.6 أو بمسمى ثاني 1600 .. موقع البرنامج الرئيسي http://www.utorrent.com/download.php
وسبب اختياري لهالبرنامج انه صغير مرة وسهل .. وما يحتاج تنصيب بمجرد ما تحفظه عندك وتسوي كلك يشتغل .. والمهم فيه انه ما يستهلك كمية كبيرة من الذاكرة أثناء تشغيله بعكس البرامج الثانية .. والأهم انه مدعوم من أغلب مواقع التورنت المجانية والخاصة .
إعدادات البرنامج :-
راح أذكر الأشياء اللي تهم فقط بدون شرح لكل خصائص البرنامج ..
1. زر الخيارات واللي تدخل فيه على جميع خصائص البرنامج .
2. هذا زر يخص التحكم في خيارات ملف الداون لود من مكان تحميل مؤقت ودائم .. الخ .
3. وانت تسوي داون لود للفيلم يكون هذا مكانه (المؤقت) لين يخص التحميل (حط صح على المربع واختار المجلد اللي تبيه) .
4. مجلد تخزين الفيلم بعد ما يخلص داون لود (حط صح عليه واختار مجلد .. أنا مخلي المجلد في نقطة 3 و 4 نفسه ويفضل يكون حجمه كبير) .
1. هذا الخيار خصائص الاتصال (Connection) .. أرعص عليه .. تطلع لك الخيارات اللي على اليمين مثل الصورة .
2. هذا البورت حق البرنامج .. وهو أفضل بورت جربته إلى الآن في برنامج اليوتورنت .
3. حط صح على هذا الخيار مثل الصورة وهو تفعيل خاصية الـ UPnP .
4. حط صح على هذا الخيار أيضاً مثل الصورة وهو عمل استثناء للبرنامج من الفايروول وهذه الخاصية موجودة في الوندوز الـ XP سيرفس باك 2 بس .
5. هذا البروكسي حق البرنامج .. يفضل انه يكون مثل الصورة (None) .. بالإمكان تحط بروكسي مزود الخدمة حقك لكن بدونه أفضل .
6. هذه سرعة الأبلود للملف .. وتعتمد في الأساس على سرعة خط الـ DSL حقك .. وكل ما نقصته سرعة الداون لود تقل .. طبعا كل سرعة خط لها حد معين للأبلود . بس في السعودية ما تفرق بسبب إنه مزود الخدمة ما يعطي أبلود أكثر من 32كيلوبايت/ثانية لخط DSL بسرعة 1 ميغا .. فـ بشكل عام خلي هالخانة بأعلى رقم لأي سرعة خط .. يعني 30 أو 32 .
7. هذه سرعة الداون لود خليها على 1024 .
1. هذه الشاشة ماهي بذيك الأهمية .. لكن لا بد أذكرها للناس اللي يسوون داونلود لأوقات متواصلة مثل حالاتي .- الخيار هذا يحدد لك عدد الملفات اللي تسوي لها داونلود في نفس الوقت .. خليها مثل الصورة على الرقم (1) .
- هذا الخيار يحدد لك كم مجموع الملفات اللي تبي تسوي لها داون لود .
والمقصود بالنقطة (2) و (3) .. أنا مثلا عندي 10 أفلام ودي أسوي لها داون لود .. لكن طبعا في هالعشر أفلام ما راح أكون طول الوقت جنب الجهاز .. في هذه الحالة .. في المربع المذكور في نقطة (3) .. احط الرقم (10) .. وفي المربع المذكور في نقطة (2) أحط أفضل شي رقم (1) .. وأظلل العشر ملفات وأضغط زر التشغيل في البرنامج أو زر (Play) .. فيبدأ يسوي داون لود لأول ملف .. إذا خلص منه .. أوتوماتيكياً يروح للملف الثاني .. وبعدها للثالث لين تخلص العشر ملفات .. بدون أي تدخل مني .. مع العلم في حالة انه واحد من الملفات سرعة الداون لود واقفة .. أو صارت فيه أي مشكلة وما عاد يسوي داون لود .. فيروح بلحاله للملف اللي بعده في الترتيب .. وإذا الملف اللي قبله زادت سرعة الداون لود يرجع يكمله .
صورة (4) ..
في هالصورة راح أوضح طريقة إضافة ملف التورنت للبرنامج .
1. إذا ضغطت على هذا الزر يطلع لك المربع عشان تختار ملف التورنت اللي تبي تسويله داون لود .
2. تختار ملف التورنت المطلوب .. مثل اللي في الصورة كمثال .
صورة (5) ..
بعد ما تختار الملف حسب الصورة الرابعة يطلع لك هالمربع .. طبعا استخدامي للخيارات مثل ماهو موضح بالصورة لكن بشرح لكم مهام هالخيارات ..
1. مكان حفظ الملف .. واللي سبق واخترته في الصورة رقم واحد النقطة (3) .
2. هذا المربع مهمته يبحث لك عن ملفات الفيلم اللي تبي تنزله (إن وجد على الجهاز) .. بمعنى انك نزلت ملف تورنت لفيلم مثلاً .. بعدين وقفته أو حذفته .. ونزلت ملف تورنت ثاني للنفس الفيلم .. لو كنت حاط صح بالمربع أول ما تقوله تشغل الملف .. راح يبحث لك عن الملفات اللي سبق ونزلتها ويكمل من محل ما وقف الملف القديم (أنا دائما وأبداً شايل الصح منه لأنه أول ما أشغل البرنامج يخليه بطئ) .
3. هذا المربع إذا كان عليه صح .. بمجرد ما تضيف ملف تورنت يبدأ يسوي داون لود للملف .. إذا شايل الصح .. ما راح يبدأ داون لود إلا لما تضغط على زر Play من البرنامج .
4. هذه أهمية الملف في التحميل لو حطيت صح تصير درجة أهميته عالية .. يقولون يزود السرعة .. لكن ما أشوف إن هالشي صحيح .
5. المستطيل هذا .. داخله ملفات الفيلم مجزأة ببرنامج Winrar مع كم ملف صغير .. ممكن يكون معهم ملفات ترجمة .. وأغلب المرات يكون معهم Sample اللي هو مقطع للفيلم في حالة ودك تشوف النقاوة قبل لا تنزله ومرات يكون ملف الفيلم كامل ماهو مجزأ .
فيه شي مهم بالنسبة للنقطة (5) .. كثير يضغطون ok بدون ما يشوفون الملفات .. ومهم هنا انك تشوف الملفات لأنه أحيانا يكون امتداد الملفات BIN وهذه الصيغة متعبة وشغلتها شغله .. عشان كذا من هنا تقدر تشيك .. والأفضل يكون الامتداد AVI أو RMVB .. أو يكون مجزأ بالـ Winrar في هالحالة لازم تقرا المعلومات احتمال يكون مجزأ بس لصيغة ثانية .. لكن عادة لا جا مجزأ يكون AVI .
صورة (6) ..
في الصورة هذه راح أبين الأشياء المهمة اللي لازم تعرفها عن الملف خلال عملية الداون لود ..
1. هذا زر التشغيل (Play) إذا غطته يبدأ البرنامج يسوي داون لود للملف .
2. زر Pause أو الإيقاف المؤقت لعملية الداون لود .. إذا ضغطته مرة ثانية يكمل داون لود .
3. زر STOP لإيقاف الداون لود نهائياً .. ولإعادة تحميل الملف مرة ثانية تضغط على Play .
4. الأيقونة أو المربع هذا يعلمك بحالة الملف .. وله عدة حالات .. كل حالة بلون ومعنى معين .. وهي كما يلي :-
- (صورةicdown.JPG).. يعني الملف جالس يسوي داون لود بشكل صحيح (في هالحالة انت تسمى PEER) .
- (صورة icup.JPG).. فهذا يعني انت خلصت تحميل الملف .. وجالس تسوي له أبلود (في هالحالة انت تسمى SEED) .
- (صورة icwaitdwn.JPG) .. يعني الملف في انتظار تحميله بعد ما يخلص اللي قبله في القائمة .. وهذه الحالة تجي إذا طبقت اللي في الصورة رقم (3) فوق .. تكون بتسوي داون لود لأكثر من ملف بس مفعّل فيلم واحد كل مرة .
- (صورةicwaitdup.JPG) .. نفس الكلام السابق لكن في انتظار عمل أبلود .
- (صورة icstop.JPG).. فهذا يعني الملف متوقف نهائياً .. لا داون لود ولا أبلود ولا شي .
- (icfinish.JPG) هذا يعني إن الملف تم تحميله كامل .. وطبعا إذا وصل لهالحالة ونقلت الفيلم وما ودك تسوي أبلود بإمكانك تحذف الملف .
إذا كان لون المربع أحمر والسهم يأشر على فوق أو تحت .. يعني الملف فيه مشكلة .. ممكن تكون من البورت .. وممكن تكون من التراكر (موجود شرح له بالأسفل) .. وممكن تكون ما سويت استثناء للبرنامج في الفايروول .. بشكل عام لا جا المربع بهاللون الملف يكون واقف ما يسوي داون لود .. لكن في حالات تكون المشكلة بسيطة من نفس التراكر .. فـ عادي داون لود طبيعي بدون مشاكل (وطبعا لا زلت تعتبر PEER)
5. هذه الخانة تبين اسم الملف اللي جالس تسويه له داون لود .
6. هذه الخانة تبين لك ترتيب الفيلم في عملية الداون لود .. وبإمكانك تغيير الترتيب لفوق أو تحت من السهمين الزرقا (صورة icon.JPG).. وطبعا الترتيب مهم إذا كنت مسوي الخيار حسب الصورة رقم (3) .
7. هنا يبين لك حجم الملف اللي جالس تسويه له داون لود .
8. نسبة ما تم تحميله من الملف .
9. حالة الملف .. جالس تسويه له داون لود .. ولا أبلود .. ولا متوقف .
10. هذا SEED .. ومعنى هالكلمة .. الأشخاص اللي خلصوا من تحميل الملف وجالسين يساعدون العالم ياخذون منهم .. وفي العادة .. كل ما كان الـ SEED كثير .. كل ما كانت سرعة الداون لود أكبر .. الرقم اللي بين القوسين هو مجموع الأشخاص اللي حملوا الملف فعلياً .. واللي على يساره .. الأشخاص المتواجدين أو الأون لاين منهم وقت ما انت تحمل .. يعني دايما اللي داخل القوس يكون نفس اللي يساره أو أكثر منه .
11. هذا الـ PEERS وهم الأشخاص اللي جالسين يحملوا الملف وفي نفس الوقت يسوون أبلود .. ونفس الكلام اللي في النقطة (10) بالنسبة للرقم اللي داخل القوس وخارجه .. وكل ما كثروا كل ما قلت السرعة .. والملف بشكل عام كل ما كان السيد أكثر من البير يكون الداون لود أسرع وهالشي ما يتوفر بشكل دائم .. إلا في مواقع التورنت الخاصة .. اللي بيجي ذكر لمميزاتها .
12. هذه الخانة تخص سرعة الداون لود للملف .. والسرعات الطبيعية بالنسبة لخطوط الدي اس ال في السعودية كذا :-
- خط DSL بسرعة 128 كيلو بايت/ثانية .. السرعة الكاملة 16 كيلوبايت/ثانية .
- خط DSL بسرعة 256 كيلو بايت/ثانية.. السرعة الكاملة 32 كيلوبايت/ثانية .
- خط DSL بسرعة 512 كيلو بايت/ثانية.. السرعة الكاملة 64 كيلوبايت/ثانية .
- خط DSL بسرعة 1 ميغابايت /ثانية .. السرعة الكاملة 128 كيلوبايت/ثانية .
طبعا السرعات أعلاه .. عادة ما تكون أقل وهذا طبيعي نظراً لحالة النت المتردية في السعودية .. وفي حالات نادرة تزيد قليل .
13. هذه الخانة تخص سرعة الأبلود اللي جالس تسويها للملف .
14. هذه الخانة ETA تعلمك كم باقي للملف ويخلص سواء بالثواني أو الدقايق أو الساعات أو الأيام ..الخ .
15. مجموع الأبلود اللي سويته للملف .
16. معدل الريشيو للملف .. وهذه الخانة تفيدك لما تكون مشترك في موقع خاص وودك ترفع نفس حجم الملف اللي تنزله .. يعني لو صار الرقم في هالخانة (0.5) يعني سويت أبلود لنص حجم الملف اللي جالس تحمله .. لو كان الرقم (1) يعني رفعت نفس حجم الملف وهكذا .
17. هذه الخانة تخص معلومات الملف اللي جالس تسوي له داون لود .. نفس المعلومات اللي شرحتها في النقاط فوق لكن بشكل مفصل .. وفيها يبان اسم التراكر ووضعه إذا كان شغال ولا لأ .
18. هذه الخانة تبين لك معلومات تفصيلية عن الـ SEED والـ PEER اللي داخلين .. مثلاً الدولة حقتهم .. ووش البرامج اللي يستخدمونها .. وكم السرعة لكل واحد منهم اللي جالس تسحبها منه .. وكم الأبلود اللي جالس تعطيهم هو .. وكم مجموع ما حملته ورفعته من كل شخص منهم ..
بالنسبة للخانات الباقية مو مهمة مرة .. وحدة توريك أجزاء الملف وهي تتحمل ووحدة توريك سرعتك في الداون لود .
المقصود بالتراكرات هو عنوان URL أو بالعربي الموقع اللي موجود فيه الملف اللي جالس تسوي له داون لود (طبعا الموقع ما تقدر تتصفحه .. هو مجرد عنوان) .. والتراكر هو أهم شي بالنسبة لسرعة تحميل الملف .. وهو أهم من السيد والبير .. (بيجي واحد ينقز يقول لا الـSEED أهم .. لأنه لو ما كان فيه سيد ما راح يكون فيه داون لود .. أجيه انا أطبطب عليه وألعب في خشمه واقوله كلامك صحيح .. بس دا كن زمان .. الحين فيه خاصية اسمها DHT لها لمبة لونها أخضر في أسفل شريط معلومات البرنامج وهذه وظيفتها لو كان عدد الـ SEED صفر يخليك تكمل داون لود من نفس التراكر لكن طبعا بسرعة أقل) وحسب ما سمعت انه أفضل برنامج في تفعيل هالخاصية هو الـ BIT SPRITE .. بالنسبة لي صراحة ما قد جربت اسوي داون لود لبرنامج مافيه سيد أبد .. فما أدري عن هالخاصية في برنامج UTORRENT ..
في المواقع المجانية يكون الملف الواحد له أكثر من تراكر ومهما كان عدد السيد والبيرز لو بالألوف .. مو شرط يكون الداون لود سريع .. بعكس مواقع التورنت الخاصة .. سبق وسويت داون لود لفيلم كامل كان عدد الـ SEED (1) وكان السرعة مجنونة تقريباً 35 كيلو بايت /ثانية .. هذا من شخص واحد .. والسبب ان التراكر حقه خاص وقوي .
إلى هنا خلصنا شرح البرنامج وخصائصه
&&&&&&&&&&&&&&&&&&&&&&&&&&&
بررررب  | 