| موب عشان الفريق محتاج صانع لعب نروح نجيب لنا واحد شبه منتهي!
أبو تريكة شايب، والحراس ما يمشي عليهم اللي يمشي على بقية اللعيبة، واللي تابع البطولة الإفريقية اللي فازت فيها مصر أو أبطال إفريقيا أو كأس العالم للأندية يحصل أن أبو تريكة ما راح يقدر يقدم أكثر من اللي قدمه في السابق.
وفوق هذا أسلوب الدوري السعودي مختلف عن اللي متعود عليه أبو تريكة، وحتى أكثر الأهلاوية المتعصبين بيقول لك أن أبو تريكة لاعب مساحات، هذا يخليك تسأل: وش اللي خلا التايب يبدع عندنا وياخذ راحته؟
وغير كذا، إنجازات النادي لا تجيرها لصالح أبو تريكة، من يوم ما انبنت الاهرامات والأهلي يفوز!
في مصر ما عندك إلا الأهلي والزمالك، ومرة كل قرن الإسماعيلي!
بينما في الدوري السعودي عندك قرابة الأربع فرق المنافسة بينها شديدة، وفوق هذا حتى فرق المؤخرة لا يستهان بها (بالضبط مثل ما هو صاير في الدوري الإنجليزي)، مو الترسانة والبترول وحرس الحدود وغزل المحلة!
هالكلام ما يعني أني ما أبي لعيبة، بالعكس نحن في أمس الحاجة لهم، لكن ترانا ما وصلنا لهالدرجة من اليأس عشان نقول: جيبوا عجب! جيبوا أبو تريكة! | 