| أنا مع الأخ هلالي من أرض اليمن في كلاموو
إنو ما نخلي اللي بيعملوه البنات مبرر لملاحقة الشباب لهم
صح إنو من الأسباب لكن أبدا ما يبرر فعلهم
أما بالنسبة لموضوعك
فمن جد الله المستعان على اللي بنشووفوو من لبس الفتيات أنا مارح أسميه عبايه أو حجاب لأنو أبعد ما يكوون عن هذا المسمى
لكن الناس أخذو الحجاب عادة ونسيو إنها عبادة ربي أمرنا بيها
غير كدا الأهل لهم دوور كبير في دا الشي
يعني بذكر لك موقف سار قدام عيني
في وحدة من البنات في جامعتنا عبايتها ملفتة جدا
لدرجة إن كل البنات بيتكلمو عن عبايتها
وموظفات الأمن كلموها كتير عليها
بس ما كانت تستجيب
فأخذو بطاقتها وأعطو بطاقتها لأمي وقالولها روحي راجعي رئيسة لجنة التوجيه
فلما جات جلست أمي تتكلم معاها وتنصحها
فقالت البنت أنا لما قلت لأهلي إنكم أخذتو بطاقتي عشان العباية
قامو قالوالي يابنتي إحنا راضيين عليكي
الجامعة مالها صلاح إنتي بتلبسيها لما بدك تخرجي
فإذا كان الأهل كدا شي طبيعي رح نشووف بنات زي كدا كتيييير
وأحيان حتى لو كان الأهل خيريين بس ممكن البنت تكون متأثرة بصاحباتها وتكوون قويه مايقدروو أهلها يسيطروو عليها أو يمنعوها
أنا أشوف أهم شي نفس البنت تكوون إما قويه ومتمسكة بحجابها أو إنها ضعيفة تمشي ورا أي شي
وللأسف البنات اللي يلبسو دي الحاجات يحسبوو انهم رح يكونو محط أنظار الشباب والرجال
ومايدروو كم من شاب ورجل يدعي عليهم
وفي مثال تاني
وحدة من صاحباتي تزوجت قريب وهيا بتسافر شهر العسل
زوجها قلها البسي عباية على الكتف أسهل لك ومدري كيف (ماقلها ملونة أو مطرزة ) والبنت أهلها عايديين وحتى هيا
ردت عليه قالت لو أنا بس أتخيل نفسي بعباية على الكتف أحس إني مارح أقدر أمشي فيها أنا ما رح ألبس إلا عباية على الراس
الله يهدي فتيات المسلمين وشبابهم أيضا
ويبعد الجميع عن الفتن  | 