شكل الأدوية لاعبة فيك لين قلت بس 
الله يستر عليك و الله شف " باتو " الكل شافه مع انترناسيونال قبل ما ينتقل للميلان كيف كان مدهر معه
و سوى عجايب في الدوري البرازيلي و بطولة الليبرتادوريس الأمريكية الجنوبية كان لاعب
غير طبيعي صراحة و تابعت مباراة برشلونة و انترناسيونال في بطولة كأس العالم و كان " باتو "
نجم النجوم في البطولة يعني حذف " بويول " من قاموس برشلونة بفنياته و مراوغاته
مشكلة " باتو " حاليا إنه ي الدوري الإيطالي الصعب جدا على لاعب مثل نوعية " باتو " اللي
تبحث عن مناطق مفتوحة في الدفاع يعني هو تقريبا اسلوب لعبه مشابه لأسلوب لعب " روبينيو "
اللي يعتمد على مهاراته في التخلص من اللاعبين لكن الدوري الإيطالي معروف مدافعينه يجيك
أكثر من مدافعين على مهاجم واحد اذا استلم الكرة و المهاجم لازم يكون له خبرته و تجربته
و معرفته الدقيقة بالتكتيك الإيطالي اللي يعتمد على قوة الدفاع أولا يعني " باتو " يبيله وقت حتى
ينسجم مع طريقة لعب الكالتشيو و ياخذ الثقة الكبيرة في نفسه و تراه توه صغير يعني ما وصل
لعشرين سنة , إضافة بعد إن بنية " باتو " الجسمانية هزيلة بالمرة و أي احتكاك معه ما راح
يكون في صالحه , لكني ما تفق مع " بو سعود " إن " باتو " يسير بنفس اتجاه " جيلا " لأن اللاعبين
لا يقبلون المقارنة " جيلا " أخذ وقته مع ميلان و له ظروفه مع الفريق لكن " باتو "
جديد على الميلان يعني ما كمل سنتين إلى الآن , و أنا أتفق مع اللي يقول إن " باتو "
لحد الآن ما قدم ما يليق به كلاعب قدم للميلان بأكثر من 25 مليون € , و أنا واثق أن " باتو "
بيتطور كثير في المستقبل و الميلان لا يفرط فيه مهما كان السبب 
ورده
ღ دمتم بــــــ خ ــــــير ღ
