السلام عليكم .. صباح الخير .. مبروك الفوز ياشباب .. نتمنى تدوم هالإنتصارات .. ومن فوز لفوز يارب .. وفرحتنا ماتوقف يارب ..
صراحة مباراة لم ترتقي للطموح .. والسبب الطريقة اللي لعب فيها الريال أمس .. الريال لعب بطريقة اللي تكسبوا إلعبوا لكن مانجح فيها .. أول 25 دقيقة من المباراة افتقدت فالديز نهائيا إلى ان أتت هجمة درينثي ..
الريال أمس إعتمد على تقفيل المنطقه + الخشونه المتعمده والمتكرره ضد ميسي في مكان واحد وهو المفصل + عدم تلقي أي هدف مبكر لزيادة الضغط على برشلونه .. وأعتقد إنهم نجحوا بهالشي لغاية الربع الأخير من المباراة ..
برشلونه بدأ بدايه قويه .. سيطر على كل شي .. إستحوذ على الكره والملعب وتحكم في إيقاع المباراة .. لكن تكتل الريال والخشونه حال دون تسجيل أي هدف يذكر .. مما زاد الضغط والعبء على لاعبي البرسا وطلعوا من جو المباراة شوي .. ووضح عليهم الإستعجال والتشتت بعض الشي بسبب الضغط النفسي عليهم ..
أبرز إشكاليه واجهة البرسا هو التأخر في تسجيل الهدف .. الإنسان مايعلم الغيب .. لكن في تصوري لو أتى الهدف مبكرا لرأينا أداء أفضل وأمتع ومهرجان أهداف أكثر ..
الريال كان واضح انه مستسلم من بداية المباراة .. وكان يريد الخروج بأقل الخسائر .. والدليل الطريقه اللي لعب فيها .. لو حاول الريال أو فكر مجرد تفكير انه يجاري البرسا باللعب كان خرج نتيجه كبيره جدا .. والدليل الهدف الثاني .. كانوا أغلب لاعبي الريال متقدمين يحاولوا تعديل النتيجه ..
حقيقة أستغرب منهم التقليل من إنتصار البرسا والفرح بخروجهم بأقل الخسائر وكأنهم منتصرين .. هل البرسا واجه خيخون أو الميريا ..؟!! .. أو أحد الأنديه الصغيره ..؟!!
البرسا واجه الريال !! .. أحد أقوى وأكبر أندية العالم و أوروبا ..!!
من حقنا أن نفرح بالفوز على الريال لإنه نادي كبير مهما كانت الظروف اللي يمر فيها .. وهذا حق مشروع لنا كما هو الحال بالنسبه لكم ..
عجبي لمن وصف فرحتنا بالفوز على الريال بإنها بطوله !! .. ألم تفرحوا وتتغنوا بإنتصاراتكم السابقه على البرسا ؟!! .. هل وصفناها بإنها بطوله بالنسبه لكم ؟! .. هل إختلقنا الأعذار مثلكم ..
هل قللنا من إنتصاركم .. هل تعذرنا بالإصابات وسوء أداء البرسا .. وأنها هي السبب في إنتصاركم ..؟؟!! في النهايه هي كرة قدم .. وكرة القدم رياضه .. والرياضه تنافس شريف وأخلاق ..
مبروك لكل عشاق البرسا
.. وهارد لك لعشاق الريال .. 