السلام عليكم .. صبحّكم الله بالخير .
بتكلم عن المتش بإيجاز وبنظرة بعيدة عن الامور الفنية شوي .
البرسا مايكفيه الفوز " يبون 5 ".. الريال مو مطالب بالفوز ولا المستوى .
البرسا يهمه يرد الدين ويلعب تحت الضغط .. الريال لاهو مطالب بشيء وظروفه استثنائية لذا ماعليه ضغط .
الفوز 1/0 شي عادي ويُعتبر غير مرضي للبرسا .. الهزيمة 0/1 للريال شي متوقع ولافيه أي مشكلة .
كل الظروف مع البرسا .. كل الظروف ضد الريال " منها الحكم < زبّن العذر " .
المباراة بملعب البرسا وبين جمهوره .. الريال برا أرضه ويلعب بين 100 ألف " قوطي "
البرسا كامل ومكمّل .. الريال كله نقص وإيقافات .
النقاط بتريح البرسا بالدوري وبتحسم اللقب .. الريال بحكم اللي مسلم بضياع الليقا
لهم موسمين مافازوا علينا .. لنا 3 مواسم يانتعادل يانفوز على ملعبهم .
استقرار وثبات وتألق مستويات لهم .. تدهور وتغيير واصابات وسوء مستويات لنا .
حقد طبقي إقليمي وجماهيري كبييير منذ الازل هذي نظرة اقليمهم كلها لـ مدريد ..
نلتفت عليهم بطرف عين ونقول " يا الله لك الحمد بس " لأن الموضوع تافه .
الضغط " جمهور واعلام " + المستوى مع نتيجة كبيرة + حالة الخصم قبل المتش .. كلها ضد البرسا " نفسياً "
لاضغط ولامستوى ولانتيجة " مطالبين بها " وحالة خصمنا " توب " .. كل هالاشياء معنا " نفسياً " .

ببساطة هذا الكلاسيكو .. بوقت ماتكون أنت في التوب الصحافة الموالية تتعبك وتبي منك نتيجة مع مستوى " واااو " .
وإذا كنت بمستوى زفت واحوالك صعبة .. توقف معك صحافتك وجمهورك مايطالبك بشيء كبير وتلعب وانت متحرر من الضغط .
وذكرت شيء ترا ماعندهم لاعبين يلعبون بالواسطة .. وحنا عندنا عاهات احتياط واساسيين بالواسطة .
دقيقة ابضحك قبل ما اكمل " هههههههههههههههههههههههههههههههههههههههههههههههههه "
مهوب هنا الغريب .. الغريب الواسطات حقينّا كلهم مايتفلتون إلا ضد " البرسا " ..
راؤول معروف ضد البرسا مسجل 14 الظاهر ومثله قوتي مايروقون إلا ضدهم وبملعبهم خاصة .
بس الأعظم وش ؟ إن سلقلق ماقد انهزم بالنو كامب إلا مرة وحدة .. وش أكثر من كذا يخليني أتفائل .
والله مالكم حق .. دام هذولا زلايبنا وهذا سجلهم ضد البرسا .. ليش خايفين ؟

عشان كذا انا متفائل

ياعيال مايصير كذا .. هايطوا .. تراهم البرسا < " يحلفون إنه قامط العافية " .


ثامر " الله يشفي جدك ويعافيه "
تشاو