09/12/2008, 04:15 AM
|
 | زعيــم مميــز | | تاريخ التسجيل: 10/11/2005 المكان: ماوراء الكلاويس :D
مشاركات: 1,791
| |
Real Madrid
يالـهُ مِن كَبيرٍ .. يُستفـز !
ماكان يهمني في مباراة الأمس أكثر من النقاط الـ 3..
هو عودة كاسياس لمستواه
وروح مدريد
هالعنصرين أكثر شي رح نحتاج له في الكلاسيكو ، ورح يصنعوا الفاااارق بكل تأكيد على مستوى الفريق بشكل عام !
والحمدلله الروح استعدناها بالشوط الثاني ،، وكنا قريبين جداً من الفوز .
وكاسياس تحسن مستواه عما قبل !
وهالشي إن شاء الله رح يخدمنا كثير بالكلاسيكو .. أصلا ماعندنا الا كذا .. تصديات كاسياس ، والروح ... أجل من جدكم تبون تفوزون على برشلونه بالسلقلق اللي عندكم 
راؤول .. وقتكـ ياكبير !
الفريق الحين محتاج لراؤول أكثر من أي وقت مضى !ّ
ما أقصد هنا التكثير من التصفيق أبد .. ولا حتى جلب الكره من الشباك .. لأنه مافي أمل نجيب هدف
لكن أقصد أنه جا دوره بتشجيع اللاعبين قبل المباراه وأثناء المباراه ،
على الأأقل يحل محل شوستر من الناحيه النفسيه !
شوستر خربها وجابها من الاخر وهبط أم المعنويات !
مافي إلا الكابيتانو ،، جا وقته بقوه ياجماعة الخير !
كلمة حق تقال .. راؤول من أفضل لعيبة مباراة الأمس ..
وكان كله حيويه ونشاط وروح !
وهذا مانحتاجه في الكلاسيكو .. روووح راؤول .. وتشجيعه لزملاءه !
روح مـدريد .. وواقعية الأمور !
كل ماتخيلت روح مدرريد أمس كيف قربتنا من الفوز وأنها ممكن تصنع الفارق بمباراة الكلاسيكو ،،
أتفائل وبقوه
لكن لو واجهتني ذرة واقعيه ،، بتخليني أتشاءم جداً من المباراه !
شر البلية مايضحك وبقووه !
ياشباب تخيلوا .. بنلعب ضد برشلونه بدون أي جناح ،، روبين منكرش ، وديرنثي مصاب ..
يعني لازم نهاجم من العمق ،، وبسم الله ماشاء الله على صناع الالعاب المميزين عندنا ،،
والمصيبه الأعظم .. أنه جاجو محور وحيد !
تتذكرون كلامنـا ونقاشنا هنا بالرابطه قبل كم أسبوع .. تحدثنا حول ضرورة وجود محورين أمام الفرق الكبيره ،، وقتها كان ديارا موجود ،، وجاجو موجود
الحين ديارا أصيب ،ومابقى الا جاجو اللي صعب عليه يقدر يغطي ويضغط على هجمات البرشا ،، طبعا ماحسبت جوتي كمحور لأنه ماينفع أبدا ..
تخيلوا الوضع المأساوي معي
جاجو محور لحاله ،، جوتي يفترض انه بيكون محور يسانده لكن كلنا عارفين أن جوتي كـ محور ماعنده ماعند جدتي ،، خصوصا أنه بطيء في الرجوع هو وفان دير فارت .. يعني عز الله راح فيها الوسط ..
هذه نص مصيبه .. نمشيها .. نعديها .. نحاول نتغاضى عنها مع أنها واقع مرير
المصيبه الأعظم .. أنه مافي حد رح يقدر يمسك الجهه اليسرى الدفاعيه لنا ..
لاحظوا أن الجهه اليسرى لنا تواجه الجهه اليمنى لهم اللي فيها ميسي وألفيس ..
اثنين من أسرع وأمهر مايكون .. لو أنه مارسيلو موجود .. كان قلنا نص مصيبه .. أو ديرنثي .. كان قلنا اوك ..
لكن مارسيلو موقوف .. وديرنثي مصاب .. يعني حتى مافي لاعب يوقف لهم .. لاعب منظر مافيه
والمصيبه الأكبر .. أن الأسطوره سلجادو بيتواجد ..
ومعه الأسطوره الألمانيه ،، ميتزلدر .. اللي له مدري كم مباراه مالعب .. ونبيه يلعب في الكلاسيكو ويبدع !
وضع الفريق مزري ، ومأساوي بمعنى الكلمه ..
حتى البكاء .. يضحك من وضعنا ! فريق مخستك !
خايف تصير مهزله بالملعب .. وننهزم بنتيجه كبيره ،، لكن أتمنى من أعماق قلبي كاسياس يكون بمستواه ! والروح تكون موجوده ويسوون اللي يقدرون عليه !
أحس أنه من الظلم أني اطالبهم بالفوز بمثل هالظروف امام برشلونه ..
نصبر ونشووف !
ورده |
