بسم الله الرحمن الرحيم


الى الغالي المبدع داحم توتا طبعا انا جتني بعض الاقتراحات الحلوه وودي اقولها لك لعلك تضعها بشريطك وتركز على هالاقتراحات:-
طبعا انا ما راح ازيد على اخواني اعضاء المنتدى واقتراحاتهم جميلة جدا وهي في موضوع الاخ فتى الشرقيه والاقتراحات جميلة واتمنى انك تاخذها لكن حبيت ازيد كم اقتراح عليهم وانشالله تعجبك وهي:-
1)عندك الاندية اذا جيت العب مثلا مع احد من اخوياي تلقى خويي راح ياخذ ريال مدريد او ارسنال او اسي ميلان او اليوفي يعني باختصار الاندية القوية تنعد على الاصابع ليش ماتقوي بعض الاندية مثل اتليتكو مدريد وغيره من الاندية يعني اتوقع ان ثلاثة ارباع الشريط اندية ضعيفه جدا وربع الشريط يمكن عشرة اندية قويه طيب الاندية الضعيفه وش نسوي فيها بس كذا ديكور مانلعب فيهم انا ما اختلف ان هناك لاعبين في هذه الاندية قويين لكن كم لاعب لاعب لاعبين ثلاث بالكثير اربع فالمقصود من كلامي انك تقوي هاالاندية شوي وانا ما اقولك خلها مثل قوة اليوفي ولا الارسنال ولا الريال يعني قوها شوي على الاقل الواحد يختارها اذا جا يلعب واذا قويت الاعبين راح يكون هناك حماس بين الاندية وانا ابصملك على العشرة لو تسوي هالاقتراح راح تشوف كل واحد يغير نادية تلقى عشرين الف واحد ياخذ الريال واليوفي ولارسنال بس لو قويتها تلقى الشباب راح ينوعون بالاندية مثل اتليتكو مدريد وديبرتيفو وغيرهم من الاندية الانجليزية والايطاليه والاسبانيه.......الخ
اتمنى انك فهمت هذه الفكره واتمنى من كل قلبي انك تحطها في شريطك الجديد وراح يكون شريط رائع جدا جدا جدا ويكون فيه تنافس قوي جدا بين الاندية، واليابانيين الله يهديهم مادري وش فيهم ما قوو الاندية والله لو تشوف لعب الاعبين بالحقيقه تستغرب من قوتهم بالدوري الياباني اتمنى انك تعدلهم ياداحم توتا يالغالي................(اهم اقتراح )

2)اشكال الاعبين ياليت تكون مقاربة للواقع وخاصة الاندية السعودية لاني شفت اشكال بعض الاعبين الصراحة يخوفون اتمنى انكم تعدل شوووووووووووي باشكال الاعبين.......

3)الاعلانات لاتنساها الله يخليك تراها تعطي شكل جمالي على الملابس واعلانات الملعب واطقم الاندية ياليت تكون جديده .........

4)ياليت تغير في شكل الشريط 360 درجه يعني تغير في الملاعب تجيب ملاعب من عندك وتكون حلوه اذا كنت تقدر تحط لاعبين في دكه الاحتياط والمدرب في المنطقة الفنيه الصراحة وانا العب اشوف اشياء في الشريط (باييييييييييييييييييييييييييييييخه)وين الاحتياط ووين المدرب واذا كنت تقدر تحط حكم خط وحكم اساسي ويعني من هالتعديلات الحلوه والابوات اكرمك الله اتمنى انها تكون قريبه للواقع الصراحة بعض الابوات بايخة نفس الشكل بس تغير في اللون اتمنى انك تحط ابوات من ماركات مختلفة مثل اديداس ونايك وغيرها من الابوات الرائعة..... بشكل عام عدل بالشريط وخله احسن من ويننق اليفن 7 الياباني نبيه يصير ويننق اليفن 7 داحمتوتا

5) عندك بعض الفنيال وخاصة الفنايل الايطاليه ماتحس انها ضيقه وحلوه ياليت تخليها مثل الحقيقه الفنايل الايطالية.....

6) شعور بعض الاعبين ليش ماتتحرك يعني اللي تتحرك شعورهم بس اللي شعره الين كتفه والباقي لا يعني في الحقيقه الشعر مايتحرك طيب شعر رونالدينهو ليش مايتحرك واكثر الاعبين المفروض الشعور تتحرك مهما كانت طويله ام قصيره(تراها نقطه مهمه)

7)الكور ياليت تنوع فيها....

8)عندك الملاعب الانجليزية الصراحة حلوه اللي يجيك المشجعين وراء المرمى على طول والله ملاعب حلوووووووووووووووووه اتمنى انك تضيفها...........

9) لاتنسى لقطات الاهداف في البداية الله يخليك الله يوفقك دنيا واخره تكفى حط هدف نواف التمياط في مرمى الكويت الهدف الذهبي اتمنى انك تعرفه الله يخليك حطه تراه هدف خيالي.....

10) ولاتنسى اقتراحات اخواني في موضوع فتى الشرقيه تراها اقتراحات مهمه جدا جدا جدا وان تعرف هذا واشكر فتى الشرقيه على موضوعه الجميل


وانشتالله اذا تذكرت شي راح ابلغك


واتمنى انك تنزل اخررررررررررررر الصور وباسرع وقت

وياليت الشريط ينزل قبل رمضان او بعد الاختبارات


اتمنى لك التوفيق يالغالي ووالله انك ماقصرت وتعبناك معنا لكن صدق انت
فخـــــــــــــــــــــــــــــــــــــــــــــــــــــــــ لكل سعودي ـــــــــــــــــــــــــــــــــــر


اتمنى لك التوفيق دنيا واخره

ويالله ترانا ننتظر ابداع داحم توتا