حرام كذا .. ليه الاجرام والعنف في نتايجكم يابرشلونه ..



صعب اني اقول شئ عن المباراه .. الصمت احسن وربي احيانا .. حاجتين المفروض الواحد يلتزم فيها الصمت .. شئ يسبب لك مشاكل .. وشئ ماتقدر تقول تعلق عليه .. ونتيجة برشلونه فيها الحاجتين بس يعتمد على الطرف اللي بيعلق عليها

فالنسيا فريق ممتاز في عناصره .. وعنده نجوم خطيره .. لكن الخلطه اللي عنده حاليا .. اضعف من انه توصله لمسافات بعيده وهو ينافس على اكثر من بطوله ..

[ باراخا - البيلدا ] صعب يجارو سرعة اللعب والايقاع اللي فرضها برشلونه .. ولهذا شفنا فيرنانديز كالمحارب النبيل يحاول لحاله ضد جيش عديم الرحمه ..

خلفهم خط دفاع [ جديد ] يعتبر في عناصره وغير متأقلم .. لكن هذا لايعني أن هذا الشئ هو السبب الرئيسي بالأهداف .. لأن الفراغات كانت موجوده من الخطوط الأماميه مرورا بالمناطق اللي يغطيها لاعبي الارتكاز ..

الارتباك كان واضح على محيا وجوه لاعبي فالنسيا من الدقيقه الأولى بعد رمية التماس الخاطئه وبعدها لاحظنا كيف ردة فعل التصحيح للخفافيش .. كانت عاديه جدا ..

برشلونه بالشوط الأول كان فيه بعض القصور بوجود بعض الأخطاء .. لكن حتى مع هذا القصور لم يتمكن لا فيا ولا غير فيا من الوصول لمرمى فالديز بشكل صريح الا فيما ندر ..

صعب نوصل للكمال .. وصعب نلعب 90 دقيقه بدون اخطاء .. بالتالي اللي حصل بالشوط الأول تم نسيانه تماما بالشوط الثاني .. لأن السيطره على الكره بالشوط الثاني باختصار كانت وحشيه جدا ..

هليب علامه فارقه



بالمباريات السابقه كان بيب يلعب احيانا بميسي في مركز قلب الهجوم .. لكن امس مركز قلب الهجوم انحذف في بعض الدقائق .. بانضمام هليب لثلاثي الوسط ومساعدتهم في افتكاك الكره ..

هليب امس قدم افضل مباراه له مع الفريق الكاتالوني على الصعيد الفني والتكتيكي .. تضييقه للخناق على محاور فالنسيا .. كان شئ مهم للتفوق التكتيكي البرشلوني ..

مباراه ذكرتني بادواره الا قام بها في مباراة الارسنال وميلان .. حينها اختفى الميلان تماما واكتسح الارسنال المباراه بجداره .. ليش لأن الميلان ماقدر يطلع الكره من المناطق الخلفيه وهو مرتاح وبدون اخطاء ..

اذا غاب القط العاب يافار



امس هنري قدم اداء رائع جدا .. روقان وتركيز كبيرين .. صار يسدد بحرفيه تهديفيه .. واستغل الوضع بغياب ايتو للتحرر وتسجيل الاهداف ..

ميسي = برشلونه .. مقوله ترددت كثيرا .. حتى وان البعض استشهد بالمباريات الا صارت قبل والفارق اللي يحدثه ميسي دائما ليصل الى استنتاج اوقف ميسي ستوقف زحف برشلونه تماما ..

البعض حاولو ان يتوسعو قليلا .. اوقفو تشافي ستوقفو تفكير برشلونه كليا .. ولكن بالأمس كان كل شئ مغاير لحساباتهم القديمه ..

كل اللي اعرفه ان كرة القدم عباره عن 11 لاعب ضد 11 لاعب .. ليس هناك 1 ضد 11 .. او خط من الخطوط الثلاثه ضد 11 ..

ايمري ركز تفكيره على تضييق الخناق على ميسي وتقليل المساحات المتاحه له .. ولكن في هالحاله اعطى مساحه اكبر لـ هليب وتشافي للتحرك وتنظيم حركات الفريق الهجوميه وايضا اعطى الحريه الى هنري للتحرك بالكره وبدون الكره كيفما يشاء .. وكانت النتيجه اخطاء عديده على مستوى التغطيه ..

حلول متاحه



الفيس وتوريه .. ادوارهم الاساسيه دفاعيه .. ولكنهم يمتلكو الكثير ليقدموه للفريق هجوميا .. توريه بالأمس صنع هدف جميل .. وساهم في انطلاق عدة هجمات .. بينما الفيس كان مفتاح مهم في تفوق برشلونه دفاعيا وهجوميا ..

تفوق ملحوظ



خط الدفاع بالأمس كان مصدر امان للفريق في اغلب الفترات .. حتى مع بعض اللقطات الفرديه من خواكين او فييا .. الا ان التعامل كان مثالي جدا خصوصا من جانب ابيدال الغائب من شهر اللي بالشوط الأول غطى بعض اخطاء بويول ..



ماركيز كان الليبرو الأنيق كالعاده .. بويول المهايطي تابع فييا في اي مكان يروح له واخرجه من المباراه ذهنيا ..

لكن .. داني الفيس صعب اتكلم عنه والله صعب .. لاعب يخليك تستغرب .. تضحك .. تحييه .. لاعب نادر وجوده باختصار ..

بيب اخاف تجيك عين والعياذ بالله



اللي سواه هالولد امس يخليك تصفق له وترتاح لوجوده في فريقك .. انك تفرض ايقاعك في نفس الوقت من اقصر الطرق عبر اخطاء خصمك معناتها تفكيرك نظيف وقاعد تشتغل بشكل مميز ..

اللي يشوف تدخلات [ الفيس - ابيدال ] امام كل من [ خواكين - ماتا ] جيدا .. ويركز عليهم في كل اللقطات راح يعرف انه تم دراسة حركاتهم بشكل ممتاز قبل المباراه ..

اللي يشوف الهدف الأول .. من فالديز الى ماركيز الى توريه وتقدم .. الى هنري مباشره كره طويله .. يعلم ان الهدف كان يطبخ على نادر هادئه ليكون بهذه الطريقه .. من يرى تحرك هنري من بدايته في الهدف الثاني ومايوازيه من تناقل للكره بين الفيس وزملاءه سيعلم بأن ليس هناك شئ صدفه ..

مباراه ابدع فيها هذا الشاب على المستوى التنظيم الدفاعي وعلى مستوى الاستفاده من اخطاء الخفافيش ..

وللهياط حدود

اخواني جماهير فالنسيا والريال .. امزحو وتناقشو وفلوها .. كلنا أخوان .. بس بلاش التقليل مثل بعض الاعضاء .. اكرر البعض .. يعني لا احد يشتري لروحه الكلام .. اللي ماتكلم بشئ سئ يعرف نفسه واللي تكلم بشئ سئ برضو يعرف نفسه ..

يالمدريديين .. بالنسبه للكلام عن ظروف الموسم الماضي ..

قلناها لكم .. وبلاش نعيدها مره ثانيه .. لأن انتو مومحتاجين مثل عبارات المدح هذي .. انتو جماهير فريق كبير وبلاش المطارده وراء اي شئ فيه مدح لكم او تقليل لغيركم ..

الموسم الماضي .. مباراة الذهاب .. كنتو الأفضل ومدربكم الأفضل .. ماراح نجادل فيها ولا نكابر .. احنا اللي نشوفه نقوله ولا نقلل من غيرنا .. شئ تعودنا عليه في رابطتنا هنا ..

برشلونه في مباراة الذهاب كانت سيئه .. بغض النظر عن الأسماء الموجوده .. لأنكم كنتو الأفضل .. وميسي كان غايب .. وصعب انك تعوض لاعب مثل ميسي بخطه بديله خلال اسبوع وانت تعرف انه بديله لاعب مثل جيوفاني واللاعبين الثانيين غير جاهزين بدنيا امثال رونالدينيو وايتو .. يعني الظروف ايضا اجبرتنا نكون سيئين [ اذا بناخذها بمنطق التعذر ] ..

هنري كان عائد من اصابه في ظهره .. الظهر يا اخوان جزء حساس في الجسم .. اصابته العن من اصابات الرباط في الركبه .. هنري كان العلاج الا يمشي فيه حذر ومركز .. وصعب ندخله مباراه قويه مثل الكلاسيكو .. خصوصا وان فيه لاعبين مثل كنافارو لهم تاريخ سابق مع التدخلات العنيفه جدا مع هنري .. يعني حتى هنري لما يدخل بيخاف على نفسه اكثر من اي شئ ثاني ..

يعني من حق المدرب ان يخسر مباراه ويحافظ على لاعب للموسم الطويل .. احسن من انه يدخله ويخسر كل شئ ..

افضل من مدربكم اللي تكررت معاه الحاله هذي اكثر من مره .. كم مره دخل بيبي وخسرتوه شهور ؟ كم مره دخل نستلروي وخسرتوه شهور ؟

فيه فريق بين انك تتلقى الضوء الأخضر للمشاركه مع الفريق .. وفرق بين انك خلاص تقدر تشارك مع الفريق وانت متطمن ..

مدربكم مع احترامي .. فيه مشكله .. يا انه مايعرف ان اللاعب المفروض يدخل للمباريات بشكل تدريجي بعد الاصابات .. او انه مايعرف الا اللاعبين الاساسيين والاحتياطيين موعاجبنه اي لاعب فيهم .. ومع احترامي لمدربكم ايضا انتو عندكم لاعبين احتياط افضل من اساسيين في فرق اوروبيه كبيره ثانيه .. حتى لاعبين مدريد الرديف مايقلو عن مستوى لاعبي بعض اندية الليقا .. لكن انتو ماعمركم حاولتو تستفيدو من الاشياء الا عندكم ..

بالنسبه للاياب .. فزتو برباعيه .. اثنين من الأهداف باخطاء تحيكيميه .. لكن عادي .. الاخطاء التحكيميه تحصل .. وانتو كنتو افضل بشكل عام .. لكن برضو اذا تبغونا نتعذر نعرف .. دخلنا المباراه بعد خسارة كل شئ بالموسم .. وريكارد يعرف انه خلاص انتهت رحلته مع برشلونه .. مع غياب عناصر عديده للايقاف والاصابات ..

خلال المباراه ايضا .. سيلفينيو وقوديونسين يخرجو باصابات .. والبدلاء من ادميلسون وجيوفاني .. وتوريه وصلت به مشاكل الظهر الى حد الذروه .. حتى ان بعد المباراه ماشارك مع الفريق في باقي المباريات وسوى عمليه مباشره ..

يعني نلعب امام فريق مدريد الكامل والمتحفز والأفضل في كل شئ .. واحنا فريقنا يلعب بلاعبين وسط لأنه مافي احد في الدكه نقدر نحطه كلاعب ثالث .. ليش ؟ الاصابات شالت كل من في الفريق ..

يعني ارجوكم للكل وليس فقط للمدريديين .. حطو اعذار وهايطو وكل شئ بالعكس احنا نبغا نعيش جو مرح في الاستوديو .. بس لا تقللو من غيركم في كل مناسبه و تذكرو .. ان احنا شربنا من هالكأس في يوم من هالأيام .. يعني يوم لك ويوم عليك

ختاما .. مبروك للبرشلونيه .. وهارد لك يالخفافيش .. وبالتوفيق للجميع الليله ..