كلنا استجبنا للاداره الهلاليه عندما وجهت بعدم شراء اللبس المقلد للزي الرسمي لنادي الهلال ومطاردة جميع من يحاول ان يقلد المنتج الاصلي.

كلنا فرحنا لهذا الخبر لما فيه حفظ لحقوق نادي الهلال لكن...

للاسف عندما ذهبت لشراء المنتج من الشركة المصنعه للزي الرسمي فرع الرياض وكنت ارغب في شراء المنتج لولد اخوي الصغير عمره سنتين ( ابوه مشجع نصراوي كبير لكن انا مستحيل اخليه يشجع النصر علشان لا يصاب بعقده نفسيه ) لقيت المقاسات من ثمان سنوات واكبر ويقول انتظر بتجي بعد اسبوع...

هذا الكلام من شهر والا اليوم ما جاء شي رحت محلات الرياضة العاديه لقيت مقاسات كل الاعمار والله لو تبي مقاس طفل عمره شهرين موجود ...

وإلا الان وانا انتظر يجيبون المنتج بس شكلنا بردد كثير....

ارجو من الادراه الهلاليه مخاطبة الشركة المصنعه للملابس الهلاليه في توفير جميع المقاسات واللالوان لكي لا يتجه الناس إلى المقلد بسبب اهمال من الشركة المصنعه لان الاداره الهلاليه تطالب من الجمهور الهلالي عدم شراء المقلد والشركة المصنعه لا توفر الملابس المطلوبه في محلاتها...

اسف على الاطاله بس والله من القهر ان نشوف الادراه الهلاليه تسعى لحفظ حقوق النادي ونشوف فيه اطراف ذات صله بالموضوع يكون منها الاهمال...