إقتباس بمناسبة الحديث عن رجالات الهلال فإنه يجب علي توضيح المقصودين بتلك العبارة وهم أعضاء الشرف والجماهير والكتاب الرياضيين ، وكل رجل من أولئك الرجال تحتم عليه هلاليته أن يقوم بمهام واجبة عليه لأنه ينتمي إلى الصرح العظيم نادي الهلال السعودي زعيم أكبر قارات العالم ، وإلا فعليه التنازل عن إنتمائه لرجل آخر يكون أهلاً للثقة الهلالية الشامخة أبد الدهر ،،،

فيه رجالات هلال نطالبهم بدعم النادي بشكل اكبر لاننا نعرف ان تاثيرهم راح يكون ايجابي بكل تاكيد مثل سمو الامير الوليد بن طلال وسمو الامير هذلول بن عبدالعزيز وفيه رجالات هلال نطالبهم يبعدون للنادي لانهم حاسوا الفريق بما فيه الكفاية وانا اوافقك على دعوتك اللي في الحالة الاولى واعاتبك على تجاهل اللي ضيعوا النادي عاد اذا منت عارف منهم اللي ضيعوا النادي من خلال سياستهم الخاطءة كسمو الرئيس عبدالله بن مساعد وخوينا المصيبيح ولا يهون السليم،،،،

إقتباس * فأعضاء الشرف والذين تغنى بهم الهلاليون على مر السنين عليهم العودة إلى النادي ودعمه بكل ما أوتوا من قوة مادية ومعنوية كما كانوا في الماضي التليد والذي حصدوا من خلال دعمهم فيه بطولات زرقاء وسمعة جميلة لدى الهلاليين وغير الهلاليين بل إنهم في حياتهم العامة أصبحوا من المشاهير بسبب دعمهم للزعيم الأزرق لذا فعليهم العودة من جديد ،،،

انت قريت لقاء سمو الامير عبدالله بن مساعد الاخير بالرياضية؟؟؟؟والله ما ظنيت والا كان قريت النقطة التي تكلم فيها عن اعضاء الشرف وقال ان اللي مااوفو بالتزاماتهم ماياصلون عدد اصابع اليد والحدة وتدري وش قال بعد؟؟؟؟قال ان لهم ظروفهم اللي منعتهم من الدعم وفيه اعضاء شرف مو عاجبتهم سياسة الامير عبدالله وتراهم غير ملزمين بالدعم الا ان كان انت تشوف ان غصبن عنهم يدفعون بعدين تعال انت وش سالفة اللي صاروا من المشاهير بسبب دعمهم للزعيم لذا فعليهم العودة من جديد؟؟؟؟بالله عليك تقول لي انك تمزح لان صراحة الجملة ذي قسما بالله ما تنهضم يعني بالله عليك تبي تفهمنا ان اعضاء الشرف يوم دعموا النادي كل هدفهم هو الشهرة والفلاشات وانهم ماجابوا خبر الهلال؟؟؟؟لا يكون بس ان قاعد تدور الشهرة وانت قاعد تكتب في منتدى الزعيم والا انت اصلا ماجبت خبر الهلال ولا فكرت فيه؟؟؟؟



عن اذنك باسير على رد منادي

إقتباس من المؤسف يا اخي ان نرى حال (بعض) الجماهير التي بدأت تُشكك في إخلاص بعض المنتمين للنادي, وتتهم بالغطرسة وانهم ليسوا اكفاء لمثل تلك المناصب, وكأنهم يشككون بالامير عبدالله بن مساعد لانه وثق فيهم واختارهم ضمن اعضاء مجلس الادارة.

هل تبي تفهمنا ان اي واحد يختاره سمو الامير عبدالله بن مساعد فهذا يعني انه كفو وانهم قد المنصب اللي انحط فيه؟؟؟؟ لا وستين الف لا ولا واترك عنك سم طال عمرك انت صح طال عمرك!!!! الرئيس بشر مثله مثلي ومثلك ومعرض انه يخطئ وياما اخطا في فترة رئاسته للهلال ومن اول يوم اختار فيه اعضاء مجلس ادارته اللي واللي ماهوب كفو لمنصبه والعيب ماهو في الاعتراف بهالشيء لا العيب انك تكون نايم على اذيناتك وتنكر وجود هالشيء وتقول عكسه تماما ،،،،