هـــــــــــــاي جــايز ..

صبحكم الله بالخير .. يأفضل رابطه في العالم الثالث .. بصراحه اشتقتلكم كثيير كثــر

أشتياقكم الى ريال زيزو وفيقو وديل بوسكي ..

بصراحه انا مقطوع عن اخبار الريال وعن مباارياته .. من مباره ال7 في هاترك فارت الى مباره

خيتافي الاخيره .. الي لخصت لي حال الريال الحالي .. الي وصل الى مرحله سيئه اكثر مما توقعته

.. انا بصراحه توقعت في ردودي السابقه ان الريال قد يصل الى مرحله سيئه تجعل الاداره تتحرك في

الشتاء بشكل سريع وخاصه اني كنت متشائم من الاصابات بشكل كبير وقله الخيارات الي في الاحتياط

وخاصه في الاجنحه بعد بيع روبينهو .. بس ماتوقعت ان يصل الحال الى هذه المرحله القاسيه جدا ..

هزائم من اليوفي رايح جاي .. فوز بصعوبه على الفرق الصغيره .. هزائم واهداف كثيره جدا ..

اشيـــاء تجعلني احمد ربي اني مااشفت المهازل هذي ..

يبقى دايم السؤال من المسؤول ؟ ..

المسؤول بالدرجه الاولى الشخص الي تعاقد مع هونتلار في هذا الوقت كمهدئ للجمهور .. بعد ماشاف

ان الحال ساء وان العالم عرفت اخطائه تعاقد مع هونتلار بشكل سريع مع انه كان يقدر يجيبه فــي

الصيف .. كالديرون وادارته هم المسؤول عن مايحدث الان بسبب فكرهم الغبي وتفكيرهم السطحي ..

اتوقع انكم شرشحتوه الين طفشتوا .. ويستاهل شايب الديمن الي يجرااله .. لكن برضو هذا مايجعل

شوستر خالي من المسؤوليه .. صحيح طلب طلبات لم تنفذ ولكن يلعب بأمكانياته ويلعب بمبدا الكوره و

لايألفلي .. اذا كانت الاداره مسؤوله عن التعاقدات فأن شوستر مسؤول ايضا عن تدني مستوى

الاعبين وحتى اصااباتهم الي من الممكن ان يكون شوستر وجهازه سبب في ذالك ! !

لأن هذا الكم الكبير من الاصابات اشوف ان الاعداد البدني السيء اكثر منطقيه لي من الحظ العاثــر ..

وايضا تدني مستوى الاعبين .. شوستر يسأل عن ذالك ايضا .. توظيف الاعبين الخاطئ وعــــــدم

محاسبتهم على انخفاض مستواهم يزيد الطين بله .. مثلا عندك لاعب جيد مستواه هابط تعطيه فرصه

لعييد مستواه مانفع اللطعه في الدكه .. والله الدكه تربي ترا .. يشوف نفسه ويراجع مستواه ويعود بقوه

ونفس شيء بس بالعكس .. لاعب جيد تلطعه في الاحتياط وتلعب لاعب اسوء منه واسااسي هذا يأثر

على مستواه ايضا .. واتوقع مع اني مااشاهده مباريات كثيره ان شوستر ارتكب معظم تلك الاخطاء

.. اتمنى ان الحال يتعدل .. مع انه زاد تشائمي بصراحه لموسم سيء لدرجه اذا لم نتدارك الامور قد

ننافس على الاتحاد الاوربي .. بينما الكبار يتنافسون للوصول لنهائي البرنابيو القادم ..

وزي مايقول صاحبي الفلسطيني المدريدي المتشائم بعد مباره خيتافي ..

شو هاض .. على هااذ المستوى بعتقدش اننا نلعب في الابطال السنه الجايه يازلمه ..

طبع هذا بعد ماحذفت مقاطع الشتم والكفر

واسف على الاطاله ... بس لابد من الجرعه الزائده

وكل الشكر لكم

قفله :

ثامر شاكر لك على سؤالك ياازموردي