الف مبروووووووووووووووووك الفوز والصدارة وفارق الست نقاط >> بدري

الفريق حقيقة قدم مباراة ممتازة من وجهة نظري

فوز مقنع ومجهود غير مبالغ فيه وتقدم مبكر ومريح بفارق هدفين مما سهل المهمة

وهذا هو المطلوب ان تتقدم مبكر وتلعب بثقة وهدوء اعصاب وعدم بذل جهد كبير

الفريق كانت لديه رغبة واضحه من البداية وتحقق له ذا الشئ من هدف كوردوبا الرائع

وحقيقة انا اشوف انه صعب على المهاجمين بدون مبالغة

ثم جاك ابوعلي الله يثبته وهدف خورافي تشارك معه في جماله كروز ودوجلاس

هدفهم ايضاً كان روعه لكن انا اشوف ان فيه فهاوه من دفاعنا

يعني موب منطقي ان 4 مدافعين محاصرين زلاييتا وهو خارج منطقة الجزاء ومعطي الباب ظهره
ثم يدخل لافيتزي من وراهم ويعطيه اياه كعب والدفاع يتفرج .!

عموماً الفريق اذا لعب بذا الخطه اعتقد من الصعب ايقافه

ويمكن تذكرون كلامي بعد مباراة باناثينايكوس

كنت اقول ان الانتر بيفوز وبيلعب بنفس تكتيك مباراة اليوفي

وهذا اللي صار وفزنا يعني الامور باتت واضحه يا مورينهو واتمنى انه يعتمد الخطة

خصوصاً بعد عودة خيمي ان شاء الله تصبح اقوى هجومياً

لكن حذاري من الثقة الزائده ولنا في العام الماضي عبره

الفريق العام الماضي فرق عن روما بـ 11 نقطه وكاد يضيع منا الدوري

اتمنى ان مورينهو ما يثق زياده انه بيجيب الدوري ويرجع يتفلسف بخططه العقيمه

فارق ست نقاط لا يكفي وان شاء الله ما يجي عيد الميلاد الا وفرقنا بـ 10 نقاط

عشان نركز ونمخمخ على الابطال صح .

نبدأ بتقييم اللاعبين :

سيزار : ما جته زود كور لكن يبقى مصدر ثقة

ماكسويل : والله يا لافيتزي اتعبه وسحب به وهذا كلامي من اول ان ماكسويل لاعب اقل من عادي دفاعياً
ولاحظنا خطورة نابولي من جهته .

سامويل : من يوم رجع ذا اللاعب وهو معطي هيبه لدفاع الانتر .

كوردوبا : ما ادري امدح مستواك الدفاعي والا هدفك الخبـــــــــــــــــــــــــل .

مايكون : كالعاده ..

كامبياسو : نجم المباراة .. لاعب اتعب في كل مباراة اني اقول انه نجم
يمسك الوسط .. يبني هجمه .. افتكاك عجيب للكور .. لاعب غير عادي

مونتاري : هدف خيالي على طريقة رابح ماجر ولو ان مستواه جيد نوعاً ما

زانتي : مستوى جيد بس ليته توجه بالهدف

ستانكو : ايضاً مستوى جيد وهذا اللاعب يمكن يختفي احياناً لكنه لاعب تكتيكي بحت
ونلاحظ وسط الانتر اذا لعب يتغير

ابرا : مستوى غريب .. بس احلى شئ سواه يوم يسحب بهامسيك

كروز : مستوى عادي بس الكعب ما يسويه الا الكبار
ودائماً بينه وبين مايكون ون تو ونذكر مباراة فالنسيا

مورينهو : تبون تعرفون قدره .. اسئلوا جمهور تشلسي

وعذراً على الاطاله

ورده