نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - | رابطة عشاق الشياطين الحمر 2008 - 2009 | ( به وإلا بغيره .. المان مجد .. وحسن سيره ) | ( Kings of the Worlds )

hilalemooot · #7030 01/12/2008, 08:21 PM

.
.

السلام عليكم

طلال انت وابو حميد .. لا لا ما يصير ترى ما نقدر كذا قسم

.. ماشاء الله عليكم .. شعّار الرابطة إنتم

.. أقلامكم شي ثاني من جد

بصراحة موضوع تيفيز من زمااان كان ودي اتكلم فيه بس ماني لاقي وقت مناسب .. خبركم معمعة المباريات و الموضوع صعب شوي ومعقد .. حاولت افك اللغز طلع معي كم تفسير ممكن اكون صادق فيها و ممكن لا .. بس قلت نتناقش فيه .. وزي ما تعرفون الفترة الجاية زحمة مباريات و اشوف ان هالوقت هو الانسب

تيفيز مثل مانتم عارفين جاي للفريق بعقد إعارة لمدة موسمين مضى منها تقريباً موسم ونصف باقي نص موسم .. المبلغ اللي طالبه موكلين اللاعب واجد .. ما اعرف المبلغ بالظبط بس بين 26 و 35 مليون يورو تقريباً وهو مبلغ كبير بصراحة ومبالغ فيه .. لحد يقولي انت ما تحب تيفيز تراني ارجنتيني للنخاغ

التفسيرات اللي جت ببالي طبعا الاول ان فيرغي مقتنع بثنائية بيربا و روني ومخلي تيفيز للزنقات وهذي ما اعتقد وباقولكم ليش بعدين

التفسير الثاني فيرغسون يبي يوصل رسالة لموكلين اللاعب .. يا إما تنزلون سعرة ونشترية باللي نقدر عليه وبالمعقول .. والا تراني ماني ميت عليه وهذا هو الاقرب

اللي يخليني اعتقد ان الثاني هو الاقرب مباريات كثيرة فيرغي يكون محتاج تيفيز فجآة نشوفه ينزل لاعب ثاني وبنفس المكان اللي يلعب فيه تيفز .. ويمكن امس اغلبكم استغرب ليه ينزل تيفيز مكان جيجز اللي لعب راس حربة

.. يعني معقولة فيرغسون بباله شي .. خصوصاً انه طلب من جيجز قتل اللعب والاحتفاظ بالكورة اكبر قدر ممكن في مناطق السيتي .. وكلكم تعرفون تيفيز بالتحضين على الكورة افضل مية مرة من جيجز واقوى بدنياً بعد

لذلك تلحيطة تيفيز اعتقد ان فيرغي يحاول يوصل فيها فكرة معينة لموكلين اللاعب .. وانا متأكد 100% ان فيرغي مقتنع فيه بس العائق الوحيد المبلغ المالي الكبير المطلوب لشرائه .

اللي مخليني متطمن اكثر صمت تيفيز وهدوئه حول هالموضوع

ابداً ما إحتج و زعل وقال ابطلع مع إنه إحتياطي ومارادونا قايله اذا تبي تلعب بالمنتخب لازم تلعب اساسي وهنا يظهر معدن الأرجنتينيّن الاوفياء عكس اللي منيب قايل

.

بالنهاية انا واحد اتمنى يبقى تيفيز بالفريق .. لكن اذا كان بمبلغ يتعدى الـ 25 مليون لا والله ما ودي .. 25 مليون تجيب لنا بنزيما او بودولسكي وحتى زاراتي بعد

عموما تبون تناقشون الموضوع بكيفكم .. تبون تقرون وتاخذونه مطب بعد بكيفكم .. انا طرحت وجهة هالنظر اللي ممكن تكون صحيحة وومكن تكون خطأ بعد الكلام اللي قاعد اشوفه ان فيرغي يذبح تيفيز بالدكة .. ومرة ثانية نرجع ونقول فيرغي داهية لا تخافون على المان بوجوده

بالنسبة لدفاع فيرغي عن كريس مو مستغرب .. فيرغي دايم يدافع عن لاعبينه حتى لو هم على خطأ وهذا اللي محببني فيه

.. على فكرة ايفرا امس اخذ الكرت الاصفر الخامس و راح يغيب عن مباراة توتنهام حسب قوانين الاتحاد الإنجليزي .. اللي تنص على ان اللاعب اللي ياخذ 5 كروت يتوقف في المباراة اللي بعد اسبوع .. وبما ان مباراة السيتي الاحد و سندرلاند السبت يكون ايفرا ما استوفى الشرط هذا

.. رونالدو ما ادري بس اتوقع بيلعب متش البسس

بما ان الفريق عنده بكرة مباراة الروفرز في الكارلنغ

اذا كانت الكروت تدخل في الكارلينغ و الدوري

يوووهـ حسيت اني كثير

.. لكم المايك

.
.